|
إلى إخوتي المصريين أريد مساعدتكم
السلام عليكم ورحمة الله وبركاته أخواتي إخواني المصريين أريد مساعدتكم
أسأل عن شقة للتمليك في حدود 100متر مربع في أي مدينة قريبة للقاهرة وتكون سياحية مثل إسكندرية أو الغردقة أو.... أرجوكم أود سعر تقريبي وجزاكم الله كل الخير. |
فين فى اسكندريه الاسكندريه كبيره عاوزاها وسط البلد وللا فى اطرافها زى العجمى والهانوفيل مثلا
عامه وسط البلد المتر لن يقل عن الفين جنيه العجمى والهانوفيل تقريبا المتر ب1500 جنيه الغردقه اسعارها برضه تقريبا 1200 ل1500 جنيه لو عاوزاها فتره مؤقته اجرى احسن لك ......يعنى تشترى وتدفعى مبلغ كبير ويمكن ما تعرفيش تبيعى بعدها ممكن تلاقى حد تأجرى عنده فترات معينه فى السنه باتفاق ربنا يوفقك |
اقتباس:
سؤالي لك في أي مدينة تنصحينني؟؟ولك مني جزيل الشكر. |
سؤال سخيف انتوا بتشتغلوا ايه ؟ مجال العمل ايه ؟
مش فضول والله بس عشان اعرف اى مدينه انسب لكم بصى نصيحه ابدئوا دوروا على شغل قبل ما تيجوا اصلا والله انا حابه اساعدك وانا تحت امرك فى اللى تطلبيه انا اختك حبا فى الله وربنا يعلم خلينا نتواصل وباذن الله اعرف اساعدك |
لا يأختي خذي راحتك شوفي إحنا عندنا هون بيت رح نأجرو وأيضا عندنا مشروع بيدخل لنا مبلغ كل شهر يعني أجار البيت ودخل المشروع رحيكفينا وزيادة ولله الحمد يعني مش محتاجين شغل والحمد لله.
وشكرا لك على تفاعلك مع موضوعي |
طيب كويس اوى انتوا جايين تعيشوا استجمام وراحه بعد عناء
ربنا يديم عليكم الرزق ويعطيكم من وسع ويريح بالكم يارب الغردقه مكان جميل جدا جدا بس سياحى جدا برضه معظمه اجانب الاسكندريه بلد جميله وحلوه اوى عروس البحر المتوسط لو حابه منطقه هاديه ما فيها صخب عندك ابو تلات وابو يوسف والعجمى البيطاش القديم ودول فيهم ايجار مدد طويله وفيهم بيع وشرا الشرا فى الشتا بيكون افضل السعر بيبقى اقل من الصيف بكتير ممكن تحصلى فيلا ايجار بالعجمى مثلا بشاطىء الفردوس بحمام سباحه بحدود من 60 ل 75 الف جنيه بالسنه حوالى 13 الف دولار ولو شرا هتبقى فى حدود 100 الف دولار والشقق برضه بالعجمى رخيصه مش غاليه اوى ممكن تدخلى على مجله الوسيط المصريه بالانترنت وهتلاقى وبرضه اى سؤال ما تتردديش |
شكرا لك حبيبتي ألف شكر مني ومن زوجي لأنو قاعد جنبي على هذه المعلومات التي آستفدنا منها كثيرا وإن شاء الله رحنختار ونجي مصر ونكون جيران أسعدني جدا الحوار معك لأنك كنت عند حسن ظني بكرم أخلاق المصريين وطبعا هذا الشيئ ليس بغريب عليكم ياأهل مصر وفي الأخير أتمنى أن يكون هذا الموضوع بداية لعلاقة صداقة بيننا وأخوة في الله.
|
اللهم امين اللهم امين
لاتنحرجى ابدا ابدا ابدا فى اى سؤال وكما قلت لك انا تحت امرك........كلنا خلق الله فى بلاد الله ولا يجمعنا الا التقوى وحب الخير بإذن الله اتمنى ان اسمع عنكم اخبار خير قريبا باذن الله |
| الساعة الآن 01:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©