|
مشكلة حول اختلاف العادات و التقاليد
السلام عليكم جميعا
أنا راح أدخل في الموضوع على طول و بدون أي مقدمات :27: قبل يومين عمي (أبو خطيبتي (متملكين من أكثر من 4 شهور)) طلب مني إني أضل في بيتهم فترة الليل مدة 3 أو 4 أيام لأنه مع العمة راح يسافروا، وهم على كلامهم يثقون فيني و راح يتركوا بناتهم أمانة عندي (أنا ماخذ أكبر بناتهم و هي لسا مخلصة الثانوي) أنا قلت لهم ماعندي مشكلة راح أحطهم بعيوني كلهم لكن المشكلة اللي صارت إن أهلي لما عرفوا خصوصا إن الشغلة يمكن يكون فيها مبيت هناك عطوني محاضرة طويلة و عريضة عن الأخلاق و العادات و التقاليد و الصح و الغلط و كلام الناس و كيف إني لو رضيت بشي غير عن اللي تربيت عليه أكون كأني أضرب كلام و تربية (أبي) لي بعرض الحائط >>>>> عجبتني العبارة :22: وبعد كل دا قال (البابا يعني :15:) إنه عطاهم رجال عاقل و يعرف يميز بين الصح و الغلط فأنا أحين محتار هل أنفذ اللي طلبوه مني ( مع العلم إني تكلمت معاهم و بينوا لي إنهم ماراح يتضايقوا أبدا مني في تأخري عندهم أو مع بنتهم برا البيت و حتى لو جا يوم و إضطريت إني أنام هناك لأنهم يثقوا فيني (مع إني متأكد إنه مستحيل فيه أهل يقدروا يثقوا بالخطيب 100% دايما راح يحاتوا شو يصير عندهم - هذا اللي تربيت عليه و هو اللي مضايقني أكثر شي-) وهم متأكدين إني ماراح أسوي أي شي راح يسيء لهم ) أو إني أسمع كلام أبي و أشوف تربيتي شو تقولي و الناس شو راح تقول علي مع العلم إن أهل زوجتي متساهلين معاي و مريحيني في حياتي كثير معاهم أول يوم بعد الملكة مسكوني و عطوني نصايح تخرع الواحد و بعدها ماكلموني في الموضوع مرة ثانية أبدا بالعكس صرنا سمن على عسل فإيش نصيحتكم لي ترا الموضوع مزعجني بقوة هل أتهنى بحياتي مع زوجة المستقبل بدون ما أعمل أي شي ممكن يسبب لي مشاكل ( وإنتوا عارفين شو أقصد، يعني بعيد عن هالمواضيع) طالما إن أهلها موافقين و ما عندهم مشكلة أم إني أحط لروحي عقبات و قوانين تعقد حياتي لين يوم الزواج مع العلم إن موعد الزواج بعد سنة تقريبا وشكرا لكل شخص يحاول مساعدتي :d:d:d |
ما فهمت ايش تقصد بها الجملة ?
هل أتهنى بحياتي مع زوجة المستقبل بدون ما أعمل أي شي ممكن يسبب لي مشاكل ( وإنتوا عارفين شو أقصد، يعني بعيد عن هالمواضيع) طالما إن أهلها موافقين و ما عندهم مشكلة أم إني أحط لروحي عقبات و قوانين تعقد حياتي لين يوم الزواج يعني قصدك تصير بينك وبين زوجتك ........ اذا كذا لا عاد الرجال مامن على بناته معك تجي انت تخربطها خليك مثل ما قال ابوك رجال عاقل و يعرف يميز بين الصح و الغلط:22: |
أنا أقصد أني أطلع معاها و أتمشى و أروح أي مكان و أجيهم أي وقت بدون ماحط قيود
لكن ما أقرب صوب الأشياء الثانية هذا اللي كنت أقصده أو أني أخلي حياتي كلها قوانين و أحدد متى أروح لها و متى أرجع و هل أطلع معاها أو لا |
الكلام اللي قلته كان بشكل عام
لكن اللي أبي أعرف رايكم فيه هل إني أقبل إني أبات عندهم لين يرجعوا من السفر أو لا و بالنسبة لي أنا مستحيل اعمل شي يسيء لهم ماني نذل أو ناكر للجميل |
إذا كان الرجل مأمن لك كما تقول
وإن كنت اراه على خطأ فالعادات هنا لها اعتبارها الشرعي لكن لا يمنع و يمكنك ان تقع أبويك وأنت رجل ولك قرارك...لكن بدون أن تغضب أبويك وأيضا لا تخن الامانة مع معقودتك فاهم قصدي طبعا وفقك الله |
صـراحـة لا يـوجـد تـوافـق بين عنوان موضوعـك والمضمـون ،،،، أن تشتكـي بين اختلاف رأيين، اهلك يقولون لا تجلس عندهـم....<<< يعني لا تمارس حقك كزوج وأهل زوجـتـك يقولون اجلس و مأمنـينـك على بنتهم وبناتـهم....<<< يعني لا تمارس حقك كزوج.. وأنت نـاوي تخـربـها بكلامـك هـذا اقتباس:
فـهـل المشكلة اختلاف عادات العـائلتين أم أنـك تـريـد ما في بالك ؟؟ عزوبي:22: بس:d رجل:30: |
اقتباس:
هي مسالة عادات وتقاليد واعتقد انها مش مستساغة عندكم لكن ما دام الرجال قالك ياها يبقى الامر الحين راجعلك انت وتقبلك للامر |
لو البنات ما عندهم أخوان ولا أعمام ولا خوال
فاستئمنوك انت على البنات تطل عليهم وتتطمن على أوضاعهم وتشوف ايش اللي ناقصهم وعطوك الأذن تروح وتجي في غيابهم ودامهم كذا أتوقع انك الحمد لله وما شاء الله متهني مع زوجتك يعني تطلعون عادي وتتغدون برا ولا تتعشون في الأيام العادية وربما كان طلبهم هذا اختبار لك ويبغون يعرفون ردة فعلك بخصوص إنك تبات معاهم انت لين قالوا لك ما أطريت لهم إن الناس ممكن تتكلم كلام مو طيب وايش كانت ردة فعلهم ؟ وفي نفس الوقت ممكن يكون صحيح إذا ما كان عندهم محرم يعني تكون السفرة طارئة وانت الرجل الوحيد اللي ممكن تدخل البيت عشان زوجتك اللي هي بنتهم |
اخي الكريم اهل زوجتك أأتمنوك على بنتهم و بيتهم بمعنى .. انك تاخذ بالك منها ومن اخوانها
يعني اذا احتاجوا شي او قصر عليهم شي انت توفي وتكون المسؤؤل و ما اعتقد كان قصدهم الطلعات و الروحات و الجيات فا خليك وسط لا تعقدها و لا تكون داخل طالع عليهم كل شوي يكفي انك دايم تتصل تطمن عليهن ... تزورهم مرة كل 3 او 4 ايام و تكون زيارة خفيفة .. تلبي متطلباتهم و مقاضيهم .... بهذه الصورة بتكون انتبهت عليهم بغياب حماك و حماتك و بنفس الوقت ما تبين لهم انك اغتنمت الفرصة و صرت على طول عند خطيبتك و كمان ترضى اهلك و قناعاتهم .... خليك معتدل |
colors
كلامك فيه من الصحة أنا تكلمت معاهم و هم أكدوا لي إنهم ما قالوا لي إلا لأنهم متأكدين مني و واثقين فيني وغير كدا هم راح يسافروا لحالة طارئة و مافيه رجال بالبيت بس بنات و أنا أقرب شخص لهم و الحمد لله بالنسبة لكل بناتهم هم يعاملوني كأني أخوهم الكبير إذا إحتاجوا أي شي يقولوا لي بدون تردد noora كلامك ريحني شوي أعتقد إنه يكفي إني أتطمن عليهم بين فترة و الثانية و تظل زياراتي لهم مثل ما كانت وهم موجودين >>>>> الشي الوحيد اللي افتقده في حياة العزوبية، هو إني عمري ما اضطريت اتخذ اي قرارات صعبة خخ <<<<< |
| الساعة الآن 01:56 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©