|
هل تقبل بفتاة أختها لديها إعاقه ؟
بسم الله الرحمن الرحيم
سأدخل بموضوعي على طول انا كنت انتمي لهذا القسم من فتره انخطلت لمدة شهرين بدون ملكة وماحصل نصيب لان خطيبي ظلمني هو ووالدتو ظلم كبير والحمدلله على كل حال انفصلنا.. المشكلة الي اعاني منها انو انا وحيده اهلي تقريبا يعني مو بكل معنى الكلمة الكل يقول وحيده اهلي لان انا لدي اختين واخ بس عندي اختين عندهم اعاقه يعني تفكيرهم اقل من عمرهم بكثير بس شكلهم طبيعي والحمدلله ولا يؤذو ولا شي وانا راضية بلي كتبو لنا ربي ويمكن هذا ابتلاء اوقات ادايق لانو مااقدر اطلع مع امي اي مكان عشان تفضل تبقى معهم ولا مااتذكر مرة طلعنا كعائله لان انتو عارفين نظرة المجتمع المهم انا اول ما خطبني خطيبي امو كانت رافضتني عشان اخواتي مع انو الموضوع مو وراثه اول وحده جرثومة لما كانت ماما حامل واختي الصغير غلطة ولادة المهم الان الشي الي مضايقني مرة انو انا من لما كان عمري 14 سنه يتقدملي ناس وما اتذكر ولامرة ناس شافوني وبعدين ماعجبتهم دايما كانو يرجعو يتصلو عشان نكمل الخطبة بس سبحان الله لما يعرفو عن موضوع اخواتي يبطلو الموضوع وطبعا هذا شي يدايقني لانو مو ذنبي حتى اخوي لما كان يدور على عروس كانت تواجهو نفس المشكله مااعرف الناس كيف تفكر يعني ممكن ناس يتزوجو وطبيعين وسبحان ربي يبتليهم بهالشي ولاتقولو مو ضروري تقولو للخطاب لانو لازم الواحد يكون صريح من البدايه ولانو شي من عند ربي الحين اخوي الحمدلله كتب كتابو يعني سوا الملكه وخطيبتو واهلها الموضوع ابدا ماكان عانيلهم يعني بس انا نفسيتي تعبانه يعني شي انا مو ذنبي في لي الناس تفكر بهالطريقة اتذكر مرة لما كان عمري 16 سنه جت وحده تخطبني لولدها وهي جالسه تقول لامي خلاص البنت عاجبتنا وكل شي تمام وصارو يتفقو على كل شي بس طبعا امي ماكانت لسا قايله على موضوع اخواتي لان مااخذت الموافقه مني المهم اختي الصغيرة كانت نايمة وسبحان الله وهم عندنا دخلت بدون مااحد بنتبه الحرمة يوم شافتها انقلبت مرة وحده صارت تقول لا خلاص كل شي نصيب ومابعرف هالكلام تخيلو انا وقتها كيف بكون حسيت انا وامي احس امي تزعل علي لان دايما نصيبي متوقف عشان هالموضوع ابي رأيكم ايش الحل بس لاتقولو ابتلاء من ربي لان احنا مؤمنين بهالشي وماعندنا مشكلة بس ليش الناس يتصرفو كذا وايش ممكن نسوي من جد تعبت مرة من هالموضوع وماني قادره اتكلم في مع امي لان عارفه كيف هالمضووع حساس بالنسبة لها وممكن يدايقها يمكن طولت عليكم بس حبيت اخذ رأيكم وياريت تساعدوني كيف نتصرف واريد اسئل سؤال انتو لو كنتو تخطبو لاخوكم او ولدكم والبنت طلع عندها اخوات ممكن ترفضوها عشان هالشي ولكم جزيل الشكر ياريت الكل يشاركني |
أختي .. ما قلتي كم عمرك؟؟
شكلك صغيرة والخطاب كان يجوكي من كنتي كتكوته .. بس ما كنتي سن زواج كنتي صغيرة .. وصدقيني كل شي نصيب .. الشي الي في اخواتك نصيب من الله .. مو ذنبك ولا ذنب والدتك .. بس الناس تفكيرها غريب .. انتي وكلي امرك لله .. وصدقيني راح يجي نصيبك ولحظتها ما راح تهمهم اعاقة اخواتك بالعكس راح يقدروكي ويقدرو تعب الوالدة الله يكون في عونها ويعطيها الأجر ان شاء الله ... تحياتي وتمنياتي لك بحياة سعيدة ان شاء الله .. |
الله معك وحتاخذي نصيبك ان شاء الله
لا تشيلي هم ربنا كبير وما بيردك اذا دعيتيه ان شاء الله ربنا يوفقك في الدنيا والاخره |
انا خطبت وحده اخوها فيه اعاقه وسألت طبيب وقالي مافي مشكله عادي
خلي امك تقولهم بطريقه او بأخرى انكم سألتو طبيب وقال انه هذا الشئ مايأثر عليكي |
اتمنى تاخذي كلامي برحابة صدر
ماتقدر تلومين الناس لما يرفضو ...عقلياتهم كذا ..برؤؤسهم انه يحافظو ع سلا لتهم المجيده مايدرون انو ممكن ربي يبتليهم باي لحظه :)(انا احكي عن الناس الي تشمت ويحكي ليش يورط حالو) اما اذا انسحب بادب واحترام فذا من حقهم . ع فكره اعرف لك وحده مريضه فعلا وجاءها نصيبها اكثر من مره والخطاب كانو عارفين انو هي مريضه وهي الي ترفض تعرفي ليش لانو نصيبها وهذا رزقها ربي كاتبو. وياما شفت بنات مو اخواتهم او احد من عيلتهم المريض هم انفسهم البنات بيعانو من امراض او حتى اعاقات وتزوجوا:) ارزاق نصيب متى ماراد الله بيجي نصيبك ...لاتفكرين بالسالفه. اما اذا كان قصدك الناس الي ترفض وتعلق تعرف اشك احيانا بعقليات الاصناف ذي من البشر (تستفزني هالفئه) وصدقيني ماتمر فتره الا والله مابتليهم ع شماتهم ع ناس لاتكلفين:25: |
اقتباس:
انا الان عمري 20 ادري صغيرة بس بالنسبة عندنا بالعايلة اعتبروني كبيرة مدري يمكن عانس كمان وخاصه اني كنت مخطوبة وانفصلت عن خطيبي انا موكلة امري لرب العباد بس الانسان كل فتره سبحان الله لازم يمر بفتره يحس بكأبة الواحد اكيد مايعترض على حكم ربو بس ينقهر من تصرفات الناس واقرب الناس له كمان مشكور ام كريم على ردك يا غالية وجزاك الله خير وياريت كل الناس تفكر مثلك |
اقتباس:
والله كريم |
اقتباس:
مشكور اخوي ضاحي والله يتمملك على خير واهلي دايما يتكلمو بهالموضوع حتى ام خطيبي الاول سئلت ولدها التاني لانو دكتور وقلها مافي مشكله لانو الموضوع مو وراثة بس سبحان الله الناس غريبة ممكن اثنين مافيهم شي يتزوجو ويطلع اولادهم فيهم شي لاسمح الله الواحد الله يجزاك الخير على ردك |
اقتباس:
مشكورة اختي عالرد من جد ريحتيني شوي وانا هذا الي يضايقني فعلا انو حتى باسلوب الانسحاب في تجريح يعني تخيلي مرة اخوي شاف بنت وخلاص كلمناهم على خواتي وشافوهم بعدين ام البنت تقول لامي بكل وقاحه يعني انتي وابوهم لو صار فيكم شي وربي تذكركم بناتك بيجلسو في وجه بنتي بالله في احد يقول هالكلام؟؟ عالقليل راعو مشاعر الناس لان مافي شي صعب على رب العالمين احس مقهورة من الناس واحيانا اكره نفسي بسبب هالموضوع بس من داهلي مؤمنة انو نصيبي بكون لي ماحد يقدر ياخدو الله يريحك ويسعدك دنيا واخرة بــــس لحد الان ماحد جاوبني منكم على سؤالي ماعدا اخوي ضاحي:) |
للاسف بعض النآس تفكيرهم يكون قاصر ومحدووووود ..
لاتهتمييييييي يمكن خيره من ربك ونصيبك لسا ماجالك ولأ انكتب يصير بهالفتره .. صدقيني فيه بنات معاقات وتزوجوا وخلفوا وعايشين بسعاده الله لايغير عليهم فمابالك اذا اختها مريضه وهي سليمه جدآ عااااااادي .. هذا الشي مايعيق الزواج .. عقول النآس هي اللي تعيقه .. خصوصا انو مو مرض وراثي ولاحاااااااجه .. لاتتأزمي ولا تفكري ابدآ بهالمنطق خلي نظرتك اعلى وقولي ربي ماكتب ودام تفكيرهم كذا اكيد مافيهم خيـر احمدي ربك اتخلصتي منهم .. ربي ماينسى عباااااااده ابدآ ونصيبك مكتوب لك قبل تولدي .. لذالك فقط عليك بالدعااااااااااء والباقي على ربك .. والله يوفقنا وياك ويرزقك باللي تتمني .. |
| الساعة الآن 12:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©