|
وين رجال الشهامة والنخوة والفزعة وين الخلل
السلام عليكم ورحمة الله وبركاته
ترددت قبل لا اكتب الموضوع قبل لا اكتب القصة التي حدثت لي اليوم اتمنى منكم يا مشرفين ما تحذفون الموضوع انا فتاة خريجة ثانوية عامة ومعي دورة حاسب الي ثلاث شهور هذي فقط مؤهلاتي وبما انني لااحمل شهادة اعلى من الثانوي فمن الصعب الحصول عالوظيفة وانا يعلم الله كم هي حاجتي للوظيفةبسبب الوضع المادي السيء والحمد لله على كل حال المهم دخلت احد المنتديات المتخصصة بايجاد الوظائف وكتبت موضوع فيها شارحة كل ظروفي ونسيت الموضوع دخلت البريد الالكتروني ووجدت رسالة خاصة من نفس المنتدى وكان رجل قال لي عندي لكي وظيفة روحي للقسم النسائي لنفس الشركة اللي يعمل فيها وجهزي اوراقك معك وانا اشوف لك وظيفة براتب 3500 ريال طبعا من الفرحة انصدمت بالراتب وكان كثير بالنسبة لي المهم رحت لهم اليوم وانا لا اعرف من هو مجرد رقم جواله الذي اعرفه واول ما وصلت ارسلت له رسالة على جواله وقلت انا اللي طلبت مني اروح للشركة وانا عندهم الحين المهم كلم المسئولة وطلب منها تمشي اموري وبما ان الدعوى واسطة تغاضوا عن مؤهلي البسيط وتقريبا اكتمل الموضوع بعدين وانا راجعة للبيت جاتني منه رسالة على جوالي انه يبغى يتعرف علي ولي مطلق الحرية طبعا انصدمت على كثر فرحتي بهالوظيفة على كثر حزني على حالي طبعا ارسلت له وقلت في الرسالة ( اذا بتساعدني مقابل هذا الشي من الحين اقول لك اسفة وكنسل الوظيفة اما اذا بتساعدني لوجه الله فجزاك الله خير ) طبعا ارسل وقال راح امشي موضوعك وانا عارفة في قرارة نفسي انه ما راح يستمر في مساعدتي وبالفعل كنسل هو الموضوع ورفض يساعدني خلاصة الموضوع والله اني اول ما عرفت نيته حسيت بقهر لاني عارفة ان خلااااااااص مافيه وظيفة الا بامر الله بإمكاني امشي معه الموضوع واوافق على طلبه حتى اتوظف وبعدين اسحب عليه لكن والله اللي خلقني وبيده رزقي مافكرت مجرد تفكير اني اسويها لخوفي من ربي ولا ابي وظيفة ظاهرها حلال وباطنها حرام والحمد لله على كل حال ياليته من البداية بين لي نيته كان وفرت على عمري كل هذا حاول يستغل وضعي المادي تدرون اني من شدة فرحتي بالوظيفة وبالراتب قمت قسمت الراتب بما انها 3500 قلت 500 للسواق و1000 لي و1000 لمصاريف حضانة عيالي او الخادمة و1000 اعطيها اختي المطلقة وكنت ناوية اتكفل بإيجار شقة اختي وهي ماعندها غير راتب الضمان وتصرف على عيالها وبناتها وما عندها احد يصرف عليها والله الشاهد واختي البارحة كلمتني وقاعدة اقولها عن الوظيفة والراتب وانا مبسوطة وقلت لها خلاص بتكفل بإيجار شقتك واللي ينقص كمليه من راتب الضمان قالت لا ما ابي لك شي خليه لك فيها عزة نفس وعشانها تعرف وضعي وقلت لها هذا امر مفروغ منه بعطيك يعني بعطيك آآآآآآآآآآآآآه يا اختي خذلتك آآآآآآآآآآآآآآآآآآيا اختي وعدتك ولا اوفيت بوعدي لك اعذريني يا اختي كان الثمن عرضي كان المقابل شرفي سامحيني مابيدي شي غير رجاء رب العالمين وين الشهامة في الرجال وين الفزعة لاختك المحتاجة وييييييييييييين راحت النخوة ما يدري انه خسر دعوات ناس محتاجة ما درى انه خسر صدقة عنه ما درى ان لو وضعي اسوئ من هالوضع ما رضيت ما رضيت ما رضيت وما درى ان اللي خلقني ماراح يضيعني وبيرزقني ان شاء الله جاوبني يا اخواني معقولة الشهامة ولت؟ معقولة انا في زمن غير معقولة انا مغفلة ولا ساذجة تعبت من التفكير بالله قولوا لي ويييييييييييييييييين الخلل ويييييييييييييييييين الخلل ويييييييييييييييييين الخلل فيه ولا فيني ولا في الناس اللي حولي ولا الامر كله حلم ما صحيت منه اللهم يا عالم بحالي ارزقني من اوسع ابوابك اللهم يا عالم بحالي لا تجعل احد يتولاني غيرك اللهم يا عالم بحال اختي ارحم ضعفها وكسرها اللهم آمين |
وعليكم السلام ورحمة الله اختي الفاضلـة الله يغنيك بـحـلالـه عـن حـرامــه، ويـدفـع عنـك كـل سوء ، ويـعـوضـك ويـعـوض اختك الخيـر ويـعـوضـك بــتـركك لهـذه الوظيـفـة خيـراً منهـا ورزقـاً واسـعـاً تمنيت اختي لـو قمت بالبلاغ عـنـه،،، فـقد يكون لم ينجح للوصول لمآربـه الدنيئة معـك.... وقـد يـصـل لفتاة غيـرك ويـوقـعـهـا ويستـخدم وسائـل سيئـة ليبتزهـا.... لا يجـب أن يتـرك بـلـغـي عنـه الهيئـة.... والسؤال الذي سألته وين الخلل؟ اجابته هـو أن السكـوت عـنـه ؛ هـو الخـلل ... عزوبي:22: بس:d رجل:30: |
الله يعوضك يارب بي الافضل معظم الوظايف اصطياد بنات محتاجين حسبي الله فيهم
الله يرزقك من حيث لاتحتسبي وفعلا بلغي الهيئة |
حسبي الله عليه
اختي الله يعوضك ويرزقك الحلال الطيب ويفتحها بوجهك وبوجه اختك ياااااااارب |
http://s52.radikal.ru/i138/0912/aa/b3f9a2bf6187.gif
وعليكم السلام ورحمة الله وبركاته من أرضى الله بسخط الناس كفاه الله الناس ومن أسخط الله برضى الناس وكله الله إلى الناس حديث صحيح ذكرة الشيخ الالبانى فى حديث الجامع الصغير ها هو الرسول الكريم http://i072.radikal.ru/0912/e4/72fe82159039.gif ماترك خيرا الا دلنا عليه ولاشرا الا حذرنا منه فى كلمات بسيطة الاسلوب بليغة التركيب وجيزة المبنى عظيمة المعنى يعطينا فى هذتا الحديث الشريف مبدأ هام فى معاملة الناس ومعايشتهم فذكر عليه الصلاة والسلام طريقين لاثالث لهما الطريق الاول طريق من التمس رضا الله ولو سخط عليه الناس وهو طريق ينبع من توحيد العبد لربه عز وجل ليس للانسان ان يتوجه الا لله فلا يخاف الا اياهولا يرجو سواه ولا ينطلق فى حياته الا طلبا لرضاهفى كل حركاته وسكناته فى كل معاملاته فينفذ ما أمر الله به لايلتفت فى ذلك لمدح مادح أو ذم ذامولايضع فى نفسه وهو يرضى الله عز وجل أدنى حساب لسخط أحد من الخلق أو رضاه مهما كلفه ذلك من مشاق الطريق الثانى هو طريق من لم تخلص نفسه لله عز وجل طريق ضعاف الايمان ومن اهتزت عقيدتهم فهو يبحث عما يرضى الناس ويفعله وعما يعرضه لسخطهم فيتركه ولو كان ذلك على حساب دينه ولو كان فى ذلك مايسخط ربه عز وجل لأن المهم عنده الا يخسر الناس والا يكون فى موضع نقمتهم وغضبهم ونعوذ بالله من هذا الطريق فنسأل الله تعالى أن يجزيك خيراً على الحرص على الخير، ونسأله أن يرزقك التوفيق والثبات http://s44.radikal.ru/i106/0912/4d/83ee4f03eeb9.gif |
اختي طعنات الغدر
موضوعك يحزن خصوصا انك بنيتي امال ورتبتي شو بتسوين في الراتب خصوصا اانك كنتي ناوية تساعدين اختك عوضك الله بوضيفة غيرها وتأكدي ربك بياخذ حقك من المبتز في الدنيا قبل الاخرة اكثري من الاستغفار فانه يفتح ابواب الرزق |
أختي
ما تضيق إلا و تفرج بإذن الله هذا ( عبد ) عن ( الملك ) ، فلا تطلبي الرزق من العبد و أطلبيه من ملك الملوك :) :) هو امتحان من رب العالمين و إن شاء الله تكوني اجتزتي الإختبار و بتفوق بإذن الله قومي في الليل ، صلي ركعتين و اشكي لربنا و هو يفرجها من عنده بإذن الله |
جزاكم الله على ردودكم ودعائكم
ان شاء الله ادخل اخر الليل وارد عليكم واحد واحد لاني ما اقدر الحين زوجي عندي |
الله يثبتك ويرزقك من اوسع ابوابه ومن ترك شيئا لله عوضه الله خيرا
والله يفرج لك ويوفقك في وظيفة اخرى افضل منها |
الله يعوضك ويرزقك انتي واختك من اوسع ابواب رزقه ولا تستسلمين ابحثي على وظيفه وبتلاقين ان شاء الله وكلي امرك لله سبحانه |
| الساعة الآن 01:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©