|
زوجتي ماتحترمني كيف اتصرف معها و الله تعبت (مستجدات الرد 22)
السلام عليكم ورحمة الله وبركاته,,,
أتمنى انكم تتقبلوني اخا لكم في الله... إليكم قصتي::: مر على زواجي فترة بسيطه ماتتعدى الاشهر كانت ككل البدايات تصير مشاكل وتنتهي و نرجع نتصالح لاكن الشي الي اتعبني وقتل فيني كل شي حلو هو عناد زوجتي وعدم احترامها وتقديرها لي من وقت الملكه وكنت امني نفسي انها بعد الزواج راح تتعدل وطبعا هالشي يصير غالبا اثناء المشكلة ولما نكون نتناقش تعاندي وترفع صوتها الا الي تبيه يصير,,, والله ياأخوان اني اجلس معها واقولها ترا هالشي بيدمر حياتنا وينهينا وتجلس تتأسف وتعتذر وتوعدني انها راح تعدل نفسها ولاكن لاحياة لمن تنادي والله اني اجلس معها واقولها اذا انا مقصر معك بشي قولي لي صحيح اني ازعلها احيان لاكن ارجع اعتذر لها وارضيها قدر الإمكان,,, اللي حاصل الأن صارت بينا مشكلة وقامت تعاند وترفع صوتها و رجعت مثل اول بل اسوء والان افكر اني انفصل عنها لاني تعبت ونفسي طابت منها ومليت من وعودها لما علمتها قامت تبكي وتقول انا غلطانة وما قدرت النعمه الي انا فيها وكل شي بيتصلح نفس كلامها اول معي وهذي هي تتعدل يومين وترجع حليمه لعادتها القديمه والله اني احبها واموت فيها لاكن بدا حبي ينتهي من تصرفاتها معي والله اني كل ماتذكرت تعاملها معي انسى كل شي حلو معها,,, والله استنفذت معها كل الطرق بالتفاهم مانفع بالهواش مانفع مدري وش اسوي؟؟؟؟ الان هي عند اهلها ولها يومين مادقت ولا ارسلت لي لو رسالة تطمن علي,,, صحيح ان الإنسان لازم يتنازل او يتغاضى عن اشياء حتى تمشي الحياة لكن مااتصور الحياة بدون تقدير واحترام من الطرفين تكفون محتاج نصايحكم وتحملوني لو طولت عليكم تـــقــبــلــونـــي... |
لاتزعـــــــــــل أخـــــــــــــــــوي ماأحس انها مشكله ابدا ..........؟؟
انا مثل طبـــــــع زوجتك عنييده واحيانا ارفع صوتي ورربي غصب عني هذا طبعي ماأقدر أغيره كل ماحاولت ارجع له لأني اتنرفز بسرعه ..... لكن لو تجيها بالتفاهم والأقناع كان ماسوت كذا أو انك شكلك انت اللي تنرفزها وتوريها انه غصب عليها تسوي كذا؟؟ انا احس اذا سوى كذا زوجي بمووووت واعاند وأسوي نفس الحاله بس بسرعه أتحسف ودايما اقوله لاتحاول انك تحسسني انك تأمرني .. حاول انك تجيني بالسياااااايه والأقنااع وراح امشي بكل سهوله ... انت ارسل رسالة شوق لزوجتك مع (شوية عتب) لأنها شكلهاا حساسه وتكاابر وراح تمشي معك واتبع النصايح اللي قلتها لك وشوف النتيجه ؟؟ طمنا عليك؟؟ ونسيت أقولك أنسى انك تهددها بالطلاق او تخوفها فيه ؟؟ لأنه مو من مصلحتك صدقني والطلاق أبغض الحلال عند الله وترا هذا السبب مرررررررره مايسوى ؟؟؟ |
الله يهديكم
أخوي مالك الا شهر ومليت عجيبه ! أنت توك متزوج ومعروف أول سنه زواج بالطق تعدي على خير يكون كل شخص متمسك برأيه ويبغى يمشي الثاني على كيفه يخوي أخر شي تفكر فيه هو الطلاق أن أبغض الحلال عند الله الطلاق تفاهم معها وأذا مانفع كلم أهلها باللين بالشده ترى كل شي بالدنياء له حل أما علطول مافيك صبر مره وحده تقول أبي أطلق !! الله يهديك بس |
أخوي
أول سنة زواج أصعب سنة في الزواج عااااااااااااااااااااااااادي جدا اللي بتعيشه ، و لحد ما تعودها على طبعك و تتعود عليها دامها تعتذر ، فلا تستعجل تذكر قصة الصحابي اللي راح يشتكي لسيدنا عمر الخليفة عن زوجته و سمع صوت زوجة سيدنا عمر و هي تصرخ عليه هذا و سيدنا عمر تترعد منه الشياطين دقيقة أجيب لك القصة من النت : اقتباس:
|
اخوي كل شي بالسياسه وطولة البال بيجي
طول باللك وخذ نفـــــــــــــــــــس طويل اول سنه وماتحملت اجل وش بتسوي عقب سمنتن وثلاثه والعيال ومشاكلهم ... اذا هي من النوع اللي يعاند حاول انك انت اتكبر عقللك وتسياسها الحياه اخذ وعطا واذا هي اتحس بغلطتها وتحاول انها تعدل من نفسها ساعدها ولاتضغط عليها يعني هي حاسه بنفسها ومن اول سنه صعبب انها تتغير الله يهديكم |
اوكي العناد امره هين كذا ولا كذا بيروح لاكن اني اقولها قومي سوي كذا ماتقوم غير بهواش
لاتسوين كذا تروح تسويه من وراي اجي طالع من البيت تقولي اذا ماجيت الوقت الفلاني لاترجع وتلقا اغراضك عند اهلك هذا لما تزاعلنا,,, هذي سوايا زوجة؟؟؟ اشكر لكم تفاعلكم معي... |
طبيعي انه تصير مشاكل بين المتزوجين خاصه في اولى سنوات الزواج .. لكن بشرط ان لا يتعدى احد الزوجين على الاخر و يقلل من احترامه او يجرحه .. يعني بالمعنى العربي يصير الخلاف بشكل رااااقي جدا و بعدها يتم التفاهم و المصارحه بكل هدوء واحترام حتى يتم التوصل الي حل وسط .. لكن زوجتك هذه الله يهديها مو عامله لك حساب و لا تحترمك و هذا ليس اسلوب الانثى الرقيقه يجب ان تعلم زوجتك انها تتعامل مع زوجها وليس مع اخيها الصغير او شخص اخر .. الزوج له احترامه .. السؤال كيف هي اخلاق البيت التي خرجت منه زوجتك هل يتعاملون مع بعضهم مثل ما تعاملك زوجتك يعني كيف ابوها يعامل امها والعكس ؟؟ الان زوجتك في بيت اهلها وانت زعلان من تصرفاتها لماذا تريد منها ان ترسل لك رساله او تتصل عليك هي الغلطانه عليك المفروض انك تثقل عليها و تطنشها و لا ترد على اتصالاتها و رسايلها عشان تعرف انك زعلالالالالان و زعلك صعب ارضاؤه .. هي في بيت اهلها عشان تأدبها مو عشان تتصل عليك و ش الفايده اذاً. طووول بالك .. لكن ابعد الطلاق من تفكيرك .. |
اقتباس:
كلامك عين العقل وهذا مربط الفرس بشرط ان لا يتعدى احد الزوجين على الاخر و يقلل من احترامه او يجرحه .. وهذا الي كنت اسويه لاكن لما شفتها ماتحترمني ولا تضرب لي حساب غيرت تعاملي معها العكس.. وهذا الي مضايقني بهالسالفه انها ماهي ضاربه لي حساب ولا تحترمني وجلست معها وعلمتها ان معاملتك معي تختلف عن اخوانك واخواتك وحتى اهلها قالوا لهاهالشي لاكن للاسف؟؟؟ بالنسبة لجواب سؤالك عن كيفية التعامل ماني عارف شلون يتعاملون مع بعض؟؟؟ |
اقتباس:
اخي الكريم معاملة اهل الزوجه مع بعضهم من الامور المهمه التي يجب معرفتها اثناء الخطوبه من قبل الزوج حتى تعرف في اي بيئة تربت زوجتك .. هذا انت تزوجتها و تخاصمتوا و ارجعتها الي بيت اهلها وانت لا تعلم ما هي البيئه اللي عايشه فيها زوجتك .. في مثل يقول ( اقلب القدر على فمها تطلع البنت لامها ) او قد تكون زوجتك مدلله في بيت اهلها لا احد يستطيع ان يطلب منها طلب او يأمرها بأمر عشان كذا لا تستجيب لطلباتك الا بعد ما تضغط عليها .. سؤال : كم عمرك و كم عمر زوجتك .. |
انا 23 هي 24
|
| الساعة الآن 11:51 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©