|
زوجي يستعمل الهدية التي أهداها لي ؟ ((حُلت ولله الحمد ))
السلام عليكم و رحمة الله و بركاته
كيفكم ؟ الصراحة عندي موضوع ، هو يمكن تافه و مو هذاك الشئ و الحمد لله ، بس حابة أخد رأيكم فيه زوجي جاب لي هدية عطر ( 5 عينات صغيرة ) ، لإني من الناس اللي ذوقي صعب في العطور و أمل من ريحة العطر بسرعة ، و زوجي ( مجنون ) عطور ، و كم مرة يشتري لي عطر هدية و يخلصه هو و حتى على زواجي و أنا عروسة ، كل العطور اللي اشتريتها ، خلصها في أسبوع واحد المهم ، من فترة بطل الطبع هذا ، إنه يخلص عطوري ، لإنه مسرف في العطور بشكل خرافي يعني عطر بـ 500 ريال ممكن يخلصها في أسبوع ما همني هذا كله ، الحمد لله إنه بطل الطبع هذا ، بس أتضايق يوم يجيب لي هدية عطر و يخلصها هو أحس إنه بيضرب عصفورين بحجر واحد ، و أنا مو حكاية بخل و الله كم مرة اشتريت له عطور هدية له ، بس الحكاية في المعنى ( نفسه ) حتى إذا جاب لي عطر هدية ، يجيب لي من الرخيص ، و ياخد لنفسه من الغالي و يجيب لي من الحجم الصغير ، بحجة إني أطفش بسرعة من ريحة العطر و أحب أغيير بس ما دققت بالنقطة هذه و اشكره كل شوي بس أنا أعرف العطور الأصلية و الغير أصلية ،، ---------------------------------------------------------------------- الزبدة : اليوم فتحت العينات بأتعطر بوحدة منهم ، لإنه أي عطر يجيبه لي أحب أتعطرها بس لزوجي بس أي عطر تاني ، بأتعطره للمناسبات ،، عكسه هو ، يوم أجيب له هدية عطر ، يخلصها على أصحابه و طبعا زوجي من زمااااااااااااااان و بالنادر يهدي هدايا ( لإننا في غربة هنا و الظروف شوي صعبة هنا ) لقيت عينة مختفية ، طالعت فيه و قلت له فين راحت ؟ و ما جاء على بالي أي شئ قال لي أخدتها و استخدمتها ، وجهي قلب غصب عني و جيت بأتعطر من العينة التانية ، لقيتها ناقصة ، و هي توها جايتني هدية منه من كم يوم و ما استخدمتها لإني كنت مشغولة مع الجامعة و البحوث ، فما راح أتعطر طبعا في الجامعة من جدددددد غصب عني تضايقت و سكتتت و ما قلت شئ هو لاحظ و قال لي يعني تبخلي على زوجك بعطر ؟؟؟؟؟ خلاص أجيب لك وحدة غيرها سألني ليه تضايقت ؟ قلت له مافي شئ ماني متضايقة ( بس طبعا وجهي على طول يبان عليه ) السؤال : بيعرف هو إيش السبب اللي ضايقني ؟؟؟ لإنه دايم يعملها و أنا ماني عارفة أشرح له ماعرف ؟ أحس يجيب لي الهدية و يخلصها هو ، بجد ماني عارفة أوصف شعوري ؟؟؟؟؟؟؟؟؟ قلت له ، أعضاء المنتدى يمكن يقدروا يوصلوا لك أحسن مني أحد يكسب فيني معروف ، و يشرح لزوجي ، لإنه الصراحة نفسي انسدت عن العطر و ما راح أستخدمه و أصلاً أستخدمته و لا ما استخدمته ، أدري إنه بيخلصها كلها أنا ماني مستخسرة عليه ، بس بعد ما يخلص العطر اللي جابه لي هدية ، يروح يشتري وحدة جديدة لنفسه و يقول لي ، ليه البخل ؟؟؟؟؟ بجد الرجال ، يعرفوا يقلبوا الشئ لمصلحتهم يعني بإختصار ، لو ما جاب لي هدية كان أفضل لي و الله دحين ساكتة ، نفسي مسدودة عن الكلام ، و ما أبغى أكلمه قلت له سيبني شوي مع نفسي |
هلاعيوني روح الطير
ياقمر عسى ربي يسعدك ويوفقك ..تقدري تقولي لزوجك إنك تجيبي لنفسك العطر اللي تحبيه وممكن تخبيه عنه ومايستخدمه أو عاادي خليه يستخدمه وعليه بالعافيه طالما من جيبه ..وبرضو بإسلوبك تقدري تقنعينه بكل اللي إنتي تبغيه الله يسعدك دنيا وآخره |
بأقرب الصورة أكثر :
يعني مثلا جبت لوحدة هدية شوكولاتة فرضا ، و جيت و أكلتها ؟؟؟؟؟؟؟؟؟؟؟؟؟ إيش بيكون احساسها ؟؟؟؟؟؟؟؟؟؟؟ و مو مرة أو 2 ؟ دايما .. و يوم أجيب شئ لنفسي يخلصه و بعد ما تخلص يشتري لنفسه مثلا جبت كريم أو مزيل رائحةة العرق الله يعزكم ، يستخدمه و يخلصه و يجيب لنفسه بعدين وحدة تانية أنا مثلا لو خلصت الشئ مثلا ، أجيب له وحدة بدل عنها ، مو أخلص الشئ و أجيب لنفسي بعدين ؟؟؟؟ أحد يفهمني عشان يفهم زوجي هو موافق يسمع رايكم ، لإنه مو قادر يفهمني ؟؟؟؟؟ و أنا بجد متضايقة ، لإنه مو أول مرة و صرت أكره أي شئ يجيبه لي أولاً و تاني شئ ، صرت أكره اشتري أي عطر أو كريم ، لإنه يتعطر منها و كم مرة أقول له ما أحب الرجال يتعطر بعطر حريم و لا أحب الكريم اللي استخدمه زوجي يستخدمه ، لإنه خاص للحريم و أنا أحب ريحة عطور الرجال أحب يشرح لزوجي ، وو إذا أنا غلطانة أحد يفهمني فين الغلط ؟ |
حياتي يا روعـــــــــــــة ..
أوضح لك أكثر ، تكون مثلا مناسبة ،، مو هدية كذا يعني أنا لمحت له على عيد الحج ، إنه كم مناسبة مرت و ما شفت هدية .. بأسلوب مزح و تريقة ، فهذه جاتني بمناسبة العيد و عشان يبين لي إنه افتكرني في العيد .. و هي بفلوسه و مو بفلوسه يا الغالية ( ماني حابة أدخل و أتفصل بالموضوع هذا .. بس هي بالأخير فلوسي ) بس أنا أخدها إنها بالمعنى ، إنه يكفي افتكرني ، بس يجي يخربها يوم يخلصها طيب ليه جابها من البداية ليا ؟ خلاص يجيبها لنفسه و أنا هذا اللي بأعمله ، بأخبي العطر مو عشان شئ ، لإني أقرف أشم ريحة عطر نسائي في زوجي و كم مرة أقوول له ، بس هو تعود مع أخواته ما أظن أقدر أقنعه بأسلوبي ، من قبل زواجنا الموضوع هذا |
ياقلبي والله فاهمه عليكِ وتصدقي إنك عكسي تماماً
أنا أتمنى إن زوجي يستخدم شئ من عطوري ..أوكريماتي ..بالعكس أنا أعطيه من عطوري خاصة اللي بالتوت أو أي فاكهه لأن مافي فرق في إستخدمها بين الذكور والإناث ..هو بيرفض يقولي لالادي خاصه فيك ِ..ياشيخه لو زوجي يقولي أعطيني عمرك لأعطيه ..بس الله يهديه هو الجفا اللي فيه واللامبالاه تجاهي ..الحمدلله وإنتي حاولي تشرحي له بالتفاهم والكلام الحلو يمكن يقتنع والله يوفقك |
ههههههه:d:dهههههه
مشاركاتك دايم يبين فيها انك وحده عاااقله وحكيمه بعد:22: تجي تخلربيها وتزعلي عشاان عطر :17::14:ههههههههههه محد كامل والله انك عسل ضحكتيني الله يسعدك:) المهم اسمعي صدقيني بعد هذا الزعل صدقيني مابيعيدها ثاني ويجيبلك هديه ويخلصها هو:18::d |
شوفي ياقلبي ..
الأمر مو (صح وخطأ )... لا !!! رمة الموضوع هي طباع وأشياء>>> تزعجني وأنا ما أحبها وبس ....إنت مو مجبورة تقنعين الطرف الآخر ليه ما تحبين الشي هذا إلا في (أمور معينة طبعا) !!! يعني أنا شخصيا ولله الحمد على أني كريمة لكني حقيقة أستاء كثيرا إذا كنا في مناسبة وطلبت أحدهم عطري حتى لوكانت إختي !! هل تعتبر هذه أنا نية>>> لا أتوقع لأني بالأخيير راح أعطيها بس فيه ناس عندهم أهمية لبعض الأمور وما يتقبلون أشياء في بعض الأمور ! أرى أن زوجك (حبيب قلبك) الصح إنه يقدر طبعك .. لكن بأسلوبك الممييز يا روح الطير .. بدون ما تكشرين ولا تزعلين .. غيري مكان عطورك داخل دولابك مثلا من باب كسر الروتين .. واطلبي منه عدم استخدامها لأنك لا ترغبين بشم رائحة النسائي فيه ! واطلبي منه ذلك بنوع من الحزم .. ولن أطلب منك أن تتغيري .. فهذا شأنك وطبعك ... ويكفي أن الواحد يعاني في تغيير ماهو لا بد من تغيره من خلق سئ أو طبع مؤذي مثلا !! وسعي صدرك .. وروقي .. وأهم شئ تكون العطور عجبتك : ) |
استغربت من الموضوع ... كيف لرجل يستخدم عطر امراة؟؟
اعرف ان هناك عطور للرجال ... لماذا لا يشتري عطور خاصة بالرجال فرق كبير جدا بين عطور النساء وعطور الرجال ... بعدين معقول يخلص العطر في اسبوع!!!! عذرا اختي لكن لم استطع ان اخفي تعجبي ... ثانيا ... ربما المشكلة ليست كبيرة وتافهة في نظر البعض ... الا انها طالما تزعجك فيحق لكِ ان تتضايقي ... المفروض يحترم رغبتك في عدم استخدامه للعطر من الممكن ان تقبلي ان يستخدمها في بعض الاوقات ولكن ليس دائما عندنا مثل عندما يحضر احدا شيء للاكل وياكل منه ((جحا جابهم وجحا اكلهم )) وانتِ صاير معك نفس الشيء من ناحية العطر ... يشتري العطر ويتعطر به هو وليس انتِ وفقكِ الله |
اعتقد انه يسوي كذا عن حسن نية
افضل حل اذا جابلك عطر نسائي جيبيله عطر رجالي وافتكي منه |
برضه انا مستغربه هو فيه عطور يونيسكس يعنى للجنسين نفس النوع
لالالا ما تستغربوا انه بيخلصها فى اسبوع اعرف رجاله كده كتيييييييييييييييير جوز اختى وطليقى يطلع كانه زجاجه عطر متحركه ههههههههههه والله لو يسوون اعلانات ودعايه للعطر ماراح يحطون كل هذا الكم خخخخخخخخ عبرى له عن انك مش فاهمه تصرفه يعنى هو بيجيبها وشايفك سايباها اكتر من اسبوع ( مده صلاحيه وبقاء اى عطر عنده قبل ان يزهق روحه على نفسه ) فمتخيل انك مش حاباها او ناسياها او مش محتاجاها وللا هو شايف انكم انتم الاتنين واحد للدرجه دى عادى يعنى انا وانتى واحد كتر محبه قصدى ممكن تقولى له ما تشترى لى عطور الا وانا معاك انزلوا سوا يختار هو عطرك وفاجئيه بقى ......زودى كمان رجالى حلوه اوى عليك عامه الرجال ما بيفهموا بالتلميح لانهم مباشرين زياده عنا احنا الحريم ربنا خلقهم كده عمرك شفتى واحد راجل بيلمح لصاحبه بشى .........لا هو بحطها بوشه وطبعا كراجل هو مش مستوعب زعلك او ان حركته دى ضايقتك كل اللى فى باله الحين اجيب لها هديه وتزعل؟؟؟؟؟؟؟!!!!!!!!! هو متخيل انك هتقولى له بوشه ايه اللى ضايقك وعمره ما هيفهم لوحده اكتر شى يملا القلب ويوسع الزعل اننا كازواج وزوجات بنعتبر الطرف التانى مايند ريدر - قارىء افكار وده غلط ارجو اكون وصلت لك وجهة نظرى |
| الساعة الآن 08:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©