كيف اقنع زوجي بعمل التحاليل الخاصه بتأخر الانجاب
 

السلام عليكم جميعا
الموضوع ومافيه ان انا مثل ماقلت لكم من قبل صار لي سنتين من تزوجت والله مارزقني بالحمل ورحت وسويت تحاليل وطلع عندي هرمون الحليب مرتفع واخذت علاج وسويت تصوير للبويضات واخر شهرين قالت لي الدكتورة ان التبيويض عندي سليم بس ضروري زوجك يسوي التحاليل وهني المشكله ان زوجي ماهو راضي يسوي التحاليل يقول انا متوكل على الله بس انا كنت دائما اقوله ان الله يقول اسعى ياعبدي وانا اسعى معك بس مو راضي يقتنع والصراحه انا تعبت كثير معاه ومو راضي يقتنع يسوي التحاليل ابغاكم تساعدوني كيف اقنعه يسوي التحاليل بليز ساعدوني


تم تعديل العنوان ليتوافق مع المضمون..الاشراف

وينكم محد رد علي

الله يرزقكم من واسع فضله.. والله يا اختي انا اشوف انك بعد ما صارحتي زوجك عطيه فرصة يعيد حساباته وتفكيره لا تكلمينه بعد ما فتحتي الموضوع معه. هو اكيد الآن جالس يفكر في هذه المشكلة. بعدها بفترة يعني شهرين ارجعي افتحي الموضوع معه بطريقة هاديه وتوقعي انه راح يزعل ويتضايق لكن تقبلي الأمر بصدر رحب.وممكن تقولين له انك قرأتي في المنتدى حالات كثيرة لتأخر الحمل وبعد الفحوصات ظهر أن المشكلة بسيطه جداً وحلها سهل وحصل حمل بعد العلاج على طول.
الموضوع يحتاج متابعة مع زوجك وفي نفس الوقت الموضوع مهم لا تتساهلين وطولي بالك أنا اختي اخذت هي وزوجها سبع سنوات بدون حمل وبعدها ربي رزقهم.
وعليك بالدعاء خاصة في مثل هذي الأيام.

اخوك

الله يرزقك بالذرية الصالحة ان شاء الله
اختي زوجك الحين اعتقد انه في مرحلة " صدمة " حتى وان ما بين الشي هذا وصدقيني هو يبغى اطفال اكثر منك لكن مرحلة الصدمة هذي تاخذ لها فترة حتى يقتنع بالامور الواقع وبيروح بنفسه .. خلال الفترة هذي انصحكم تغيروا جو تسافروا مكان او تسوي اشياء جديدة في حياتكم

السلام مشكورين على ردودكم بس انا يااخ القلب الحيران تناقشت معه كثير وعطيته فرصة يفكر حوالي سنة بس ماعطاني رد ورجعت فتحت معه الموضوع قبل ست شهور وكانت اجابته كالمعتاد الرفض
ويا اخ شبيه السيل اشكرك بس انا هالفتره اللي مرت سافرنا وانبسطنا كثير وسويت تغييرات في حياتنا يعني تقدر تقول مفاجئات بس للاسف احس انه مو متاثر بل اللي حسيته منه انه خجلان يسوي التحاليل انا هذا اللي حسيته والله يصبرني