|
اجيبوني بصراحة هل هذه قلة احترام مني لزوجي ؟
السلام عليكم ورحمة الله و بركاته بالامس بالليل خرجنا انا وزوجي بوقت متاخر وصحينا فهود واخدناه (اكبر غلطة انا صحيناه) خرجنا عالحديقة ونلف بالسيارة نغير جو ومجرد فهد م صحي قلب الدنيا نكد غير طبيعي وصراخ الي يسمعو يحس قلبو يخفق بشدة وضغطه ارتفع بدون ادنى مبالغة ركبنا السيارة وبعدين سكت نزلنا الحديقة وسكت رجعنا السيارة نجيب عشا وفجاة رجع ال.... مش قادرة اعطيه اسم مناسب شي فظيع افظع من الفظاعة الشبابيك مسكرة والناس صارت تتفرج علينا !!! مهما شرحت لن اوفي فظاعة الصراخ وعلوه و شدته و غرابته و كل شيء عجيب ممكن تتخيلوه لدرجة لم يعد قادر على التنفس ويعمل اصوات غريبة ويرمي نفسه وحالته حااااالة بالعربي بيدلع مزاجه قلب عشان صحي من نومه :29: وانا صراحة استفزيت جدا لانو اخر فترة طول اليوم يبكي ويزن بدون سبب ومو عاجبه العجب وزعلت جدا وصرت اصرخ و اعصب واقول اوف وشو هادا وقرف ووووو الخ من هالكلام وزوجي صبور اكتر مني لكن من كلامي ونرفزتي و تكرار كلامي عصب معي ضلينا ساكتين على امل فهد يسكت لحالو ابدا تشتد الحدة بس لو سجلتو كان نزلتو ملف صوتي في الموضوع مافي امل يسكت وزوجي عصب بسببي وراح سرخ عليه وقلو هس اسكت خلللللللص ارحمنا وهادا حساس ع الاخر الولد انهار تماما راح زوجي ضربو خفيف على ايدو ويحكيلو هش خلص مش شاطر اسكت وابدااااااااااااااااا الناس شوي بدها تلتم علينا واحملو مو راضي يسكت وانا عارفة ابني مافي اشي مخليه يعمل هيك لما يكون مريض او ماخد ابرة مابعمل هيك انما الولد بدا يكبر وتتظهر ابداعات جديدة فلم يعد ذلك الوديع الهادي للاسف زي ايام وعمرو شهور عمره الان سنة ماشاءالله المهم راح زوجي بالاخر زقو من وجهه يعني ماضربو كف بس زقو مرتين وهادا زاد وانا ماتحملت وصرخت عليه وقلتلو بدك تموت الولد ولاشو راح نرفز وعصب وقلي نزليه خليه يتادب طول النهار معاه ونبسطه ومش عاجبه العجب المهم وغلط بالحكي معي ونا ضليت ساكتة وفهد ماسكت طبعا وضلو هيك لغاية مروحنا وانا زعلت عشان زوجي لسعو شوي مع اني احيانا نوادر يعني اعمل هيك ينعدو عالاصابع بس المثل يقول (انا ادعي على ابني بس اكره الي يقول امين) وصرت ابكي وزوجي يقلي عشو بتبكي ابنك طالع مدلع كتير وقلتلو ماتمسكو مرة تانية وشدينا بالحكي وخلص راح زوجي وانا رحت اخدت فهد بحضني ونمت جمبو في غرفته لا انكر واكذب ان لم اقل ان زوجي حنون جدا جدا جدا معي ومع ابنه وازا شافني معصبة عليه ولا شي بنرفز جدا ومابطيق ولو شاف عليه تسلخات خفيفة في الحفاض مايتحمل يعني حنون وبموت في ابنو بس الي عملو ابننا مبارح فاق كل المقاييس انا كان ممكن نتركو نايم ربع ساعة ونرجع بس ماهان علية انبسط من غيرو لكن نكد علينا نكد مو طبيعي حاسة راسي مصدع للان بسببه وكل هادا عشان صحيناه من النوم المهم اليوم عملت حالي زعلانة وساكتة عشان اقول لزوجي واناقشه بهدوء لاقيتو بقلي شو مالك ساكتة ومطنشاني ومن هالحكي جلسنا نفطر بعد المغرب وصرت اقلو ليش هيك ووو بقلي انت مبالغة جدا ويعني ماضربتو ولاشي وشفتي ابنك فضح الدنيا والناس بدو يجو يسالونا شو مالو وانت نرفزتيني كتير لما نرفزتي خليتيني اعصب مع انو ببرد اعصابي في هيك حالات قلتلو انا مو لازم تضربو ابدا ازا انت انضربت وانت صغير وماطلعت معقد نفسيا مش معناه ابنك لازم ينعمل معاه هيك مع اني اشك انك مش معقد :24: وقتها زوجي قلي انت شكلك مش متربية على احترام الزوج وانت قليلة ادب امك عمرك شفتيها بتحكي هيك مع ابوكي اعرفي احترمي زوجك وكلميه منيح عيب شو معقد نفسيا ومش معقد (انا كنت بحكي هيك مش قصدي انو معقد لانو زوجي صراحة طيب واحسن مني وحنون وصبور وعمرو ماقسي على ابنو وبيموت فيه كتييييييييير بس انا مبارح لما عصب عليه وضربو عالخفيف زعلت كتير وماهان علية ابدا وصرت ابكي كتير وبحرقة يمكن ابالغ فزوجي لا يعصب على ابنه ابدا ومرات مثلا يقلو كلمة مش حلوة او يخرج عن طورو ويدفعه مثلا تكاد تنعد عالاصابع اليد الوحدة صراحة ابني مرات يخلي الواحد نفسو ينتحر من صراخو الغريب في بعض الاحيان) فراح زوجي للنوم وبطل يرد علية وقلتلو صحيح انا هاي اخر مرة اسمحلك تتطاول في الحديث او تسرخ علية ابدااااا راح نرفز وقلي في وحدة محترمة بتحكي مع زوجها اخر مرة اسمحلك وهالكلام عيب عليكي احترمي حالك واعرفي اتكلمي مع زوجك وعصب ورجع نام سؤالي هل فعلا كلامي بطريقة غير محترمة انا اطلت الكلام وفصلت عشان اقلكو شو صار ومبررات الي صار وكل الحكي الي انقال انا ماقلت بالتفصيل لكن المجمل انا علاقتي مع زوجي صداقة لهيك مرات انسا حالي بالحكي وهوة بحكي نفس هالكلام انو عشان علاقتنا صداقة بنسا احترام الزوج كتير احيان فهل في هالموقف الي صار انا مذنبة؟ |
ههههههههههههه
الله يسعدك يا ملوكة باين عليك حساااااااااااااااسة بالحيل ويوم طلعتوا البارح يمكن كنتوا طفشانين شوي وكمل فهودي النااااااااقص فعلا كلمتك لزوجك قووووووية كيف قدرتي تقولينها زوجي فعلا فعلا فعلا متعقد من طفولته المعفنة لكن ماقدرت اقولها كذا ابد و ماشاء الله زوجك متسامح وعطاك وجه بعد هالموقف روحي تسامحي معه العيد جاي والدنيا ما تسوى |
أحسك مكبره الموضوع مرررره
يعني وإذا ضرب الولد ( مو تقولي اقتباس:
بس بصراحة وبدون زعل أنت غلطت يوم قلت أنه معقد و و و يعني أنتِ المذنبة يمكن ما كان قصدك معقد معقد لكن وصلت له بهذا المعنى فـــ لا تكبري الموضوع زيادة ( هي بالأساس خرجه وفسحه قلبتوها زعل ومش عارف ايش ) وأعتذري منه وإن شاء الله إنها زلة لسان وما تنعاد الله يصلح أمرك |
ام داليا شكرا لمشاركتك انا فعلا كنت طفشانة بسبب فهد كتير صاير زنان اخر فترة بس اكتشفت متاثر فية لاني عصبية شوي ومااتحملو فالله يهديني ويصلح حالي
زوجي لامعقد ولاشي بس عادي زي كل الاطفال كان ابوه يضربه احيانا وماشاءالله زوجي رجال وقوي ومافي لاعقد ولاشي بس انا مابعجبني الضرب لاني مانضربت وانا صغيرة ابداا من قبل ابي لكن ماما كانت تضرب بتعرفي ضرب الامهات مش مهم كتير بحس كل الامهات فاقدات اعصابهم وبضربو هههه فماكنت ازعل بس ابي زعله مخيف لانو ينطبق عليه اتق شر الحليم اذا غضب فما كان يضربنا ابدااااااا كنا نحبو ومازلنا وهوة صبور جداااااااا واعصابه تفلت في النادر جدا لهيك انا مابحب الضرب ابدا شكرا الك اخت الوان تسلمي ومعك حق وان شاءالله اراضيه لكن الان هو نايم وانا زي مقلت ماعجبني ضرب الولد لانو لسة زغير وممكن انا اضرب بس ابوه لا شفتي العجب شكرا الك |
انتي ارتكبتي غلطتين .. والثانية أكبر من الأولى ..
الأولى انك قللتي احترام زوجك .. والثانية و المصيبة انك بتسألي هون ان هذه قلة أدب ولا لا ؟ يعني لساته عندك شك ان هذه مش قلة أدب مع الزوج ؟؟ معقوله ؟؟ هلاء لازم تحملي حالك وتروحي تتأسفي وتعتذري منه فوراً ... علشان ما ياخذ عنك طبع مش منيح .. هذه نصيحتي ... اخزي الشيطان وروحي اتأسفيله بسرعه .. وخلي الأمور تمشي منيح ع وجه ها العيد ... |
اقتباس:
من الأشياء الكبيرة اللي تخلي الرجل يزعل ويعصب إن زوجته ما تحترمه في الكلام وما تنتبه للكلام اللي يطلع يعني كل الكلام الحلو اللي قلتيه عنه مثل (صراحة طيب واحسن مني وحنون وصبور ) هو ما يدري عنه فلازم تقولين له وتسمعينه اياه الرجل بالفعل يترفز لما يسمع كلام مثل (أنا أشك إنك مش معقد) لأنه يحس إنه قيمته طاحت قدامك أما تعامله مع ابنه بالعكس يا أختي هذا أحسن تربية للولد حتى يطلع رجل مؤدب ما يؤذي الناس أما الإبن اللي يصرخ بشكل غير طبيعي ولا يشوف أمه وأبوه يكلمونه أو يعاقبونه على هذا الصوت المزعج فراح يتمادى ويتعبكم أكثر إذا كبر فإنت لما شفت زوجك عاقبه وضربه ضرب خفيف كان المفروض تقدرينه ولا تعاتبينه لأنه يبغى يؤدبه ما يبغى يؤذيه خلاصة الكلام يا أختي وأهم نقطة أبغاك تركزين عليها الرجل ما يبغى يحس من كلامك إنك ما تحترمينه أو إنه قيمته صغيرة عندك لأنك الرجل دائما ياخذ الكلام بالمنطق والجدية ما ياخذه بالعواطف وإنك ما تقصدين وهو لما عصب من كلمتك (أنا أشك إنك مش معقد) وراح نام كان المفروض تخلينه وتجين بعدين تهدينه وتتفاهمين معه وتقولين له الكلام الحلو اللي قلتي عنه في هذا الموضوع لكن زدتي الطين بلة ( وقلتلو صحيح انا هاي اخر مرة اسمحلك تتطاول في الحديث او تسرخ علية ابدااااا) وهو لما تطاول في الكلام هذا بسبب كلمتك الأولى له فلما قلتي له الجملة الثانية زاد لأنه حس إنك ما تقدرينه وإنه صغير في عينك والله أعلم أسأل الله أن يصلح بينكم |
انا ماراح اطول بالحكي لاني فهمت القصه ..
اختي الكريمه انتي اخطاتي بحق زوجك .كثير . روحي الله يخليك واتاسفي منه . ولا تكدري حياتك ببعض الكلام الي ماله فايده . الله يوفقك ان شاء الله |
بالنسبة للضرب
الضرب يا أختي إذا كان غير مبرح فهو وسيلة مناسبة للتأديب يعني لما يكون المقصد تأديب الولد فهو يساعد في تربيته لأنه مو كل الأولاد ينفع معهم الحرمان وزوجك الله يحفظه ما ضرب ابنه بعنف إنما مثل ما قلتي خفيف حتى يتأدب عموما قدر الله وما شاء فعل واعترافك يا أختي لزوجك بالخطأ مع الكلام الحلو بيحل المشكلة إن شاء الله |
بدون زعل
:) انتي غلطانه بصراحه روحي عاطول صالحيه احنا بايام فضيله والعيد قرب ليه اتخلي نكد بالبيت على شي مش مستاهل بصراحه وبعدين ما بصير اتقولي لزوجك ما بسمحلك ومن هالحكي مش حلو الله يسعدك ويبعد وسوسه الشيطان عنكم |
أختي الكريمة: الخطأ واضح أعطيتيه كلمه تهز نفسيته فلا تبخلي عليه بالإعتذار فهو زوجك وحياتك لا سيما أنك تمتدحينه واحذري من وساوس الشيطان ويأتيك من باب لاأريد أن أهدر كرامتي أو كبريائي دعيك من هذا
ولابد من الحياة الزوجية من التنازل والتغاضي واستفيدي من هذا الموقف بأن لايتكرر ماحصل من مشاحنة بينك وبين زوجك وخصوصا إذا كان الأمر يتعلق بالابن حفظه الله لكما روحي راضيه بكلمتين ترى الرجال يضعف أمام المرأة فكيف إذا كانت زوجته وأم ولده وغدا عرفة وبعده العيد دامت سعادتكم |
| الساعة الآن 06:48 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©