|
راح اصبر لو فرصتي تمضي ولو الحض متردي بجمع انا حضي
السلام عليكم ورحمه الله وبركاته مساء الورد والشوق للجميـــــــــــــــــــــــــــــــــــــــــــع راح اصبر لو فرصتي تمضي ولو الحض متردي بجمع انا حضي نجي الحين نجمع كل شي من ناحيه طلب الزوج وتفكير المراءه (الانثى) بالرجل نجد ان اكبر عائق دايما لهم هو الظروف المادية ،، العادات والتقاليد ،، وبعد فيه النفسيه والي اهم من هذا كله االتردد من كثير من الشباب وقدرتهم على تحمل المسئولية نلاحظ الحين قصور الافراح وخاصه في الاجازات وايام الويكند مليئه بالناس هل هذولي يعني وضعهم المادي كلهم حلو وكلهم رضخو للعادات حقتهم والتقاليد يعني ماشاء الله هذولي فاضين وانت الي مشغول ولا انت ماتبي يعني تربط نفسك في مسؤوليه ,,, !! وصدقني لاتتشرط وتقول والله ابي وحده ملكه وكذا صدقني بعد الزواج والمحبه والالفه راح تكون علاقه زوجيه مبنيه على التفاهم والتحاور انت بس اعقلها وتوكل واعتزم فزد ايمانك وتوكل على ربك واعلم انك عندما تعزم الامر سوف تجد تسهيل من رب العالمين واعلم ان الله لايعجزه شئ في السموات ولا في الأرض وحين يريد شيئاً لايمنعه شئ سبحانه وتعالى ،، وكل ماترينه معوقات ماهو إلا من وساوس الشيطان الذي يريد أن وفي الختام اسئل الله ان يسهل اموركم جميعا شباب وصبايا حنون رومنسي |
الشباب وضعهم ماشي
موظفين وهم الطالبي وراح يتزوجون لكن الكلام الاهم على البنات اللي هنا الارامل-المطلقات-العوانس+نظرة المجتمع الغارقة في الجهل من لهن غير كبار السن الله يزين الاحوال بارك الله في قلمك ونفع بكما |
جزاك الله خير أخي /
الله يفرجها على الجميع ذكورا واناثا وأنا اوافق اختي أم داليا في رأيها من للمطلقات والأرامل والعوانس ! بالنسبه للشباب ان شاء الله ميسره فيه عوائل تشتري الرجال وبناتها ولاتريد التكاليف لكن البعض من الشباب يمتنع خوفا من المسؤليه لافض فوك يا أخي جعله الله في موازين حسناتك & |
.........
جزاك الله كل الخير اخوي يعطيك الف عافية كلامك درر.. يارب ياحي يا قيوم ارزقني وجميع أخواتي بالمنتدى وجميع بنات المسلمين الرجال الصالحين يارب ..... اللهم آمين .. |
اللهم ارزق كل فتاه تريد العفاف زوجاً صالحاً يارب العالمين
|
تم نقله إلى هنا , مكانه الأنسب بإذن الله
الإشــــــراف |
اقتباس:
|
في البداية الله يعطيك العافية على النصيحة
مو اغلب الشباب يرفض الزواج بسبب عدم تحمله المسئولية او عدم الرغبة في المسئولية .. فتقريبا لما الشاب يرفض الزواج ممكن في باله شي معين من تطوير نفسه ووظيفته والاعتماد على نفسه ولو بثلاث ارباع تكاليف الزواج .. فمثال الزواج ومصاريفه يحتاج تقريبا 300 الف ريال علشان تكون جاهز وماتاخذ قرض او تحط نفسك في ديون تنكد عليك عيشتك فالواحد يجمع ويوفر ويخطط وينفذ اذا خلص تخطيط وترتيب .. فانا كشاب مابي اعيش أنا و زوجتي بمشاكل مادية بعد الزواج او اقصر عليها بشي .. فالاستعداد حلو . وبالنسبة للي يقول ان فيه عوائل تزوج وماتطلب شي صراحه ماشفت الى الان بالعكس كل مالها والطلبات تكثر من شبكة وصباحة ودبل وساعة كلها الماس طبعا وكله كوم وعلبة المهر كوم ثاني لا وبعد هذا كله ممكن تجيك وحده نكدية ولسانها طويل .. لكن ادعوا لنا بالستر والتوفيق |
| الساعة الآن 04:07 PM. |
Powered by vBulletin® Version 3.8.7
Copyright ©2000 - 2026, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©