كيف أتعامل مع أبني البالغ من العمر 12 سنه
 

مساء الخير
والله ما ادري من وين ابد ومن اكتب لكن عندي مشكله ابني البالغ من العمر12 سنة والله ما عرفت كيف اتعامل معه حتى صاير يراد وينفرزك لا اتفه الاسباب لا احترام لا تقدير والله بس ابكي من القهرمادي لاابعد الحدود ماراح يرضى الا بالفوس والا يجلس بس يزن ويبكي كانه طفل عجزت فيه محد يقدر علية الا ربه تعبت والله تعبت منه معد اعرف وش اسوي طلبتكم عطوني حل وادعوا له بالصلاح في هالعشر المباركة ابوة بس يضرب فيه ولا يفهم اتعبت يا عالم والله اني اكتب ودموعي بس غرقتني ابي حل اوديه دكتور نفسي والا ايش اتعامل معه

الله يوفقك ويجبر بخاطرك ياني محتاجة هالدعوة ويليت الي عنده حل يفيديني جعله في موازين حسناتكم

اختي عندنا وعندك خير


الطفل بهالفتره مو عارف وش يبي هل هو طفل ام رجل لذلك ومع التغيير الحاصل له يصبح مظطرب الشخصيه وكل تصرف يحسبه ضده مهما عملتي معه


الفلوس وطلباته الغير معقوله وياويلي ان قلت لا احيانا اتجنبه ولا ارد عليه لكي لاتحد ث مصادمه معه ويغللط علي


عموما اختي هذا الرابط قد يفيدك


الله يصلحه ويهديه اختي مجربه تقول انهم فتره عمريه ويهداون لكن وين سعة اصدر اللي بنتحملهم


http://www.66n.com/forums/showthread.php?t=160291

الله يهديه يارب

حبيبتي جربتو اسلوب غير الضرب ؟؟؟

بهذا السن المفروض خلاص ماينضرب.. لانها تحز في نفسه
الحين هو يضن ان رجال كبر .. و ابوه مازال يضربه كيف ؟؟


تقربوا منه ... مثلا انتي اتخ>يه صديق لك و اشكي له همك خليه يحس انك معتبرتيه رجال
مثلا يوم وهو قاعد ناديه و صبي له شاي و قولي له ابي اتكلم معاك.. كلميه بحنان . قولي له الحين انت صرت رجال
وانا ابي اعتمد عليك و اشكي لك .. و شوفي لك اي مشكلة بسيطة حصلت و خبريه (( مش تعطيه اسرار :) )
اطلعي معاه السوق .. قولي له انت سندي لازم تجي معاي تحميني .. و الا تنشغلي عنه بالتسوق
وانما اقعدي افتحي معاه اي مواضيع .. روحوا كافيه و اشربوا شي سوى

نفس الشي ابوه المفروض يقوي علاقته معاه .. ياخذه معاه مجالس الرجال .. يطلعوا معاه يوديه نادي او يروحو يمارسوا هواية معينة سباحة او اي شي...

حبيبتي الولد بالسن هذه محتاج الصبر و المدح الكثير ...
عندي اخي عمره 13 سنة ماحد يقدر له الا امي
احنا نعصب عليه مايسمع الكلام لكن امي تجيه بالمدح و الصر و الهدوء و يسوي اللي هي تبيه وهو يضحك

الله يهديه و يوفقه

في البداية اعانك الله انتي وزوجك ولكن هذه الحياة وهذه مسؤولياتها

كلام الاخوان والاخوات جميل جدا وبالفعل في هذا السن يمر الطفل بمرحلة من الادراك والتحليل فأهله يريدون التعامل معه كرجل في مواقف وكطفل في مواقف أخرى مما يولد حالة من الانفصام لديه .. ولنا أن نعرف أن هذه المرحلة هي أساس تكوين الشخصية فلا تحاولي كسر شخصيته بالقوه المفرطة سواء في المعاملة او بطريقة الضرب ولا تحاولي أن تعطيه كل ما يشتهيه ولكن الاعتدال مطلوب فاذا كانت طلباته معقوله " كشخص في سنه وجدية حاجته " ولكن ما أجمل المصارحة عامليه كمراهق اسأليه عن رأية في بعض الأمور مثل ما رأيه في برنامج معين أو مسلسل معين أو قضية سياسية حاولي تنمية عقله ويجب على والده أن يصاحبه ويذهب به لمجالس الرجال وأن يناقشه باسلوب جميل فليس الضرب أنجح الوسائل بل التواصل والمشاعر فأنت والدته وذاك والده

أعانك الله ووفقك وهدى ابنك

اي والله كلامك حق لاني ساعه احسه طفل صغير وساعه احس اني قدام واحد كبير