|
تقدم لخطبتي رجل متزوج محتاجة شوركم
انابنت ادرس بالجامعه ومنفصلة وعمري 24
مطلقة مرتين لم استمرطوييلا زواجين لم يدم اكثر من سنة تقدم لي زوج عمرة 40 ومتزوج وزوجتة مريضة تاكل حبوب نفسية الله يشفيها ولدية خمسة اطفال اكبرهم ابن 16 سنة وشورواعلي اهلي بيسالون عنة هويصلي ولايدخن وفي يدية وجسمة بهق بس متطور شوركم يهمني اناودي بمملكة صغيرةلي وموافق على شروطي بيت مستقل ومااشوف زوجتة واكمل دراستي وان شاءالله يسعدني ودي بدانة ابي احس بحياتي واعيش استقالية |
استخيري يا غالية
شفتيه ؟ ولا لسه؟ يمكن عقب الشوفه الشرعية يتغير رأيك .. كله يعتمد على احساسك عقب ما تشوفينه وين رح تعيشي ؟ قريب من زوجته ؟ ولا بعيده؟ تكلمي معه بصراحة عن رغبتك بالانجاب واكمال دراستك والاستقلالية وكل شي لا تتركي أي تفصيل حتى لو حسيتي انه تافه |
لاماشفتة
هوقال المكان اللي تبين طبعا بعيش بشقة مستقلة عنهم استخرت بس ماحسيت بشيء ومازلت استخير ربي ييسعدك |
يا حبيبتي يافلها الله يرزقك بالصالح
واطلبي الله الخير والله اتمنى لك شاب صالح وخاصة انك صغيرة استخيري ولا تتعجلي الله يوفقك ياغاليه بقووول شي تراني احيانا انقهر منك ليه احس انك بس بتوافقين على اي واحد مستعجله على دانه:15: لو تجي راح اضربها اقووول جننتي امك:d اسمعي انا عندي صديقة مطلقة وجلست سنين مع زوجها واطلقت وعمرها امكن 26 والله جاها شاب واصغر منها ب5 س والحمدلله خلفت 2 وحامل ماشاء الله وهو طيب وعااوضها عن زوجها السابق الله يجعل حظك اوفر ويرزقك ويرزقني اللهم آمين |
الله يوفقك يارب يا فلها فرحت لك كثير
رأيي بحط نفسي مكانك أحس عمره ما يعيبه يعني مناسب كثير ( أحسن ما تاخذين شاب طايش خخخ ) بس ممكن البهاق يخليني أفكر شويتين بالموضوع ( ماعندي فكرة هل هو وراثي ولا لأ .. ) وأستخيري أكثر ربي يوفقك يالغالية ونفرح فيك قريب |
الله يتمم لك على خير
شوفي غلاتي أهم شي تسئلون عنه من كل النواحي وكل اللي خاطرك فيه أطلبينه وشوفيه الشوفه الشرعيه ولاتنسين الأستخاره بدال المره ألف أستخيري والله يوفقك ويكتب لك اللي فيه الخير بخصوص المرض والله ماعندي خلفيه ياقلبي أسئلي ناس يفهموا فيه |
أستخيري وأسألي أكثر عنه
عرفي أيش تريدي بالضبط أنت جربتي مرتين وأكيد تميزي وتعلمتي من هذي التجربتين الله يوفقك ويبارك فيك ويرزقك ما تحبي وتتمني |
أختي ،، استخيري وتمهلي تمهلي تمهلي .. لا تجعلي تجربتك الفاشلة تجرك إلى تجربة ثانية فاشلة .. ولعلمك بأن تجربة فاشلة واحدة اهون بكثير من تجربتن فاشلتان ..
انتي اشترطتي ان لا تري زوجته والتي هي مريضة نفسية .. مستحيل .. انتما زوجتان لرجل واحد يعني مرد الأيام راح تجمعكم .. يعني تخيلي ردة فعلها وهي مريضة!!! وتخيلي الناس اللي راح يكرهونك بسبب هذا الزواج .. زوجته / اولادة / اهل زوجته / بعض من اهله .. الله يعينك .. ايش جابرك؟!! خلك في بيت اهلك مصونة وبدون مشاكل إلى ان يطرق ابن الحلال بابك .. فكري زين، لو كنت مكانك ما راح اوافق، كملي دراستك واعملي انتي لم تري الدنيا بعد، وياما بنات تزوجو بسن الــ 26 والـ 27 والـ 28 وانتي توك صغيرة على الدخول لهذه التجربة القاسية. هذا رايي .. واختلاف الراي لا يفسد للود قضية .. الله يهنيكي ويسعدكي ويعوضكي كل خير ... تحياتي ،،، |
السلام عليكم
أختي الاستخارة تأتي بعد السؤال والتحري وليس من شروطها أن تشعري بشيء بل هي فقط كأنك وكلت الله عنك أما الموضوع: أولا تأكدي من دينه ومعاملته لأولاده ولو كان أولاده موافقون فهذا أفضل لأنهم كبار في السن ولو كانوا يرفضون قد يسببون لك مشاكل معه. ثانيا أنظري لدينه ولاتغتري بالمظاهر أو كلام الناس بل تأكدوا من أكثر من مصدر واجعلي أكثر من شخص يسال عنه وعن دينه وأخلاقه فأحيانا يكون الشخص ملتزم مظهريا وأخلاقه صفر... ولكن المظهر الديني والسمت المسلم أيضا مهم...فهو انعكاس لحبه وطاعته لله فاللحية والثوب القصير واجب وفرض وليس مظهر فقط. ففي النظرة الشرعية احكمي بعقلك قبل عواطفك هل سيمتة الوقار والهدوء والطيبة والدين والخلق الحق ينعكس على الوجه فترين عليه نور واسألي أهلك ووالدك او وليك عن رأيه في مظهر الشخص فالفتاة غالبا ما تخدعها عواطفها وفرحتها بالزواج (حتى لو كان العاشر) ولا تأخذيه لو كان ملتزم بمعنى يصلي ويصوم وبس فهذا مسلم عادي أو أقل من عادي وتظهر بعدها مشاكل مثل المعاكسات والنت و التدخين واصدقاء السوء والسهر و و و وحاولي أن تعرفي هواياته واخيرا حالته الجسمانية فهل تنفرين منه أم لأ انصحك أولا بالسؤال الدقيق وبعدها النظرة الشرعية ومن ثم الأستخارة اعرف أن البعض سيقول اني ابالغ لكني استغرب ممن تقبل باي شخص وتضحك على نفسها ثم ترينها هنا في المنتدى وتبدأ شكاوى مضحكة ومبكية و احيانا سخيفة تجعل الشخص يستغرب أين كان عقلها و اهلها عندما وافقوا على الزواج. والزواج عشرة عمر وقد يكون طريق للجنة وقد يؤدي للنار وهو من اهم القضايا المصيرية في حياة الفرد المسلم بالذات للفتاة وبالأخص في أيامنا هذه فحاولي تنفيذ النصائح ومن ثم استخيري الله. وفقك الله وكل بنات المسلمين ورجالهم للخير والستر والعفاف |
حبيبتي اسألي عن سبب مرض زوجته
مش ممكن يكون هو مجننها ومن ثم عنده ولد بعمر المراهقه يعني انتي مش رح تتزوجي رجل لك فقط رح تتزوجي عائله بحالها واي مشكل مع اولاده رح يتركك ويذهب لهم ادرسي الوضع من كل الظروف جيدااااااااااااااااا انا من جهتي اتمنى لك زوج اافضل من هذا استخيري جيدااااااااااااااااااااااااا |
| الساعة الآن 04:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©