ساعودني
 

هذا اول موضوع اكتبه واتمنى انكم تساعدوني وتلاقون لي حل........

اخوي يبي يتزوج ولنا سنه ندور له عروس ومالقينا والصراحه اخوي تعبت نفسيته بسببنا ويتهمنا انا وامي انا مو جادين في البحث المشكله ان علاقاتنا تنحصر في محيط الاقارب وهو مايبي منهم والمشكله الثانيه والي هي الاهم انا مانقدر نناسب اي احد يعني وضعنا الاجتماعي يفرض علينا ناس من طبقه اجتماعيه معينه وناس معروفين من ناحية النسب يعني يكونون معروفين واعتقد ان القاري الي من نجد بيفهم علي اكثر ...........ما ادري وش الحل واهلي كل ماذكرت لهم وحدة عجبتني يرفضون بحجة انهم ناس ماهم معروفين مع ان اخوي شروطه متواضعه يبيها متدينه ومؤدبه وخلوقه هذا اهم شي عندة وكثير اعرفهم عندهم الصفات هذي لكن للاسف وضعنا ومكانتنا الاجتماعيه تفرض علينا نسب معين والله اني محتارة ..................خصوصا وانا اشوف اخوي انسان عاقل وملتزم ومايبي يتزوج الا وامي وابوي راضين عنه........................يمكن موضوعي مكانه مو هنا لكن اتمنى انكم تساعدوني

اخبريهم أنه ليس هناك مربي كالفقر 0

أختي الفاضلة وضع الرسول لنا حيثيات في المرأة عند الخطبة يجب مراعاتها:

وكما قال بما معناه تنكح المرأة لأربع لمالها وحسبها وجمالها ودينها فاظفر بذات الدين تربت يداك.

أظن رالرسالة واضحة والبنات بهالأيام اللي تتوفر فيهم هالصفات يا كثرهم بس المشكلة فينا.

السلام عليكم

أنا مو من نجد ولكن أنا معارض على مسئلة العائلة المشهور .

أختي يعني أذا كانت البنت من نسب مشهور بنت شريفه واذا كانت من نسب غير معروف بتكون بنت ساقطه!!!!!!
أسمحي لي
أقولك أن هذا فكره لا يقبلها عقل

كيف يكون النسب مقياس حصانة المرئة

لكن هل أنتِ معقتنعه بهذه الفكره


تحياتي

اختصارا للوقت حاولي اقناع اخيك بالزواج من الاقارب اللي من نفس وضعكم الاجتماعي زي ما تفضلتي . لانه يمكن يكون اقناع اخيك اسهل من البحث بمن وضعها الاجتماعي يناسبكم.

ارحم لاخوك المسكين وارحم لبنات الناس بعد .

بسم الله

أنت ذكرت المشكلة ، ثم بينت الأسباب ،

وهذا السبب الموجود في نجد يحتاج لسنوات نغير مفاهيم الناس

و لكي نغير قناعاتهم في الاختيار على أساس التقوى ، وليس على أساس العصبية

لقبيلة مقيتة ، تفرق بين الناس دون حق ، وتميز بينهم بجهل ، وقد سمعت العلماء مرارا

يحاولون النصح في طريقة الاختيار لكن الاستجابة ضعيفة ، حتى العصبي في الوظائف والمناصب

والزمن جزء من العلاج . والعلم والإنصاف والعدل تساهم تدريجيا في تغيير هذا الواقع الأليم المنتشر

في نجد وغيرها .

ثم من المؤكد أنكم لو وسعتم دائرة البحث سوف تجدون من يساعدكم في الاختيار

والله الموفق

الاخت سكرة اعرف وش تقصدين..والصراحه معك حق في ظل الظروف الاجتماعيه التي مازلنا مرهونين بها لذلك اعتقد ان الزواج من الاقارب ولو من ابعد الناس منكم هو الافضل والباب اللي يجي منه الريح سكره وسترييييييييييييح.

تم نقل الموضوع للمكان المناسب له.

سلام

اخوك معاه حق لانه انتظر كثير واهلك معهم حق بوضعهم الاجتماعي

وبس لازم تقعدين مع اخوك قعده يا تطيبين خاطره انه يصبر لين ما تلقين ولا انك تقنعينه بالزواج من قرايبكم ولو من بعيد شوي

************************************************** ****
اخوي مبسوط ما دامك معي موجود

محد قال ان فيه بنت ساقطه وبنت مو ساقطه ... كلهم شرفاء والله يحفظهم بس انت ما تشوف زي ما يشوفونها اهل نجد.. خليني اقولك لو صارت حادثه وتزوج احد من غير طبقته .. اولاً المشاكل تبدأ بين الاهل والاقارب وراح ينفصلون عنهم ولا راح يتواصلون ابد حتى لو انتهى الزواج وكلام الناس وتشهير فيهم .. هذا شئ واحد ... غير بعضهم يمكن يوصلها للقتل .. يقولك مره احد المشايخ ( من دون ذكر اسماء جاله واحد من غير طبقته وقاله ابزوجك بنتي ووافق الشيخ مع انه يدري بالاختلاف ويوم عرفوا اقارب البنت هددوا ابو البنت انه اذا صار الزواج يبي يذبحونه هو وبنته ولا سمع كلامهم لين راحوا اقارب البنت الظاهر للشيخ ابن باز الله يرحمه ( اذا ما خانتني الذاكره ) وقالوا له السالفه وابن باز كلم الشيخ اللي يبي يتزوج وقاله لا تسبب فتنه ولا تتزوج وانتهى الزواج .. تخيل لو انه صاير الزواج هذا ؟؟


لا تقول لي ما فيه فرق والفرق بالتقوى اقولك صح ما فيه فرق بس بمساله الزواج الا فيه فرق لانها حسب ونسب

سلام

أخي العزيز ممكن توضيح ((تزوج احد من غير [light=FFFFCC]طبقته[/light]))