|
نقاشي انا و زوجي حول ملابس الطفل الذكر والبنت شاركوني
السلام عليكم ورحمة الله وبركاته كما تعرفون او حتى لو لم تعرفو فستعرفون الان:) انا حامل الحمدلله ماشاءالله تبارك الله وقد كشفت وطلع معي بنت وكما تعرفون زوجي بلا عمل من 4 شهور ادعولنا ربنا يفرجها بدات احس بالضيق يارب الفرج المهم اليوم كنت اتحدث واقول حروح اشتري زهري للبنت المهم فهود لما انولد صراحة اغلب ملابسو ازرق وفي ابيض وفي برتقالي باقيين لليوم هم مخمل وفهود جاء في الشتاء والبنت حتيجي ان شاءالله في اخر 4 اول 5 اعيش في بلد امطارها موسمية في الصيف فيبرد الجو جدا بعض الاحيان وبعض الاحيان يكون الجو دافي عادي مافي حر دول الخليج ابدا بالعكس جو جميل جدا فزوجي قلي لازم تلبس اول 3 شهور شتوي خليها تلبس ملابس فهود والحق يقال انا شريتهم من اغلا محل وماركة جميلة شكلهم بجنن للان ومافيهم عيوب تذكر انا كشرت وماعجبني وقلت لازم زهري قلي شايفة الحال المادي حبيبتي ازا الله رزقنا اشتري كل الي نفسك فيه واول شهرين تلاتة ماحد بشوفها ولوقتها لو ماكنا في عمل حيكون وضعنا المادي اصعب شوي يارب افرجها المهم قلت خلص زي مبدك (ولم يكون عاجبني )انا قدرت الوضع ولكن طبيعي انزعج بعدين قال بس بتعرفي الانسان ليش بطران ومسرف ليش نشتري ملابس جديدة وفي احلا ملابس بس عشان اللون الزهري غيرنا مش لاقي كسرة خبز واحنا رايحين نغير كسوة الطفل بس عشان مجرد لون قلت والمعنى قلي خليها تلبس ملابس فهود اول 3 شهور لعدة اسباب قصة الزهري والازرق عادة اراها تافهة و اسراف وبطر اروح احط مبلغ وقدره بس عشان اللون وغيري قاعد بشحت اللقمة كيف الله يباركلنا حياتنا وفي فلوسنا لو عملنا هيك مو نروح نتصدق فيهم احسن اضافة انا بدي نكون اصحاب مبادئ سامية في الحياة اولادنا يكبرو مايكونو حاملين الافكار التقليدية البس زهري البس ازرق ولا عشان العادات تلبس البنت زهري نروح نجري نتبع عادات عقيمة مالهاش اي معنى عشان ولادنا بكرة يكبرو مايكونو خفيفين تفكيرهم سطحي وهمهم مجرد مظاهر مالهاش معنى بدي نغرس فيهم افكار وقيم مميزة ويكونو غير عن كل الناس ولما الانسان يفكر بهيك طريقة الله ببارلكو و برزقنا زيادة عشان احنا فكرنا في غيرنا وفكرنا انو رفس النعمة حرام و صرف فلوس بس لاجل لون يعتبر حرام وصدقة في المبلغ احسن وابرك دنيا واخرة لعل ربنا بعملنا هادا يدفع عنا ضرر بالغ او عن طفلتنا ويحمينا لانو اتقينا الله فيها فلم نتبطر بدون سبب لو كنا ناويين نشتري الها ملابس بمبلغ س ونتصدق بملغ ص هل حتكون بركة حياتنا زي تصدقنا بالمبلغ س+ص انا حابك تكوني امراة مميزة عن باقي النساء الي بس بقلدو بعض وهمهم زهري وازرق وياي بنت والله ولد ازرق زهري مجرد الوان اضافة اول 3 شهور طلعات البنت خفيفة واصلا ماحد عنا نزورو و هية نفسها مابتفهم اشي لحتى نفرحها بالزهري انت بدك الزهري عشان انت بدك هيك ماتقولي عشان بنتك انا رديت وقلت اه عشاني اناامها وبحقلي افرح فيها قلي ايش هالفرحة ماتيجي غير باللون حكتلو عواطف ام حكالي وشو هالعواطف الي مابتيجي غير عاللون انا صراحة اقتنعت بكلامو وقلت كلامك صح وبدل مروح اعلم كسوة كاملة اخدلي كم قطعة من نفسي قلي وشو فايدة المبدا الي بدنا نحملو ونعلمو لاولادنا خليكي امراة مميزة عشان اافرح فيكي ولاحابة اكون رجال تافه مهتم بالمظاهر صراحة زوجي معاه حق راح قلي كمان بس بعد ال3 شهور حتكون كبرت واحلوت وتطلع وننبسط فيها وفي كل الاحوال بعد 3 شهور الطفل تصغر ملابسو و نغيرها وقتها اشتري الزهري الي بدك اياه لانو مافي ملابس اصلا عنا وقتها انا حقلك خلي البنت عريانة ولا لبسيها ملابس صغيرة؟؟؟ وقلي انا لوعندي بنت كبرت وفي عندها ملابس قديمة من اختها الي قبل وجديدة وحلوة حخليها تلبسهم بس كمان حشتريلها عشان هية تفرح وتنبسط ونفسيا تكون مشبعة وماتحس بالتمييز عشان تحس بالرضا والشبع والقناعة وادخل السرور لقلبها لكن لما نتكلم عن بيبي 3شهر واتنين الواحد يفكر بمنطقية خلي هدفك اسما من هيك و ارقي بتفكيرك اكتر صراحة احرجني وافحمني وحسيت كلامه صح ولتكون الصورة واضحة زوجي كريييييييييييم جدا اهم مايميزه كرمه لهيك انا صابرة عالظروف الحالية وقت الفرج ماعمرو بخل علية ولو اطلب شو ما اطلب ماببخل ولا بيقلي شريتي ملابس كتير ولا طلعتي تعشيتي برة كتير ولا تفسحتي كتير ماببخل ابدا ولو رحنا السوبر ماركت ماعمرو قلي ليش هادا وليش هداك ماشاءالله تبارك الله فكرمه هادا مخليني اتحمله وقت الضيق لاني عارفاه مابقصر فزوجي كريم جدا معي وبالتالي كريم مع اطفاله الحق يقال حتى ماتقولو زوجك بخيل على طفلته بملابس بسيطة زوجي كريم مع الغريب ويحرم حاله ممكن لاجل صديق عزيز ولما اقله ليش حرمت حالك مشانه بقلي من حسن الاخلاق الاسلامية كرم المسلم مع اخيه والعرب زمان كانو يجوعو انفسهم لاكرام الضيف صديقي يستحق اكرمه على حسابي الحق يقال زوجي كريم كرم طائي ماشاءالله تبارك الله انما زوجي فكرته من ناحية المبدأ و ناحية دينية وبركة حياة وانو الله بباركلنا اكتر في حياتنا بس قول لاختي الغير متزوجة مواقف زوجي بتقلي ماشاءالله وليش زعلانة اتمنى اتزوج انسان بمواصفات ورقي اخلاق زوجك احمدي الله يااختي وخليكي عميقة زوجي انسان يحب التميز في كل شيء في التربية والتفكير والمبدأ مابحب التقليدية بحب يربي اطفالنا عمبادئ و اخلاق غير عن كل الناس ليكونو اناس في المستقبل لهم وزن في المجتمع الهم ذكر في المجالس من حسن اخلاقهم و تربيتهم ناس يتركو بصمة في كل من يتعامل معهم هالشي بعملي مشكلة انو بحاول اوصل لافكاره وتميزه واتعب لانو ماشاءالله مميز جدا واحس مو ممكن اجاريه مش لاني تافهة بس لانو هوة المميز جدا ماشاءالله تبارك الله انتو شو رايكم التزم برايوو ولا احاول اقنع لسة لوقتها فرج ويااااااااارب يكون الله رازقنا والله الابواب مقفلة المشكلة ومافي شيء يلوح في الافق لا خارج ولا داخل البلد دعواتكم واتمنى ارائكم بايجابية بدون انتقاد جارح او كلام محرج او تعليق غير لازم وسؤال اضافي البس البنت شتوي فعلا انا غير مقتنعة هوة بيقلي الجو في غرفتنا بارد لطيف وايام فهد كان بارد ولابس شتوي هية تلبس شتوي ولكن مافي دفاية وبتمطر وبتبرد الجو خايفة يكون حر عليها |
ببساطه
التزمي برأيه اولا : باذن الله ستكبر بسرعة ورح تشعري بان الفلوس اللي حطيتيها بالملابس راحت هدر حرام والله ثانيا : باذن الله ستصلك الكثير من الهدايا اذا ولدتي واغلبها بيكون لبس .. لا تستعجلي وتشتري لها شي الآن يعني بكل الاحوال اول ثلاث شهور تقدري تمشي حالك بلبس فهود لها (طالما مافي اعياد ومناسبات) واذا صار شي مناسبه اشتري لها طقم عن خاطرك اسأل الله العظيم أن يتمم حملك على خير ويرزق زوجك الوظيفه قريبا يا رب |
اهلا بكر
شكرا لردك حبيبتي بس هوة زوجي بالاخر قلي ازا كان الله فرجها بتشتري بس كان النقاش من ناحية المبدأ مش من ناحية التزام ولا لأ بالنهاية مش حتصير مشكلة عالموضوع و مو فارقة كتير وزوجي بالاخر مابرفض طلبي انا بس حبيت اسالكم عن رايكم مو اكتر شكرا الك بس نسيت اقلك مناسبات مين وزيارات وحفلات مين ياحسرة احنا بالغربة وكل الناس بحالهم ولو في معارف فهما قلائل والزيارات تتم كل وين ووين يعني مثلا فهد شريت له للشتا كزا لبس طلعة انيق وللان ولا مرة انلبسو فقررت وين منطلع البسو اياهم ولا طالع يلعب في الحديقة ولا يوسخ خليه حسرة علينا نشتري نشتري وماحد شايف حلاوة ولادنا الله كريم يارب |
فعلا خليكى على كلامو حتى عندنا يسوى كده
الله يتمملك حملك على خير وان شاء الله كل بيبي ومعه رزق يجي باذن الله |
سيبك من ده كله ياملك
انا قلبي انشرح لما قولتي بنت يعني ربنا هيفرجها بإذن الله على ايديها رزق البنات حلو يارب يطلع ظني بمحله ويفرجها من عنده يارب آميييييييييييييييييييييييييييييييييييييييييييييييي ييييييييييييييييييين |
بنت مكة تسلمي حبيبتي الحمدلله امر مو جوهري شهرين تلاتة بعدو وبشتري زهري × زهري
حلوايا ياحياتي الكل بيقلي بنت رزقها معاها حزنت على فهود هوة الولاد وشهم نحس ولا ايه هههههههه بس حتى ماما وكل الي عرفو بحكولي قريب جدا بيجيكو رزق واسع ان شاءالله دايما البنات رزقهم بيجي معاهم حتى في الحلم تفسيرها رزق ان شاءالله الرزق على الله ويارب توقعك يكون صح وافرحكو قريب حاملة الهم ومش عاوزة حاجة لااشتري ولا غيرو عاوزة نطمن ونشتغل |
ربي يتمم لك حملك ياقلبي
ويرزقك انتي وزوجك من حيث لاتعلمون ويوسع رزقكم ويعطيكم الخير لين ربي يرضيكم . بوسي لي البنوتة لما توصل بالف سلامة يارب |
تسلمي احاسيس الله يحقق احلامك
شايفة الموضوع صار تهاني عالبنوتة :) تسلمو |
ربنا يتتملك على خير يارب وتفرحينا بجد .. وبعد ماتفرحينا اختفي ماتكتبيش عن نفسك لا خير ولا شر .. حسدتي نفسك
بخصوص النقاش انا من الاول هعمل زي ماجوزك قال من غير ما اناقش جوزي بصراحة ممكن اجيب اي حاجة لونها زهري افرح بنفسي .. ان شاء الله شُراب (جوارب) ... او أيس كاب وحتى بعد كدا ..خصوصا في هدوم البيت مش ههتم الا لما تكبر شوية ... على سنتين ولا حاجة ابقى افكر اجيبلها البيت كمان بناتي .. |
و عليكم السلام
اختي ملك شادي اولا الف مبروك ثانيا كلام زوجك صح الطفل في اول 3 شهور بيكبر بسرعه خاصة انهم بالشهور الاولى بيتلف بالكافولة يعني محد راح يشوف لبسه و كمان لمن تكبر شوي اكيد لازم انك تشتري ملابس لها لان ملابس الاولاد تختلف عن البنات و انتي بغربة يعني محد راح يدقق و خاصة ضروفكم صعبة شوي الله يفرجها عليكم يارب على فكرة قولي له عشان نفسك لو قطعتين بس تشتريها للنبت>> مجرد فكرة تحياتي |
| الساعة الآن 07:47 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©