|
آلام الحقنة التفجيرية أرهقتني
السلام عليكم
كيفكم يا بنات :d انا أخذت ابرة تفجيرية بتاريخ 6 ديسمبر يعني من 5 ايام بدون تنشيط أو أي علاجات ثانيه الحمدلله وحجم البويضه كان 2.2 سم حاليا انا باليوم ال17 للدورة وصارلي يومين من بديت أخذ "الدوفاستون" الزبـــــدة :d تعبانه بموووووت من الآلام صدري .. والحوض .. وظهري .. وجوانبي .. :29: كل شي يعورني الشهر الماضي كنت ماخذه ابره تفجيرية ... وما حسيت بكل هالأمور .. جاتني آلام تبويض عاديه جدا وألم خفيف بالظهر وبسس اما هالمرة غير غير ... تعبانه يا بنات وحاسه اني ندمانه اني خذيت الإبرة لأني أحس اني بعالم ثاني حتى اليوم كنا في بيت أهل زوجي ... أحس هم بعالم وانا بعالم .. مو قادرة أخذ وأعطي ارهاق وتعب وألم وحاسة جسمي داااااافي ولما وصلت بيتي شفت حرارتي 37.3 صحيح نورمال بس مرتفعه كم بوينت عن طبيعة حرارتي لأني قبل فترة التبويض كنت كل يوم الفجر لما أقوم أصلي أشوف حرارتي على أساس كنت ناوية أتابع تبويضي لحالي بقياس الحرارة يوميا المهم كانت تطلع 36.4 ولما دخلت بأيام التبويض ... صارت حرارتي 36.6 يعني نورمال .. بس ارتفعت 2 بوينت في أيام التبويض الحين المفروض أكون خلصت ايام التبويض ليش حرارتي كذا زايدة ماني فاهمه ؟؟ وعندي ألم مستمر بالمبيض الأيمن ... اللي هو فيه البويضه الناضجة وطول الوقت أحس بحرارة ومعرقة .. والكل يقولي الجو بارد انتي كيف حرانه !! يعني معقولة صارلي 5 أيام من الإبرة وللحين آلام تبويض يارب ارحمني والله تعبت :___( بعدين لاحظت سعر الإبرة اللي خذيتها وايد أغلى من الإبرة اللي خذيتها الشهر الماضي مادري ... ممكن تكون ابرة مختلفه؟؟؟ و لا التفجيرية نوع واحد ؟؟؟ انا أحسها وايد غير حتى ألمتني وايد لما دخل الدوا في جسمي :29: أذكر الشهر الماضي قلت لوحده من العضوات ان التفجيرية ابدا ما تألم بس الحين غيرت راي :24: وأتمنى تكون آخر مرة أخذها بليز بنات أبغا أعرف من تجاربكم وخبراتكم ... لا تبخلون علي لأني بحاجتكم عشان أتطمن بانتظاركم ماني نايمة :___( |
ياارب يشفيك ومايضيع تعبك خسااره وان شاء الله تحملين
بصراحه ماعندي فكره بس انا دكتورتي هالشهر تقول بعطيك ابره تفجيريه وانا لما شفت موضوعك خفت شكلي بتراجع بويضتي 20 مايحتاج<<<<<خفت |
حزن حبيبتي آمين الله يسمع منك وياك يارب
^_^ لااااااااا والله ما أبغا أخوفك ... أقولك انا الشهر الماضي أبدا ما تعبتني مثل هالشهر ويمكن يختلف من وحده للثانيه والإبرة التفجيرية ما تأثر على حجم البويضه هي بس تساعدها على الخروج من الكيس اللي يغلفها عشان يصير التبويض بشكل طبيعي توكلي على الله بس حبيبتي أسعدني مرورك |
الله يخفف آلآمك احس انك تعبانه حبيبتي احتسبي الاجر ورادعي في ثلث الليل وانا ان شاء الله ادعي لك والله لايضيع عليك تعب
|
ايه والله تعبانه وأقولها لك بصراحه بس ما أبغا أخوفك
أمانه توكلي على ربك واستفسري من طبيبتك عن أعراض الحقنة عشان تاخذيها وانتي مطمنه والحمدلله مكثفه الدعــــاء لي ولكم كلكم ^_^ |
اسالك اللهم ان لاتضيع تعب فلافل وان تفرح قلبها هذا الشهر هي وكل محرومة ومشتهية يارب ياسميع يارحيم ارءف بحالها لاتحرمها هذه النعمة الي تسر خاطرها وقلبها اسالك اللهم بكل اسم سميت به نفسك اسالك اللهم باسمك الاعظم الذي اذا سئلت به اجبت ان تمن عليها الحمل سريعا ولاتضيع تعبها اللهم امين الف مليون سلامة عليك حبيبتي والله اني ادعيلك من قلبي انا ماعندي فكرة لكن الله اعلم انها اعراض حمل الحرارة الالام ممكن جدا ترى الله كريم ولاتياسي من رحمته فاسمه الرحيم والكريم الله يشافيك ويعافي وقريبا نباركلك بالحمل فلافل انتي من وين جنسيك وباي بلد حتى ادلك عالدكتورتي ماشاء الله تبارك الله عليها
|
ام لؤي حبيبة قلبي تأثرت بدعاءك ... آمين ... الله يعطيك على قد نيتك يارب ويرزقك
والله من شفت هالتعب صرت أدعي ان الله لا يضيع لي تعب و لا ألم بس بعد أقول الحمدلله .. حالي أفضل من وايد بنات حبيبتي ام لؤي انا من مسقط ^_^ بس مستحييييييييييييل تكون أعراض حمل لأني باليوم ال17 :___( الله كريم |
هلا فلافل وانا اموت بالفلافل ................. متفرغه
انا مثلك الشهر الي راح اخذت ابره تفجير وصار لي الم بعدها عدت ايام حتى بعد ما خلصت ايام التبويض وكل ما اسأل يقولون لي عادي بعدها نزلت الدوره وراح الالم وكل شيئ رجع طبيعي مع انه البويضه كان مقاسها حلو الحمدلله على كل حال حبيت اطمنك رغم اني موعارفه السبب وياليتك كلمتي دكتورتك تسألينها ... |
فلفولة...انااخذت هذي الابرة قبل لأخلف ابني..وماعملت اي اعراض عندي...لازم تسألي دكتورتك....
الله يرزقك بالحمل هذا الشهر ويعطيك ربي ذرية صالحة معافية وسليمة |
ضروري تسألين دكتورتك لا تهملين نفسك
لاني انا مرة قرات ان الابرة اذا اعطيت بموعد خطا يحدث كيس للبويضة بدل ما تنفجر ان شاء الله ما يكون فيك شئ بس لازم تتطمنين على نفسك بالتوفيق.. |
| الساعة الآن 02:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©