|
نظرة المجتمع للمرأة المطلقة
المطلقة عندما نتحدث عن نظرة المجتمع للمرأة المطلقة فنحن بصفة أولى نتحدث عن نظرة أخواتها النساء لها..... فأكثر الناس تجنباً للاحتكاك أو الاتصال بها هن النساء سواء كن من كبيرات السن أو حتى الفتيات اللائي يفترض فيهن أن يكن أكثر تعقلاً وأكثر واقعية وإدراكاً لحقيقة هذه المرأة. إننا وللأسف نحكم على المرأة المطلقة بأنها سيئة دون أن نكلف أنفسنا عناء معرفة أسباب الطلاق الفعلية، فليس ضرورياً أن يكون السبب من المرأة دائماً، ففي معظم الحالات "وهذه مثبتة بالوثائق في وطننا العربي الحبيب" يكون السبب في الطلاق عيباً في الرجل ولا تستطيع المرأة الاستمرار معه في ظل وجود هذا العيب فيحدث الطلاق كإجراء طبيعي في هذه الحالة. أين يكمن الحل؟؟؟؟ الحل في أن نغير مفاهيمنا وانطباعاتنا لأننا في مجتمعنا العربي "و أقول العربي وأركز عليها" نعتمد على المظاهر في الحكم على الناس وأيضاً على الموقف الأول وبناءاً عليه نصدر أحكامنا على الناس ونعاملهم من منطلق هذه الأحكام، وفي بعض الأحيان نعمم الحكم على فئة أو مجتمع بأكملة بسبب فرد واحد أو ربما بسبب سلوك فرد واحد أو أكثر. كذلك نحن نحكم على الآخرين من خلال مفاهيم ومعقتدات متوارثة ونحن نطبقها لأننا فقط ورثناها دون أن نفكر فيها وفي مدى صحتها أو نجعلها تواجه الواقع لتثبت إن كانت فعلاً صحيحة أم لا. وما ينبغي علينا قبل أن نصدر الحكم على امرأة مطلقة هو أن نعرفها أولاً ونعرف من هي من بين النساء و لا نكتفي بما يقال عنها أو ما حدث لها، سؤال بسيط أسأله هنا وأتمنى أن أحصل على إجابة: ما الفرق بين المطلقة والأرملة؟؟؟؟ لماذا ننظر إلى الأولى بأنها غير سوية ولا تستحق الحياة كبقية النساء ونعتبر الأخرى ضحية يجب الوقوف إلى جانبها ومساعدتها على مصاعب الحياة التي آلت إليها. طبعاً أنا هنا لا أقلل من شأن الأرملة مطلقاً إنما أستفسر فقط لأن كلا الاثنتين تعرضت لمأساة غالباً لا ناقة لها فيها ولا جمل. مشكلة أخرى بالنسبة للمطلقة نفسها فبعض المطلقات يرفضن الزواج إذا كان المتقدم لهن رجلاً متزوجاً، فالتعدد في نظرهن وحشية وبهيمية من الرجل، (طبعاً ليس المقصود من ذلك أن المطلقة يجب أن تتزوج من أي رجل يتقدم لها ولكن إذا لم تجد به ما يمنع غير كونه متزوجاً فهذا – في نظري ورأيي المتواضع – ليس عيباً أبداً). وككلمة أخيرة أود أن أقول لأخواتي المطلقات في هذه المجتمع العربي والخليجي بالأخص لا تيأسن وتحلين بالصبر والمثابرة وشدة البأس ولتتأكدن من أن هناك شباب يرغبون فعلاً في الزواج من المطلقة لأنها في نظرهم امرأة ناضجة ذات خبرة في الحياة وبالطبع لن تكون متسرعة في الحكم على الزوج من مجرد مشكلة بسيطة بل ستكون له عوناً على الحياة ومتاعبها أكثر من الفتاة الصغيرة السن التي لا تجربة لها بعد وذلك بحكم الخبرة التي خرجت بها من تجربتها. ونداء أوجهه لنساء المجتمع العربي المسلم كافة فأقول: "كل واحدة منكن معرضة لأن يحدث لها مثل ما حدث لأي أخت من المطلقات فرفقاً بهن أخواتي،،،، فهن من بنات جلدتكن حُرمن مما تتمتعن به فلا تقسين عليهن وتصدرن الأحكام جزافا دون بينة، وحتى وإن أخطأت مرة فهذا ليس مقياساً أو دليلاً على أنها ستخطأ كل مرة، فمن لا يخطأ لا يعرف الصحيح من غيره". وكلمة أصرخ بها في أذن كل رجل : "ليكن بحثنا عن الزوجة بحثاً عن المرأة الصالحة لا الفتاة الجميلة التي تنحدر من بيت عريق مشهور وغني ........... الخ من المواصفات المعروفة". م ن ق و و و ل |
صبحك الله بالخير ..أختي ام داليا ....
موضوع مهم ...وتشكرين علية ... لكن صعب جدا في مجتمعنا ..تغير المفاهيم والانطباعات ... لأسف البعض يعتقد ان على المرأة الصبر لو مهما صار ... اما بالنسبة للتعدد ...لا احب ذكرة .... لأنه في النهاية يسبب المشاكل للكل .... يعني لا طبنا ولا غدا شرنا ... بارك الله فيك ... اللهم اصلح ازواجنا وزوجاتنا .. اللهم اصلح رجالنا ونسائنا... |
حيا الله سافر معي
مافي شي اسمه صعب او مستحيل هذا الموضوع احد طرق الاصلاح لان المنتدى ماشاء الله فيه عدد هائل من الاعضاء والزوار الباقي عليهم ومنهم والاهم المطلقات على كل فرد واعي منا ان يتكلللللللللللللم بالحق وان لا يزيد الامور سوء فهناك من الناس من يقلل من شان المطلقات بانها سلعة مستعملة حسبي الله على هكذا عقليات اين هم من المصطفى عليه الصلاة والسلام الذي اكثر زوجتاته ثيبااااااااات وقدم الله ذكرهن في القران الكريم على الابكار "عسى ربه ان طلقكن ان يبدله أزواجا خيرا منكن مسلمات مؤمنات قانتات تائبات عابدات سائحات ثيبات وابكار" سورة التحريم اية (5) والمطلقات انفسهن عليهن عدم اضهار الضعف او الحزن او اهتزاز الثقة وكانها ارتكبت جريمة في حقها وفي حق الانسانية |
أم داليا
هتكلم فى موضوعك نقطه نقطه الاول : الطلقه هى اللى خربت بيتها وطفشت الراجل وست ماتتعاشرش........والارمله مسكينه مالهاش يد فى قضاء الله المطلقه خرابة بيوت وهتموت على راجل ، وست مش تمام يعنى بما انها مطلقه يعنى ما تقدرش تصبر على روحها من غير راجل وعندها استعداد تخطف اى حد انشالله من غير جواز ماهى هتفقد ايه يعنى المطلقه دى اصلا ست معقده وعيانه وعاوزه تخرب بيوت كل الستات اللى حواليها وخلوا بالكم كل نصايحها وراها خراب بيتكم لانها عاوزه العالم كله يبقى زيها المطلقه حاسده كل حاجه عند المتجوزه لانها هتموت عليها وانها يبقى عندها زيها فخافوا على حاجتكم واجوازكم وعيالكم اوعى تدخلى مطلقه بيتك ولاتعزميها ابدا مالهاش وجود كلكم متجوزين او بنات هى مالهاش مكان اولاد المطلقه فاسدين ومافبش راجل يحكمهم وبايظين ابعدوا اولادكم عنهم المطلقه ست دايره على حل شعرها لا ظابط ولا رابط ماهو ما فيش راجل ........... تخيلوا يا جماعه كل ده فى المطلقه طاب ما نقتلها ونخلص مادامت هى الشيطان يمشى على قدمين وياترى ربنا حلله ليه ....... يمكن عشان يعذب النساء المطلقات نقطه تانيه مهمه اى راجل او معظم الرجاله بيبصوا للمطلقه على انها صيده .......ست مالهاش طلبات يعنى للمتعه وبس .......حاجه تروق المزاج لا مهر ولا شبكه ولا بناء عيله يعنى ده فى المجتمع العربى كتير اوى ولو سنه كبير وما سبقلوش جواز يبقى برضه مالها بنت البنوت ........مطلقه خرج بيت ليه واهله يبصوا لها الستات بالذات بصه مش كويسه بصه انتى خطفتى ابننا اللى ممكن يكون اكبر منها بعشرين سنه وانتى كنتى فى يوم تحت راجل تانى ولو اتقدم لها الارمل برضه اهله هيبصوا لها ذات النظره والمطلق عاوز كتكوته والمتجوز عاوز مفعوصه مش كتكوته يعنى من الاخر المطلقه خرج بيت تنتحر احسن او تمشى فى السكه البطاله الستات اكتر من الرجاله طريقتهم تموت المطلقه والارمله ويقولوا على اللى من غير راجل تعبان وسم قصه بسيطه حقيقيه شابه اتطلقت سنها كان 33 سنه وعندها اولاد مثقفه وبنت حلال المهم بعد ما اتطلقت اصبحت منطلقه منطلقه بمعنى وزنها قل جدا ولما وزنها قل بدأت تلبس زى ما كانت زمااااااااااااااان لبس ماحطتهوش على جلدها من 15 سنه هى مش محجبه رجعت تلبس هدوم مقاسها مش عريانه ولا مبينه مفاتن بس جذابه وشيك وبما انها ماعندهاش راجل فى البيت اهتمت بزياده بشعرها وبشرتها المهم انها تألقت.......وبدأت تخرج للحياه ( ملحوظه كل ده مع اولادها ما بيفارقوهاش ابدا لانها ما بتحبش تبقى لوحدها ) اول اللائمين اخواتها البنات انتى اتغيرتى وبعد طلاقك مخك باظ!!!!!!!!!!!!! مخها باظ لانها حبت نفسها شويه خلعت دبله جوازها واشتغلت ولما حد يسألها عن وضعها الاجتماعى بتقول بكل فخر مطلقه.......الاول بدأ يطمع فيها كل الرجاله اللى فى الشغل معظمهم يعنى بدأوا يبصوا لها بصه تفصصها بصه اشتها ما بتتبصش للمتجوزه.........بصه ضايقتها أوى واتقدم لها اللى عنده 70 سنه عاوزها للمتعه ..........فى السر عرفى وكله بتمنه واتقدم لها اللى ما ينفعش اصلا لاى ست المهم اتصاحبت على ستات زيها وبقت تزورهم كتير بحكم ان الستات دول رجالتهم بيشتغلوا لحد نص الليل وبقت تزورهم كتير وحبتهم وحست انهم اخواتها واولادها واولادهم بقوا اصحاب وفرحت بيهم اوى ......بدأ يبقى فيه شغل وفلوس بينها وبين جوز واحده من صاحباتها وصمرات الشخص ده حاضره كل الكلام والاتفاقات .... واتفقوا ان ما حدش من باقى الصاحبات يعرف ، صاحبتنا المطلقه غصب عنها غلطت واتكلمت قالت جوزك يا فلانه اتصل النهارده هو فيه حاجه ؟؟؟؟؟؟؟؟كانت مصيبه على دماغها واحده من الصاحبات بدأت تحذر منها ومن انها قالت جوزك اتصل ؟؟؟؟؟ الكلام وصل المطلقه بمنتهى الهدوء اختفت من حياه الستات دول اتقدم لها شاب كويس اوهمها ان اهله عارفين انه طالب الجواز وانه يعدد ... وافقت واتخطبت .......اهله بهدلوها تليفونات ومراته مرمطتها وسمعوها اقذر الكلام وانها خطافة رجاله وخرابة بيوت وكانوا هيتعرضوا لاولادها .....وكلموا طليقها عشان ياخد ولاده منها؟؟؟؟ قرارها الاخير رفض الجواز اطلاقا من اى حد ورجعت لبست دبلتها تانى وقالت انا رجعت لطليقى طولت عليكم بس المجتمع بوشين ........مجتمع حاقد وسماوى عنده سم بيبثه .......وكل واحده مش حاسبه حساب انها فى يوم ممكن تكون مكان المطلقه دى ........ رأيك أيه يا ام داليا؟؟؟؟؟؟؟ حقها تتجوز ؟ ما ينفعش حقها تحب وتتحب ؟ فاجره حقها تقول وضعها الحقيقى ؟ هتبقى مصدر خوف صدقينى فى الجنه بقى تبقى تعيش اللى الدنيا حرمتها بناسها منه سلام |
رايي ليتك اكتفيت بالمرور
|
ما فهمتش ردك وعامه مشكوره ولو ينفع احذفى مشاركتى ....مادمتى شايفاها غير لائقه
|
اقتباس:
ليه مش من حقهاااا تجوز<<<<على قولتك:d وليش فاجره اذا حبيت؟؟؟ وثم انو انا مش فاهمه عرضتي القصه هذي ليه؟؟؟ انتي مع المطلقه ولا ضدهاااا زي مجتمعااتنا:(؟؟؟؟ صدقيني المطلقه احسن واشرف من بعض بنااات اليومين دول ومن بعض المجوزااات من حقهااا تعيش بدنيااا زيك وزي غيرك وام دالياا فتحت الموضوع عشاان نقف مع المطلقه ضد مجتمعنااااا... مش عشااان نقول تعيش في الجنه عشااان الدنيااا حرمتهااا من حقهاااا!!!! هداااك الله:) |
نورين نورتى
اولا عليه افضل الصلاه والسلام، انا أكيد قلبا وقالبا مع المطلقه والقصه اللى عرضتها عرضتها لتوضيح المجتمع اللى عنده فصام ده بيتعامل مع المطلقه ازاى لدرجه انه عقدها وخلاها ترجع تلبس دبلة طليقها تانى وتدعى انها رجعت له عشان ترحم روحها من قلة القيمه من الناس وعمايلهم معقول انا ما عرفتش اوضح ده؟؟؟؟؟؟ معقول كلامى مش باين انه سخريه من الاوضاع [COLOR="Blue"طولت عليكم بس المجتمع بوشين ........مجتمع حاقد وسماوى عنده سم بيبثه .......وكل واحده مش حاسبه حساب انها فى يوم ممكن تكون مكان المطلقه دى ........ رأيك أيه يا ام داليا؟؟؟؟؟؟؟ حقها تتجوز ؟ ما ينفعش حقها تحب وتتحب ؟ فاجره حقها تقول وضعها الحقيقى ؟ هتبقى مصدر خوف صدقينى فى الجنه بقى تبقى تعيش اللى الدنيا حرمتها بناسها منه أنا ظنيت ان المقابله والرد على السؤال ده هيوضح الظلم ......لو عاوزه تتجوز ما ينفعش ولو عاوزه تحب يتقال عليها فاجره فخلاص بقى تفوض امرها لله وفى الجنه بقى تبقى تلاقى العوض عند ربنا دى سخريه حبيبتى من وضع غير طبيعى واحكام غير عقلانيه على المطلقه انا استغربت رد ام داليا على لدرجه انى كنت هكلم الاداره تحذف ردى لان شكيت فى روحى انى رديت وقلت حاجه خارجه او ان ردى ما عجبهاش وقلت فعلا مش هدخل المنتدى تانى لان ده معناه ان مافيش حرية راى عامه حصل خير وردك اهه فهمنى ان الغلط فى اسلوب سخريتى اللى ممكن يكون ما اتفهمش صح وارجو تكون وجهه نظرى اتفهمت سلام يا نور على نور ][/COLOR] |
ماتطلعيش من المنتدى ولا حاقه
لدرقا دي انت حساسة اوي ردك مو واضح بالموليه على شان كذا رديت عليك ردي السابق اسفة جدا لكن وضحي وجهة نظرك الله يجزاك خير |
حرام يا ام داليا هجيب جركن كيروسين واقف اولع فى روحى فى المنتدى ............ وذنبى فى رقبتك ( دى مزحه ابوس ايدك ) بهزر يعنى
الحدوته ان المجتمع بيدعى انه متحضر وبيفهم وعادل وبيتعامل مع المطلقه على انها كائن له حقوق وعادى وده شرع ربنا وتتجوز تانى وماله ماهى لازم تعيش حياتها الفعل بقى غير ده الستات تتجن منها على اساس انها هتموت على راجل ومستعده لكل شىء انشالله علاقه وخلاص والرجاله بيهينوها بنظراتهم السافله ليها على اساس انها صيده يعنى بيقول لها اتجوزى وعيشى بس بعيد عننا ...... يعنى الام اللى عندها ابن مثلا سنه كبير ما ترضاش بالمطلقه له .زهى اه تستانس معاها يقعدوا يرغوا وللا يخرجوا وتقول لها يا حبة عينى انتى الف من يتمناكى ...انما لحد ما ابنها يفكر مثلا فى المطلقه دى يبقى لا والف لا ويطلع وش تانى وكلمه فى الجنه بقى دى كلمه بقولها دايما لما الحاجه يستحيل تحقيقها فى الحياه يعنى انا مثلا عاوزه اخس ومش نافع فبقول فى الجنه بقى والقصه زى ما قلت دى قصه واحده اتطلقت وحبت تعيش او صدقت كلام الجرايد والاعلام والرغى الكتير بتاع التحضر والست زى الراجل والشرع حلل الجواز بعد الطلاق والمطلقه انسان كامل وكده واتصدمت بالواقع بس يا ستى واى استفسار انا تحت امرك على فكره انا مش متجوزه واللى متابع ردودى هيعرف انى مطلقه وعشان كلامى يبقى فيه مصداقيه القصه دى حقيقى حقيقى اوى يا ام داليا والله العظيم |
| الساعة الآن 03:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©