|
طريقة عمل الخروف المشوي بالصور خطوة بخطوة
السلام عليكم ورحمة الله وبركاته حياكن الله ؛ نقلت لكم طريقة عمل الغوزي لذيذة بالمرة؛ وتصلح لقطع اللحم مثل يد ؛ فخذ ؛ أي جزء من الذبيحة وتحتاج ساعتين فقط بالفرن ...إن شاء الله تحوز على رضاكن .. خروف / قوزي مشوي- بالصور خطوة بخطوة والمقادير خروف صغير (قوزي) حوالي 12:14 كيلو توضع التتبيلة كلها مع بعضها وتقلب جيدا ثم يدهن بها الخروف من الداخل والخارج ويوضع البصل داخل الخروف و هذا التمر هندي و هذه خلطة التتبيلة بعد التقليب تلف الأذرع بورف فويل حتى لا تلطخ الحشوة الذراعان ثم نبدأ بدعك الخروف بالتتبيلة من الداخل والخارج ندخل الأفخاد داخل الخروف ثم يلف بدوبارة من النوع القوي حتى تظل الأفخاد ثابتة بالداخل يمكن نحتاج للمساعدة في هذه الخطوة يتم تكلمة دعكة بالتتبيلة من كل الجوانب يلف في ورقتين فويل جيدا ويدخل الفرن مدة 6 ساعات تقريبا وهذا يتوقف على حجمة بعد ان ينضج نفتح الورق الفويل ونتركة بالفرن الى أن يتحمر وهذا عند التقديم طبعا هذا يصلح للعزومات والولائم والأفراح ولكن يمكننا استخدام التتبيلة مع جزء من الخروف مثل الكتف او الفخدة ويتم الطهى بنفس الطريقة مارأيكم ؟؟؟ إن شاء الله نال إستحسانكن .. أسأل الله العلي العظيم أن يتقبل منا ومنكم صالح الأعمال وكل عام وأنتم بخير مقدماً ... اللهم صلي على نبينا محمد صلى الله عليه وسلم ... |
عليكم السلام والرحمه،،
شكله عجيب:22: بالعاده ماشوف من الخروف غير راسه واجزاء بسيطه ،، العيد قرب ربات عالم الأسره وحده تجازف بخروفهم وتطبخ لنا هالطبخه :)،، كل الشكر غاليتنا الصائمه افدتينا ولو بمعرفة طريقة الإعداد لاعدمناك خيه ،، دمتي بحفظه. |
الله الله
طريقة ولا أسهل انا اول مرة طبخت فيها ذبيحة تعالي شوفيني بقولكم القصة بس ارجووكم الضحك على خفيف :d كنت في بيت اهل زوجي وحلفوا طبعا يذبحون لنا خاروف (عادات البدو ذبح خاروف للضيوف) ويقوم زوجي العزيز يحلف عليهم محد يدخل المطبخ غيري !!! يعني يبي يبين لهم اني ست بيت واعرف اطبخ طبعا انا لغاية الحلفان ما ادري انه المطلوب طبخه خاروف كامل مو كتف ولا قطعتين لحم مثل ما تعودت وأقوم انا الصبح بكير قبل الكل اروح المطبخ وأسأل الخدامة الجديدة عندهم وين لحم ؟ تقوم تطلع لي ذاك الخاروف الكامل وابتسم واقول طيب بطبخه كله ؟ تقول اي ! واطلعه برا بالحوش وانظف وافرك فيه ساعة لين نظف .. واقوم بسلامتي اقطع منه الأجزاء الغير مطلوبه بنظري يعني مالها داعي ابدا (الراس والثربة "الذنب") << اتخيل البدويات يقولون يا لهوي الحين المهم بعد ما انطبخ حوالي ساعة (لاحد يسأل كيف حطيته بالقدر وربطته معجزة والله اني عرفت لحالي) وتنزل بنت اخته المطبخ وتفتح القدر اللي بالحوش وتجيني تقولي مرت خالي هذا وشو اللي بالقدر ؟ تيس ؟؟ قلت لها لااا هذا خاروف !! قالت خاروف ؟ اجل وين الثربة ؟ قلتلها شو يعني ثربة ؟ :) قالت الذيل وينه ؟ قلتلها بالكيس مع الراس بقطهم بالزباله ... وتقوم تضرب على راسها وتولول وكأنها فقدت عزيز وتقول يا ويحي .. عسى ما عندنا رجاجيل وعرب !! طبعا بعد البكاء والنياح عرفت انه عيب جدا جدا جدا جدا عند البدو تقديم الذبيحة بدون الثربة (الذيل) والراس ! واشيل الراس والذيل من الكيس واطبخهم لحالهم وقلت لها انا بصلح الوضع ما عليك ! ونطبخ الراس لحاله طبعا .. والذيل نظفته وحطيته مع الذيبحة وخلص الرز على خير وحطيت الذبيحة فوق الرز وحطيت كمية من الرز مكان الثربة وحطيت الثربة اللي صايرة مثل الجلي عليها وضغطت عليها علشان ما تبين انها مقصوصه :d ورحت لزوجي قلتله بما انك الضيف استر علي وسو نفسك انك قطعت الثربة تراني قصيتها وكنت بقطها حفاظا على الكلسترول عندكم ! طبعا زوحي حبيب قلبي بدل لا يستر علي مات ضحك وما خلا حد من العايلة ما قاله (الرجاجيل الباقين ما دروا بالسالفة) بس ابشركم الحين الكل يدري انه مرت فلان تطبخ الذبيحة بدون ثربة اوف احس اني طولت بالقصة بس لازم كنت اذكرهابمناسبة الوصفة اعلاه :) |
مشكورررررررررة حبيبتى رائع موضوعك محتاجينه يعطيك العافيه
بكوررررررررررة هههههههههههههههه الله يسعدك والله مت ضحك على طريقة سردك للقصة خاصة اللى قالت ياويحى عسى ماعندنا رجاجيل وعرب هههههههه تسلمى ياعسل |
|
اقتباس:
حياك الله غاليتي متفائلة ...عفواً ياقلبي الشكر لك لطلتك البهية الموضوع .. الخلطة حلو مرة على اللحم أي قطعة كتف ؛ فخذ ..وبالفرن ..ويطلع مرة لذيذ .. على قولتك يامتفائلة ننتظر شيفاتنا الكريمات ؛ وليس ضروري خروف كامل لو جزء منه :) مرورك أسعدني جداً ..ودمت بحفظ الله وتوفيقه ... |
اقتباس:
حياك الله غاليتي بكر الشايب ...الله يسعدك أحس أني بموت من الضحك ...:d بس تبغين الصدق ؛ أنت ست بيت كذا :22: ؛ لسه عروسة وطابخة ذبيحة وبيت أهل زوجك بعد ماشاء الله تبارك الله عليك ...وأشعر أنه صار طعمها لذيذ مرة ؛ أحس أنه لك نفس بالطبخ الله يحفظك أسأل الله العلي العظيم أن يرزقك الذرية الصالحة التقية النقية ويجعلهم ربي قرة عين لكما .. مرورك العطر أسعدني جداً ..ودمت بحفظ الله وتوفيقه ... |
اقتباس:
الله يحيك ؛ أختي الكريمة ahf809010 ؛ مايجوز .:).ثلث للفقراء ؛ وثلث للأهل والأقرباء ؛ وثلث لأهل البيت مرورك أسعدني ودمت بحفظ الله وتوفيقه .. |
اقتباس:
حياك الله غاليتي تيررا ...عفواً ياقلبي الشكر لطلتك البهية على الموضوع ... والأروع مرورك العطر ....الله يحفظك بما حفظ السموات والأرض .. |
اقتباس:
حياك الله أختي الكريمة ترستال ....جزاك الله خيراً ياغاليتي على دعائك الطيب ولك بالمثل .. مرورك العطر أسعدني جداً ...بارك الله لي ولك ياعزيزتي ... أسأل الله العلي العظيم أن يجعل النجاح والفلاح والسعادة نصيبك بالدنيا والآخرة .. اللهم صلي على نبينا محمد صلى الله علهي وسلم .. |
| الساعة الآن 10:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©