|
ليتني وافقت
قعدت اشوف شهادة تخرجي والمواد اللي خذيتها في كل فصل
واسترجع الذكريات في ثاني فصل لي بالجامعة كان عمري 20 تذكرت لما خطبتني صديقتي لواحد من طرف زوجها ألحت علي كثير إني أوافق لأنه متدين وشاب ممتاز ويدرس طب وقالت لي مو كل مرة تتكرر الفرصة يمكن ما يتقدم لج بعدها واحد زين لكني رفضت لأني كنت أعاني من مشكلة في ذاك الوقت وقدمت ديني على زواجي والحمدلله انحلت المشكلة اللي كنت اعاني منها ومن صار عمري 23 وانا ودي اتزوج لكن للأسف كل ما يتقدم احد يطلع فيه عيوب وإذا كان زين ومناسب يروح وما يرجع تذكرت الموقف وقعدت ابكي ليتني وافقت ماكنت ادري اني رح اجد حل لمشكلتي ليتني وافقت بعد ما تزوجت آخر صديقة لي واللي كانت اعز صديقة تأثرت حيل ودعيت ربي يعوضني خيرا منها وفعلا ولله الحمد ربي رزقني بوحدة تعيني على الطاعة اتدارس معها كتب العلم ونحفظ ونسمع لبعض واليوم اكتشفت انها انخطبت بالصدفة وماتبي تقول لأحد انصدمت وبكيت ماعاد لي احد ماعدت اتحمل اكثر نفسيتي بالحضيض افكر اغيب باجر ولا اروح للدوام ماحضرت ومالي خلق اسوي شي ولا اشوف احد تعباااااااانة حيييييييييل |
استهدي بالله كل شي قسمه ونصيب ومعليش على تصرف صديقتك
المهم الان صلي ركعتين واذكرى الله كلنا نعدي بي ازمات وضيقه شديده ان شاء الله انو ابتلاء من الله وكلو في ميزان حسناتك الله يرزقك ان شاء الله عاجلا غير اجل ثقي بالله وثقي بنفسك ولا حد يهمك |
جوهرة عزيزتي
تراك منتي عجوز عمرك 28 أو 29 حالياً و الا أنا غلطانه يا أختي ليه تسوين بنفسك كذا لا تتعبين نفسك توكلي على الله و عيشي حاتك أتمنى تردين علي و ما تغيبين |
الرجال ماكان من نصيبك
انت مؤمنة بالقضاء والقدر واذا صار وتزوجوا صحباتك ليش تقاطعينهم؟ والله ياعيوني ان الزواج مايسوى كل هذا اللي تسوينه بنفسك والله لا زوج ولا اولاد راح ينفعونك ما راح ينفعك غيـــــــــــــر عملك الصالح اللي يسعدك الحين وبعد حين الدنيـــــــــــــا كل من فيها يعاني أنا متزوجة وأعااااااااااني فتوشي -اطياف-ندى يعانووووون بنت مكة-جوهرة الكويت-يعانووووون محتاجة للنصيحة تعااااااني ماريا تعاااااااااني بكر الشايب تعااااااااني ولا احد بهالدنيا مرتاااااااااااااااح الراحة فقط في الجنـــــــــــــــــــــــــــــــــــة |
قدر الله ما شاء فعل
يا جوهرة اللى حصل في ماضي وانتهى مافي نصيب اعرفي انه كان شر وربنا بعده عنك بجد حكمة من عنده طالما أنتى استخريتى فتأكدى انه خير ليك |
اقتباس:
فعلا كل واحده فينا حالتها غير والكل معاناه زواج - اطفال -انتظار - مشاكل-طلاق دي الحياة بس الا اتمنى الله يحسن خاتمتنا ويريحنى من هم الدنيا وبعدين كلمة دنيا من دناة ماتصفى لاحد ابداااااااا وعلى فكرة انا نفس عمرك كم شهر وابدا 30 سنة حتى وظيفتى سيبتها من فتره بسب نفسيتى الا تعبت فتره من الفترات صح شفت فيها ظلم بس كانت تضيع وقتى دحين التفكير والهم زاد سجلت في نادى وان شاء الله اشوف تحفيظ قران الله يبلغنى واحفظوا |
أختي الغالية
أنا تقدم لي واحد و رفضته ، و أهلي كانوا موافقين و حتى أخوي زعل يوم عرف إني رفضت العريس و سبحان الله ما كان من نصيبي و عدت سنتين أو 3 بعد ما رفضته ، و سمعنا إنه انسجن بسبب الرشوة قلت الحمد لله إنه ما كان من نصيبي و الحمد لله تزوجت ، و صح زوجي يستخدم عطوراتي ، بس شئ أهون من شئ :D أمزح معاك ، بس عشان أضحكك :) :) نصيبك ربي كاتبه ،، لا تشيلي هم |
والله ودي اخفف عليكي بما انك مضايقه الله يفرج عليكي بس عندي ملاحظه للي يقولون نصيب
ياجماعه الانسان مخير في حياته لاتخلون كلمه نصيب هي الشماعه اللى نعلق عليها اخطائنا في كثير بنات يقطعون نصيبهم بايدهم وبعدين حالتهم تسوء واخر شي يقولون هذا نصيب النصيب صح بعد الزواج هذا نصيبك بس قبل انتي مخيره في نصيبك والحكيم يغتنم الفرص الله يرزقك بالزوج الصالح ان شاءلله ... |
طيب انا تزوجت غصب
اختياري كان الرفض اخوي ضاحي هذا هو النصيب انه ( قدر الله وما شاء فعل ) صح احنا مخيرين بس فالنهاية اللي مكتوب لكل واحد فينا بيصير له الله يفرج همك اختي ولا تحاتين وريحي بالك ,, محد يموت الا بعد ما ياخذ رزقه كله سواء عاجل او آجل |
اقتباس:
يمحو الله مايشاء ويثبت وفي الحديث انه الدعاء يرد القضاء بعدين هذا من الشيطان هذه الكلمه في ناس ماتصلي يوم تسألينها يقولك والله ربي ماهداني وهذا نصيبي في الدنيا الله عطانا عقل نختار وفي النهايه كل الامر يرجع لله والله مقدره لكن الله اعطانا العقل والاختيار لايغير الله بقوم حتى يغيرو مابانفسهم الانسان مسؤول عن نفسه واختياراته امام الله وهو يستطيع يختار الايمان او الكفر نفس الشي الزواج او الوظيفه ناس تختار تشتغل بلمخدرات وناس تعمل عمل شريف هل اللى يشتغل بالمخدرات يقول هذا النصيب وقدر الله ماشاء فعل ولا هو مسؤول امام الله على اللى اختاره ... اتمنى من البنات انها ماتضيع فرص الزواج المناسبه وتصلي الاستخاره وتتوكل على الله والله يوفقكم وشكرا,,,, |
| الساعة الآن 09:46 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©