|
كيف اغير من تصرفات زوجي !!
السلام عليكم
... عدت لكم من بعد غياب الا انني ادخل اتصفح واخرج ذلك لانشغالي .. والان عدت لكم لاستفيد من نصائحكم مرة اخرى ... سوف اختصر لكم الموضوع في عدة نقاط .. 1. زوجي مطوع بس لسانه سليط !! ويقول كلام ما ينقالوخصوصا لما يعصب ويضربني بعد .. كلمته في هالموضوع الف مرة في بداية الامر وعدني ما يقول هالكلام وبعد فترة قال ان هذا لساني وتعودي عليه !! 2. سوف نكمل 3 سنوات من زواجنا والمشكلة في عدم الانجاب بعد التحاليل الان هي سمنة زوجي وزيادة نسبة الدهون عنده .. وهو غير مقتنع لا بالريجيم ولا بالرياضة .. حيث انه لا يستطيع منع شهيته من الاكل حتى لو سويت له اكل داايت ما يعجبه .. وقال متى ما الله ارد بيرزقنا وكلام الدكتورة كلام فاضي وما عندها سالفه !! ما عنده اسلوب في الكلام ولا اسلوب في النقاش يعني اذا اساله عن شي يقول لي مو شغلك او انثبري ؟ او بيصارخ على ان كلامه هو الصح يعني ما عنده شي اسمه وجهات نظر واراء .. 3. يحسب القرش وين وراح في كل شي وكل ما اطلب منه شي يقول ما عندي و في الاكل يطلع القرش من تحت الارض ... يعني بخيل في كل شي الا الاكل لانه يحبه تطلع فلوسه !! كريم مع اهله يعني اذا خواته بغوا حاجه او فلوس يعطيهم وانا لا يقول لي ما عنده !! للحين ما اخذت اثاث للشقه لانه يقول ما عنده ومع هذا ساكته ومقدره وانا عارفه انه عنده .. يحب الاماكن اللي تبيع رخيص مثل رامز ومجمعات ثانية ما يحبها ولا عنده فلوس لها ولا يوديني .. 4. ما يحب يطلع مجمعات ولا حدائق و لا اسواق واذا ابي اروح عرس او مكان ابكي ويالله يوافق .. قطعت صاحباتي لاني ما ازورهم والسبب ما يواصلني فيهم .. ويحاسبني على الجوال اذا خلص الرصيد يعني لا تطلعين تزورينهم ولا تكلمينهم .. ودايم يقول لي ان اهلي ما اوديهم تبين اوديك انتي .!! صار له يومين مخلص رصيدي بالجوال وساكته واليوم قلت له راح واخذ لي شحن 10 ريال !! زعلت عليه وقلت له ما ابيها .. ملابس للعيد ما اخذت لي طبعا انا ما قلت له وهو ساكت ولا افتكر بالمووضوع وانا عارفه اذا قلت له بيقول ما عندي واذا زعلت بيعطيني 200 بس مثل كل مرة ما تكفي بس احسن من لاشي .. بقول لكم عن موقف صار في رمضان كنت رايحه مع اخته السوق وكان معاي 200 ريال نزلنا وهو بقى في السيارة وبعد شوي اتصل فيني يقول لي اختي عندها فلوس قلت له ما ادري ما سالتها قال لي عطيها من عندك واذا رجعتوا بعطيك قلت انا زين تكفيني بعد اعطيها ما بعطيها شي ولما رجعنا انا طبعا انسدت نفسي ولا اخذت حاجه في السيارة قام وعطى اخته 200 وهي كل مرة تقول لي ان يعطيها مصروف وانا عمره ما عطاني منه ومن نفسه .. واذا اكلمه بالموضوع يقول لي روحي بيت اهلك وقولي لهم !! انا للحين ما خبرت اهلي بالموضوع بس احس بيجيني يوم وانفجر ..... |
يا صبر ايوب
ياختي والله انك مأجوره على كل هذا وصابره عليه ماشالله عليك الله يعينك يا رب ويفرج عنك بصراحه ماهو اسلوب الي مسويويه الادمي هذا معاك ومدامه ما يتناقش معاك ويظربك عسى يدهـ..............] كلمي اهلك يا اختي وعليك بالدعاء عسى ان ربك يفرجها عنك ... |
والله شقوولك عزيزتي
زووجك هذا استفغر الله ما ادري اشلوون طينته واشلوون مخلوق يعني ما شاءالله عليك صابرة ومتحملة 3 سنين !!!! الله يجزاك الخير المفرووض ع الصبر ال انتي صابرته ما بعاملك الا بالحسنى بس شنقوول شوفي اختي المفروض منك تكووني معاه اكثر حزم اعتقد ومن الواضح انك باردة كثيير وتعامليه ببرود وهدووء بس هذا النووع ما يصلح له الهدوء ابدا , والمسالة فيها كلام غلط وضرب !!! والله عيب عليه يطلع مرجلته على حرمة شوفي اختي الحل انك تجلسي معاه جلسة مصااااارحة تكوني حازمة شديدة نوعا ما بس محترمة بالكلام واالاسلووب بنفس الوقت تخبريه عن كل شي تطلبي منوا ان يسمعك للاخر وتقولي كل اللي ف باالك بعدها تخبريه ان رايحة بيت اهلك فترة وهو خليه لحاله يفكر قولي له ان هالامور انتي وايد تحملتي وصبرتي عليها قولي له يحط روحه مكانك موقفك يعني تعكسوا الادوار هل بيتحمل هو ؟ خبريه ان تحبيه بس هذا مب معناااه ان يعمل كل هذا ويعاملك باسوا معاملة لا الضرب ولا البخل ولا الكلام الغلط رجوووووولة هذا كله حركااااااااات عيال صغااااااار قال تعالى " وجعلنا بينكم مودة ورحمة " مو هو مطووع وين الرحمة ؟ وين المودة ؟ ولا مطووع كلام بس وعلى الطل وحتى ع الفلوووس انتي زووجته وهذا بعدك ما جبتي عيال هذا لو حبتي ولد شبيسوي اذا هو يحاسب ع الفلس وبخيل ليش تزوج عيل ؟ والطلعات هو متزوج عشان يحبسك ؟ انتي مب عصفورة حاطك ف قفص وانتي تخرجي معاه مو لحالك ولا مع احد قولي له انا محتاجة اطلع محتاجة ارفه عن نفسي مو معقولة انحبس انتي مو بسجن انا انسانة مب جماااااااد مب معقوول جذي ترضى انت تنحبس ف البيت ؟؟ وبعدين الطلعة لا هي حرام ولا هي عيب ولا تسووين شي غلط وهذا حق من حقووقك ولا موضوع السمنة ؟ ما يصير كذا لا هو راضي يسوي رجيم ولا رياضة مو على شي لصحته انتي خبريه انا مقتنعة فيك واحبك بكل ما فيك بس خايفة ع صحتك وعليك ,, مو معقول حاول انت تخفف وراويه نماذج ناس كانوا سمان وعملوا دايت روايه مخاطر السمنة قولي له لو انت منت خايف ع حالك انا خايفة عليك مو ع طوول بس كل شي بالتدريج !! اختي انتي وايد صبرتي نصيحة اخووية مني عطيه فرصة ان يجلس لحاله ويفكر وانتي روحي ارتاحي بيت اهلك لفترة ! بعد ما تتناقشي معاااه قبل ورضى انوا يتعدل ويصير رحال كان بها مارضى وماقبل وظل ع عناده شوفي لك رجال كبير من اهلك يكلمه يمكن لعل وعسى تنكسر عيوونه ويستحي ولو اني ما اعتقد والله ياااااااارب يهديه ويحنن قلبوا عليك وتعيشوا بسعاااااااة اللهم امييييين دمتي بود عزيزتي ,,,,,, |
مو على اساس متدين؟زكريه بانو هاي مش اخلاق المتدينين
البخل مو من خلق رجل ملتزم ابداااا سلاطة اللسان ابدا ماامر فيها الرسول اهماله لصحته ابداااااااااا ماتعجب الله ولا الرسول الكريم عليه الصلاة والسلام انت اختي عشان تناقشيه بالمنطق جمعي احاديث عن كل نقطة عن سمنته و اهماله لصحته عن اهمية الانجاب للمسلمين عن البخل والكرم في الاسلام عن حلاوة اللسان وان الكلمة الطيبة صدقة يعني ماتروحي تحكيلو هيك الدين بحكي وتسكتي لا كوني قوية المنطق والحجة ومع كل عتاب لتصرف او صفة او خلق منه حطيلو احاديث وايات عشان يخجل و يغير من حاله مالك الا الاستغفار الله يعينك ويصبرك |
الله يفرج همك
وهم كل مكروب لاحول ولا قوة الا بالله |
سبحان الله
زوجه مثلك يتمناها كثير من الزواج . . صبر وحلم . . وطلباتك أساسيه دائما وليست كماليه ومع ذلك لاتجدي من يلبيها . . عموما البخل متى مالتصق بالرجل وأصبح من طباعه فهذا لايطاق . . والزوجه تحب من يدلعها ويدللها . .وينفق عليها بالاحسان . . المرأة تحب دائما الكريم الشهم . . وتنفر من البخيل . . وياليت قومي يعلموووون . . هذه صفات صعب تغييرها . . وكل مازاد في العمر زاد بخل البخيل . . دعواتي لك بصلاح زوجك . . او يختار لك الله مايجبر خاطرك تقبلي مروري |
ليش صا بره عليه
|
| الساعة الآن 11:41 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©