منتدى عالم الأسرة والمجتمع - البطاطا المطفاية من مطبخي بالصور

منتدى عالم الأسرة والمجتمع (http://www.66n.com/forums/index.php)

- مطبخ المرأة (http://www.66n.com/forums/forumdisplay.php?f=81)

- - البطاطا المطفاية من مطبخي بالصور (http://www.66n.com/forums/showthread.php?t=198402)

البطاطا المطفاية من مطبخي بالصور

السلام عليكم

بما ان عاملة ريجيم قلت بعمل أكل مناسب للريجيم (لا تصدقوا :25:)

المكونات :

http://i48.tinypic.com/307ssp1.jpg

بطاطا

زيت للقلي

ملح

فصين توم

كزبرة خضراء

كزبرة ناشفة مطحونة

ليمون

الطريقة

قطعي البطاطا و اقليها و اتركيها على طرف تصفي الزيت

http://i45.tinypic.com/wqqbgj.jpg

ضعي قليل من الزيت و قلي فيه التوم و الكزبرة الناشفة

http://i45.tinypic.com/aze5y0.jpg

أضيفي البطاطا و الكزبرة الخضراء مع رشة الملح و آخر شي الليمون و قلبيها و غطي الطنجرة
(حاولي أثناء التقليب تحافظي على البطاطا ما تتقطع)

http://i50.tinypic.com/nq3bpw.jpg

بعد 2 إلى 5 دقائق لازم تكون البطاطا المطفاية جاهزة

http://i49.tinypic.com/28ho3d4.jpg

اسكبيها و قدميها مع أي صنف بتحبي

http://i45.tinypic.com/20kfb0h.jpg

و صحتين و عوافي

:23:

ماشاء الله،، طبخك زاكي،، ماشاء الله عليكي ست بيت
الله يعطيكي العافية،، ما تحرمينا من طبخاتكم السورية الحلوة:22::22:

صحتين وعوافي

بالف هنا ياماريا اشتقنالك والله امس كنت افكر فيك كيف البمبينو بتاعك
هو دا اكل الريجيم يامرمر ههههه الله يسعدك يارب بس شكله روووعة وشكل الدجاج كمان رائع بالرغم انى ممتنعة عن اللحوم الايام دى

يسلمو ماريا

شكلها بتشهي انا كل طبخه اختمها بكزبره وثوم

تطلع لذيذه

ماشاء الله

ريحتها الحلوة وصلت لعندي

إن شاء الله راح أجربها بأقرب وقت

مشكورة يالغلا و الله يجزاك خير

طعمه ولذيذه
ماتخلو من مطبخي:)
تسلمي ماريااا فديتك انتي

شكلها روووووووعه

بس نزليلنا كمان طريقه الدجاج شكلها بيشهي

مشاء الله روعه وطريقتها بعد سهله

تسلم يديينك

وشكلنا بنودع الرجيم في هاذا القسم:)

زينة و نحول

اقتباس:

ماشاء الله،، طبخك زاكي،، ماشاء الله عليكي ست بيت
الله يعطيكي العافية،، ما تحرمينا من طبخاتكم السورية الحلوة

صحتين وعوافي

تسلمي الله يخليكي
و الله بنفسي كل يوم اعمل طبخة محرزة و نزل طريقتها بالمنتدى
بس اول شي ولادي ما بخلوني اعمل شي محرز
كلو طبخات سهلة هالايام
شكرا لردك اللطيف

تيررا

اقتباس:

تسلمي يا ستي و الله فعلا انا نسيت هالقسم كمان
ان شاء الله بس تكبر بنتي شوي برجع و بقوة مع طبخااااااات غير شكل
ليش ممتنعة عن اللحوم
معافاية ان شاء الله !

فيافي نجد

اقتباس:

يسلمو ماريا

شكلها بتشهي انا كل طبخه اختمها بكزبره وثوم

تطلع لذيذه

فعلا فيافي معك حق كنت البامية بعملها بالطريقة الحلبية ما بحطو توم و كزبرة
بس بعد ما صرت حطلا حبيتا اكتر
يسلمو لردك الحلو

عشق عبادي

اقتباس:

ماشاء الله

ريحتها الحلوة وصلت لعندي

إن شاء الله راح أجربها بأقرب وقت

مشكورة يالغلا و الله يجزاك خير

الله يسلمك عشق عبادي
ابقي طمنيني عن النتائج :)

noriin

اقتباس:

طعمه ولذيذه
ماتخلو من مطبخي
تسلمي ماريااا فديتك انتي

كل شي بسمن لذيذ ههههه
تسلمي على ردك اللطيف نورين

زوجة أحمد

اقتباس:

شكلها روووووووعه

بس نزليلنا كمان طريقه الدجاج شكلها بيشهي

اهلين زوجة احمد
الدجاج عادي مشوي بالفرن ما بدو شي
حطيتلو التتبيلة قبل 4 ساعات و هي ( ملح - فلفل - صويا صوص - توم مطحون - كزبرة - فليفلة حارة مطحونة- ليموووون)
و بالفرن ساعة و 20 دقيقة على حرارة 200 ساعة مع فويل و 20 دقيقة بدون الفويل أو حتى يحمر وجهه
بطلع طري و مستوي كويس لأنه بقي فترة طويلة بالفرن

دنيا الوفا

اقتباس:

ماشاء الله روعه وطريقتها بعد سهله
تسلم يديينك
وشكلنا بنودع الرجيم في هاذا القسم

ايه و الله شايفة
انا مشتركة مع الاخوات بموضوع الرشاقة لو يشوفوا هالموضوع بكتشفوا الخيانة
:d:d
تسلمي على ردك اللطيف

زمان عن أكلاتك المميزة يا ماريا ..

تسلمي عن جد شكلها مشهي ..

الله يعطيك العافية يارب