|
قيصرية مرتين
ابي مشورتكم انا حملت مرتين قيصري (كبس) وهذا الثالث بيشرف بعد كم يوم وقالت دكتورتي قيصرية بس خايفة بالمرة قلت انا بأحاول أولد طبيعي يعني مااروح للموعد الالما احس بالألم:( وعلامات الولادة لعل الله يكتب لي وأولد طبيعي لأن حماتي ولدت قيصري وخياطة بعد مرتين بعدها طبيعي اشرايكم ردوا علي الحمدلله مااحس بألم القيصريات اللي قد سويتها مع الحمل وهل احد مر عليها زي كذا وولدت طبيعي في النهاية:17: لاني يوم قلت للدكتورة كلها كبس القيصريات اللي سويتها احسها سكتت وتلعثمت بالكلام وقالت لا قيصري لانه مستشفى خاص الله يخليكم لا طنشون وكم عدد اولاد القيصريات؟ |
ماجبيت أمر من غير ما رد عليك والله ما عندي فكرة لأني أولدطبيعي ان شاء الله ربنا يكتبلك لفيه الخير مادام لك الخيار كان الثاني يولد طبيعي لكن قدر الله وما شاء فعل
|
الله يقومك بالسلامه
اختي انا ولدت 4 مرات 4 قيصريات و الحمدلله كنت احاول في كل مره اولد طبيعي بس:( مفيش امل حاولي والله يعينك |
الف شكر اخواتي اللي ردوا عليه يارب يسعدكم ويحقق امانيكم آآآآمين بس وين الباقي يا اخواتي وش دعوه هالتطنيش على الأقل كلمه ولو جبر خاطر الله يسامحكم |
انا جربت مرتين الطلق لعلي اولد طبيعي و بعد عناء و طلق شديد مدة 30 ساعة انتهي بقيصرية
و بصراحة مو ناوية أحاول أي محاولة بعد هيك يا اختي انتي سؤالك جوابه بعتمد على سبب القيصريتين اللي عملتيهن و الجواب فقط عند طبيبك او طبيتك المختصة !! |
طيب وش كانت اسباب ولادتك القيصيريه ؟؟
اذا مافيه سبب معين تقدري ان شاء الله تولدي طبيعي ... اختي ولدت مره قيصريه واللي بعدها طبيعي واللي بعدها قيصيريه ... يعني مو شرط اذا صار مرتين قيصريه اللي بعدها يكون نفس الشي ... تقومي بالسلامه يارب ... |
فعلا هو السؤال ليش قررت الدكتوره قيصري
انتي اسأليها اذا عندك مشكله فلازم تروحين لموعدك وتولدين قيصري لان يمكن يكون عندك مشكله وكذا تضرين نفسك والجنين الله يقومك بالسلامه وطمنينى عليك يالغلا |
سبب القيصريتين الاول كان مقعدي ورفض ينزل والثانية الرحم ماانفتح الا ثلاثة سانتي يوم كامل وتعبت بالمرة وخائفة المرة هذي ياارب يسر |
والله ماعندي علم
بس حبيت أدعي لك في هذا الوقت الفضيل إن الولادة تكون طبيعية والله يقومك بالسلامة أنتي والبيبي |
الف شكر حبيباتي لاتنسوني من صالح الدعاء
|
| الساعة الآن 08:37 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©