|
خروج زوجتي بغير اذني كيف اتصرف معها
السلام عليكم ورحمة الله وبركاته اخواني الكرام لااحب كثرة واطالة المقدمات اليوم زوجتي كنت بالعمل ارسلت لي مسج انا رايحة مع اخوي لبيت اهلي ارسلت لها لا انا جاي بالطريق ولم رجعت البيت لقيتها موب في اتصلت عليها قالت انا في بيت اهلي ورسالتك لم وصلت لي انا كنت خارجة انا بجد اتضايقت وتحطمت ليش هي تسوي هالحركة معاي يعني طبعا هي اول مره تسويها هل اعاقبها او اسامحها لاني بجد زعلان ومتضايق بس اخاف اتصرف تصرف اندم عليه قلت استشيركم قبل |
لا يا خي شكلها ما كانت تقصد
يمكن فكرت إنك سمح وبتوافق على روحتها لبيت أهلها سامحها يا أخي ولا تخلي هذه الأمور الصغيرة تسيطر عليك ما دامها ما تكررها بشكل لا يعجبك فسامحها والله سبحانه عفو يحب العفو |
اللي يسمعك يقول انها خرجت لمكان غريب
يا اخي احمد ربك انك مخدوم خرجت مع اخوها لبيت اهلها هذي صلة رحم شف نصيحة لوجه الله كل شيئ ممكن الا ان الواحد يمنع زوجته من اهلها |
اضيف شيء اخر ترى فية ناس زوجاتهم من مدن بعيدة عنة يتمنى تكون زوجتة قريبة من اهلها
|
اقتباس:
تفكر وتقرر وتتخذ القرار وبعدين تبلغني صعبه ع الرجال تحمل مثل هذا |
اقتباس:
اقتباس:
القصه مو انا خرجت لبيت اهلها القصه انها قررت واتخذت القرار وبعدين بالغتني هظيمة بحقي انا موب طرطور في البيت وانا اخوك وبعدين انا مايوم قصرت معها وفي روحة بيت اهلها بالعكس قبل ماتطلب تلاقي الاجابه ابد ماامنعها ولا ممكن اني امنعها ولا يطري ع بالي اني امنعها لكن الطريقه مثيرة للإستفزاز كثيرا |
اقتباس:
اخي كم لك متزوووج ؟؟ انا متأكده انها ماتقصد ومتوقعه ان الموضوووع بيصير عادي عندك لانها اول مررره وليش تقوول انك مو طرطووور اكييد انت رجل البيت وهي عارفه هالشي وعطتك خبر انها بتروح لاهلها ..انا من راي اذا رجعت للبيت لاتكبر المشكله ولاشي كلمهاا باسلوب راقي انك ماتحب هالتصرف منهاا ..اهم شي الاسلوووب .. ولادقق على كل شي ترى بتتعب وتتعب زوجتك معاااك والله يسعدكم ولا يحيب لكم الزعل |
شف يا أخوي إنت اقعد معاها وقل لها هذا الكلام بس بأسلوب هادي
وأحيانا في بعض الأمور إذا كبرتها براسك بتصير كبيرة فأنا أشوف إنها ما دام ما تكرر هذا الشي بدون رضاك إنك تعديها مو على موقف واحد نوقف الدنيا هي يمكن مو قصدها إنها ما تعبرك اجلس معاها بهدوء وقلها عزيزتي ممكن أعرف سبب روحتك لبيت أهلك اليوم؟ أنا أحب تروحين بيت أهلك بس قبل لا تروحين يا ليت تنتظرين رد مني |
خل الامور فرفشة لا تعقده ترى الحياة بسيطة
|
معلش يا غربتي .. اذا كانت هذه أول مره ما له داعي تزعل .. خاصه ان زوجتك ما تعرف ان هذا الشي يضايقك .. هي اكيد كان قصدها انها تريحك من المشوار .. انت عليك انك تفهمها و تقول لها انا ما امنعك من بيت اهلك و لكن لا احب ان ارجع من العمل و ما القاك في البيت .. بعد ما ارجع من العمل و القى وجبتي جاهزه او القى القهوه و الفاكهه جاهزين و اتقهوى بعدين انت روحي بيت اهلك .. ممكن تروحي بيت اهلك لو كان الشي ضروري و طارئ بشرط انك تتصلي و تعطيني خبر و ليس عن طريق رساله بالجوال .. لكن غير ذلك اريد ان ارجع من العمل و القاك في البيت لانك توحشيني وانا في العمل ... همسه في اذنك يا ابني : الزوجه تحتاج الي مساحه بسيطه من الحريه في الذهاب الي بيت اهلها او بيت جارتها او صديقتها .. تقبل منها ذلك حتى لو كان عن طريق رساله بالجوال .. وربي يسعدك .. |
| الساعة الآن 04:17 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©