|
ارز بالفرن
أزيكم يا حلويين انا كنت قلت انى هبدأ بإذن الرحمن مشروع للاكل طبخات منزليه كل يومين كده هنزل اكله واتمنى اعرف رايكم بصراحه لان ده هيكون حافز لى الاول هبدأ بأنواع الارز الاسهل فالاصعب ودى اطباق انا بعرف اعملها كويس اوى ويارب تعجبكم الرز المعمر الحادق المقادير اكوب ارز متوسط الحجم امكعب مرقة لحم لبن حليب 2 ملعقة سمن او باكو زبده وسط ورقتين غار او لاورى عود قرفه او دراسين او ملعقه مطحونه ملعقه ملح ملعقه فلفل حبة مستكه واحده بس ملعقه صغيره جدا بهارات منوعه قشطه حسب الرغبه الطريقه تغسلى الارز وتحطيه فى طاجن فخار او بايركس حروفه عاليه وتغلى اللبن وتحطى فيه مكعب مرقه اللحم وتدوبيه وتضيفيه على الارز وتحطى باقى المكونات كلها معلقتين السمن والبهارات كلها ولو حاباه يكون دسم ضيفى القشطه او من غيرها لو حابه وتدخلى كل ده الفرن وتكون الحراره عاليه وتسيبيه تقريبا ساعه لحد ما الوش لونه يحمر وبالهنا والشفا نفس الطريقه دى ممكن تتعمل باللحم وباللحم بس مش الفراخ لان طعمها هيتغير جدا جدا تعملى لحم مسلوق تسلقيه عالاخر تحطى الرز وفى وسطه اللحم وباقى المكونات كلها الحليب المذاب فيه مكعب المرقه والبهارات والقشطه والسمنه وتدخليهم الفرن ولما الوش يحمر برضه بالهنا والف شفا انا بقدمه مع انواع الخضار زى الخضار المشكل بالصلصه او الكفته الجملى او البقرى بالصلصه برضه او بطاطس صينيه او جراتان ياريت اللى تجرب تقول لى رأيها:17: |
عاشت الايادي بارك الله فيك
|
تسلمى علووووووووووووووووووووووو
جربيه وقولى لى رايك |
تسلم يدك ياعسل يارايت في صورة
<<< احب اشوف صور مع الطريقه |
بنت مكه انا لسه جديده فى حكايه المنتديات دى اول ما اتعلم قصه الصور دى هعملها على طول
مشكوره حبيبتى على مرورك |
مشكورررررررررررررررة يافتوشينى رووووووعة شهيتينى احنا دايما نعمله بس فى فرق بسيط اننا مانسوى اللحمة بالاول ابداااااااااااااااااااا
دا احلى شئ فيه انها تستوى داخل الارز وبنعمله كمان بالحمام والبط وبيكون ووووووووووااااااااااااااااووووووووو لو ماكنش الحمل كنت عملته وصورته على العموم عندى صورة ليه من قبل الحمل لكن للاسف هى ماعندى الشكل النهائى لكن اول صورة لما عجنت الارز مع القشطة والفلفل والقرفة وثانى صورة لما حطيت الحليب ودخلته الفرن وبدأ ياخذ وجه |
[IMG]http://www.***********/gfiles/12600586981.jpg[/IMG]
[IMG]http://www.***********/gfiles/12600586982.jpg[/IMG] |
تسلمى تيرا
احنا بنسلق اللحم لاننا فى مصر بنستعمل لحم العجول الكبيره مش البتلو او الغنم وده بيكون اقسى وبنخاف ما يستوى وبالحمام بيبقى روعه طبعا بس انا ما بحبش الحمام عشان كده مش بعمله مشكوره ونورتى المنتدى بأكلاتك الجميله |
ما شاء الله حبيبتي
انا فعلا نفسي اجرب الارز المعمر دايما يجي عندنا من البلد و مش هقولك طعمه خرافة ازاي يا ريت لو تعرفي انا اشتريت طواجن صغيرة جديدة يا تري هدهن الطاجن بالسمن البلدي و ادخله الفرن الاول و لا ادهنه عسل و ادخله الفرن قبل الاستعمال ؟؟؟ في انتظارك يا قمر |
معلش يا مستكه مش فاهماكى تدهنيه ليه اصلا؟
هو الطاجن مش مدهون وبيلمع من جوه وبره زى طاجن تيرا اللى فى الصوره تمام وللا ايه قصدك؟ مستوكه انتى مصريه؟ بلدكم ايه اللى بيجيبوا لك منها الرز المعمر ؟ فهمينى سؤالك لانى بصراحه مش فاهماه منتظراكى يا كوكه |
| الساعة الآن 08:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©