|
تقدم لي ارمل وعنده بنت (تم الرفض)
قبل شوي اتصلت وحدة تقربلنا
وعادة انا ما أرد على التلفون بس لأنه مافي أحد بالبيت فاضطريت ارد وياريتني ما رديت :29: سألت عن امي وابوي قلتلها مو موجدين قالت ترى الموضوع يتعلق فيج .. انا حسيت انها خطبة في واحد عمره 40 أرمل وعنده بنت عمرها 3 سنوات ما عرفت ارد وما احب احد يكلمني بهالمواضيع مباشرة وتبي تعرف رايي بسرعة قتلها مامدري بسأل اهلي تقولي: يله ماتبين تتزوجين انصدمت من كلامها كأنه السالفة بيدي قلت: انخطب بس ما في نصيب تقولي : شرايج قلت: مادري احس مسؤولية تقولي: تكسبين فيها اجر يتيمة عطتني رقمها وقالت لي ردوا علينا اليوم ا نا مادري ليش دايما يكونون مستعجلين! هذا زواج مولعبة وانا بصراحة حسيت بضيقة صدر مادري ليش مارتحت ابد ولا اعرف عنه غير اللي قالته لي وانه ملتزم وعلى طول دخلت استشيركم قبل ما اسأل احد والله انه المنتدى الوحيد اللي اشارك فيه ولما اشوف آراءكم ونصايحكم احسكم مثل الاخوان واكثر |
الله يكتب الي فيه الخير
بس انت كم عمرك و حالتك الاجتماعيه |
اقري المشاكل حقت الفرق في السن بين الزوجين
هذا اولا ثانيا مافيه شي بسرعه بسرعه هذا زواج وثالثا انتي كم عمرك عشان تقول لك هذي ماتبين تتزوجين؟؟؟؟؟؟؟؟؟؟؟؟؟؟؟ هذا مو اسلوب مكالمه ابدا ولا اسلوب مره عاقله |
اختي الغالية
الخطبة بالتليفون ما ينفع لازم يجون اهله ويخطبونك رسمي وتشوفينه نظرة شرعية وتسألون عنه العجله من الشيطان مافي شي اسمه ردولي بعد يومين ! كونه أرمل وفي الاربعين وعنده بنت عمرها 3 سنوات ما يعيبه كرجل لكن الاصول اصول |
سأختصر لك ..
أولا : أن يسأل أهلك عن هذا الخاطب كثيرا و عن دينه وخلقه ... ثانيا : بعد السؤال عنه يخبرونك بكل شيء ثم تستخيري الله ... ثالثا : قيمي كل الصفات التي ذكرت عنه و قيمي أنك ستتحملين تربيه ابنته الصغيره كأبنتك ... رابعا : حددي عمرك و حالتك الاجتماعيه سابقاً لأن طرحك للموضوع هنا يدل على أنك سبق لك الزواج و تطلقت .. مواضيع الزواج ليس فيها سرعه وعجله ... دعي أمك تكلمها و تقول اسبوعي أو اكثر نسأل عن الرجال و بعدها يصير خير أن شاء الله .. علما انني افضل ان يخطب الرجل من أبيك مباشره ثم يسأل عنه ... ... هذا و الله أعلم ... |
استخيري وانتي كم عمرك وشوفي ايجابياته وسلبياته والتوافق الفكري والتكافؤ بينكم اذا غلبت او تاسوت وافقك وفقك الله
|
الغربة مرة
مشكلتي اصدق بكر الشايب السيف المهند طارق جزاكم الله خير على سرعة مشاركتكم وآراءكم انا ما سبق لي الزواج وبكمل 28 بعد شهر يعني فرق بيني وبينه 12 سنة وانا اشوفها كثيرة وانا ودي اعزب وما اتخيل نفسي مع واحد متزوج من قبل او امطلق او ارمل لاسباب شخصية ونفسية كثيييييرة يعني خلاص كبرت وما في مجال آخذ اعزب :29: خاصة اذا كان عنده اطفال يعني من أولها رح احمل مسؤولية وانا ماعندي الاستعداد ولا الخبرة ولا التقبل ومارتحت للموضوع من أول ما كلمتني والمشكلة يريدون الرد بنفس اليوم وكل مرة اللي يخطبون يكونون مستعجلين يبون كل شي بسرعة بسرعة وبعدها ينتهي بسرعة |
الاول صباح الخير
انتى عامله ايه النهارده ، خبر اهه عالصبح يعتبر حلو يعنى انك يجيلك عريس دى فى حد ذاتها فكره حلوه كونك ترفضيه او تقبليه بقى دى حاجه تانيه.. المهم بصى يا ستى الاول الست دى مش معقوله ما حدش يقول لحد كده وبسرعه بسرعه ......معلش يمكن هى عاوزه تفرحك او اتهيأ لها كده انتى بتقولى عاوزه اعزب ما سبق له الجواز خلاص انتى حليتيها لروحك انتى رافضه ولكى اسبابك النفسيه والشخصيه زى ما قلتى حبيبتى ما تنلامى اذا ده تفكيرك.....انتى حره طبعا انما لو بتفكرى اه وللا لاء ساعتها هنتكلم فى كل شىء عادى لما اهلك يرجعوا قولى لهم فلانه اتصلت قالت كذا وانا مش موافقه وخلاص يادار ما دخلك شر ولو سألوكى ليه رافضه قولى لهم الحقيقه اللى قلتيها دلوقتى انا عاوزه اعزب بس ولا تحتارى خالص وربنا يارب يحقق مرادك |
اقتباس:
لا ماسبق لي الزواج طرحي للموضوع في هذا القسم لأنه قسمي اللي تعرفت على المنتدى من اكثر من 3 سنوات من خلاله فيه خوات لي احببتهم في الله شاركوني همومي كنا نواسي ونصبر بعض وندعو لبعض بما اننا من فئة المتأخر زواجهم ولا احب اقول (عوانس).. وانا ما ادخل إلا على هذا القسم ومرات ادخل قسم المقبلين على الزواج يارب يجعلنا منهم |
ليش يا فتوشي بتقولي الكلام ده
انا فعلا محتاجة لآراءكم لأن نظرة الناس لي غير نظرتي لنفسي انا فعلا ارغب بأعزب لكن يمكن وضعي وحالتي ما تسمح اني ارفض يعني انا من داخلي غير موافقة لكن يمكن لما اشوف آراءكم ولنه مافي مجال ارفض او اتشرط اغير رآيي ما خاب من استشار |
| الساعة الآن 02:24 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©