زوجي مريض اكتئاب و زعلان كيف اتصرف (مستجدات بالرد 9)
 

السلام عليكم ..

سبق وكتبت لكم مشكلة زوجي وانه عنده اكتئاب وإذا جاه الاكتئاب احيانا يكرهني ويعاملني

معامله سيئة وإذا استقرت نفسيته يتاسف ويعتذر ..

الان زعلان علي وما يكلمني صرت اخاف من رسائل الجوال ..

اخاف يرسل لي روحي لاهلك خلاص ما ابيك وماودي اهلي يدرون عن اي شيء فيه لانهم يحبونه

ويحترمونه ويعزونه ..

كيف اتصرف ولو رجع وتاسف اقبل اسفه احس انه صار ما يبالي بمشاعري لاني دائما اسامحة واقوله انسى اللي صار

لكن المشكله هذا يتكرر تعبت نفسيتي وجاني اكتئاب ورافض الطبيب النفسي ..

احس حياتي غير مستقرة على اعصابي اخاف يزعل على وانا الان معي طفل ما ابي طفلي يتشتت

ويعيش في اسرة مضطربه ..

ذكري الله

وتفاءلي بالخير

مثل ما انتي متضايقة ومقهورة

اعتقد حتى اهو متضايق من نفسه

وانتي لازم تساعدينه ان يتعالج من هالاكتئاب

انتي صيري له الطبيب النفسي

اقري عن العلاج النفسي

النت ما يقصر

وحاولي انج تعالجينه

جددي ثقته بنفسه

جددي حبج له

انت احتويه

وان شاء الله راح تلقين الخير

وسالفة ان يقولج روحي بيت اهلج ما اعتقد بيسويها الا اذا انتي ييبتي الكلام حق نفسج

يعني اذا انتي زدتي الطين بله راح يقول كلام ما يقدر عقباه

الحين اختي طمني قلبج وذكري الله

وكل شي راح يكون تمام التمام

بالعكس انا ما اقول شيء بس سبق وقال

روحي لاهلك وانا افكر في الطلاق .....

بعدين انا ما قصرت معه عطيته الحب والعطف والحنان وامدحه وارفع من معنوياته

حتى هو اذا كان مبسوط ورايق انا احبك وما راح الفى زوجه غيرك ....

سؤالي في هذي الحظه كيف اتصرف اطنشه ..

انا ااكله الاكل احيانا والان مايبي لقمه من يدي ..ما ينام معي ..

لو قال روحي لاهلك وش اسوي ..

كيف اتعامل معه اذا احد يعرف يعلمني او فيه موضوع عن معامله مريض الاكتئاب ..

وهل مريض الاكتئاب عنده تناقض ..

الله يكون في عونك

طبعا اللي فيه اكتئاب يكون متناقض جدا بعد

مره فوق هام السحب ومره في الحظيظ ... واذا روق يروقك معه واذا تعب يجننك معه



مالك الا تكونين قويه لأنه هو الضعيف


كثير اسمع عن الاستشارات الاسريه اتصلي فيهم ممكن يفيدوك


ما شاركت الا عشان ادعي لك والله سالفتك تحز في الخاطر بالمره

كان الله في عونك وحفظكم وحماكم واعانك على زوجك ... الله يفرج عنه هم ما انزل عليه ويقويك ويخلي لك ولدك


نصيحه اخيره حاولي تتحكمين في مسألة الحمل لحد ما تستقرون اكثر... لا تقولين هو اصلا مايسوي شي.. ماتدرين من مره وحده يكفي ..

السلام عليكم
اختي الفاضله...يجب وضروري جداجداجدا ان يذهب زوجك الى الطبيب المختص
لان حالته لها علاج وسوف يستقر وضعه على الاقل ويصبح حاله افضل
بإذن الله تعالى، لذلك لا تقبلي ان تعيشي هذه المعاناة والحل موجود حاولي
معه حتى يذهب الى الطبيب يوجد عدة طرق لاقناعه والوصول الى
حل معه حتى لو احضرتي الطبيب له الى البيت مثلا ، المهم الحل موجود
بإذن الله تعالى واتمنى لك الحياة السعيدة بعيده
عن الهم والحزن ان شاء الله...

اخوكم "شمعه تحترق" سابقا

اختي الغالية

الاكتئاب مرض متعب للزوج وللزوجة ولابد له من العلاج السريع حتى لايتفاقم وربما لاقدر الله تسوء الحالة أكثر وأكثر لذلك نصيحتي لك ان يراجع طبيب نفسي في أسرع وقت مع القراءة عليه من القرآن ولابد ان تقنعيه بطريقة او بأخرى حيث ان الكثير من الناس يراجعون العيادات واصبح الامر في هذا الوقت طبيعي جدا واذكري له احد من أقاربك الذين يراجعون حتى يقتنع .
واهم شئ تقنعيه .

وش ارد عليه
 

اللي متابعين موضوعي وهذا الرابط :

http://www.66n.com/forums/showthread.php?t=198302


امس رحت لاهلي مر على اخوي وارسلت له في الليل رساله قلت انام عند اهلي

ارسل بكيفك ..

اليوم الصبح ارسلت له قلت مافيه احد يجيبني امس ولا الحين رد على اذا لقيتي احد تعالي إن شاء الله بعد سنه سنتين يمكن تلقيني رايح لكندا ( لانه ناوي يكمل دراسته برا )

وش اسوي وكيف ارد عليه ..

هل ارد عليه على انه طبيعي او ارد على انه مريض بالاكتئاب ..

العزيزة زوجة الغالي ، كيف عرفتي انه مكتئب يعني تشخيص طبيب او بس ملاحظة تصرفاته .. السؤال الثاني هل موضوع سفره مطروح من قبل الزواج ام جد على حياتكم من جديد؟؟

اعتقد موضوع السفر له علاقة بتصرفات زوجك .. ارجو التوضيح لنفهم بشكل اوفى..

مع احترامي وتقديري