|
قررت اسافر لاهلي لهذا السبب ما رأيكم؟؟؟؟
السلام عليكم ورحمه الله وبركاته
إسمحولي ابدخل بالموضوع ع طول لأني متضايقه مشكلتي بإختصار ابو ريان (طبعا هذا زوجي)يفكر ينقل من الدوام او بالأصح من المدينه كلها لأمور معينه ومكلم ناس يتوسطون ومن هذا الموضوع ونفسيته متأزمه شوي إلا طالعه زفت ومدري لو ما حصل نقل وش بيسوي وانا إلي ما كلتها يعني ع اتفه شي يعصب ويهاوش وانا لازم اكون الغلطانه ألي ما اعرف اتعامل معه1 وانا طبعا غبيه اداريه واسكت وامشي الامور واشوف الرجال صار يتمادى يعني طاعه عمياء وداريني ولا تلوميني وإلا بعصب واهاوش مع التلفظ بالفاظ جميله واخر شي اليوم كنت رايحه لاخوي ودق يبغاني اطلع قلت له اصبر اشوي بغير للبنت واطلع وكسر جوالي وقامت قيامته وهواش طول الطريق وانتي سافهتني وما تردين ع الجوال قلت اغير للبنت وشلون ارد يوم وصلنا البيت وهو يهاوش طبعا انا خلاص وصلت معي وتهاوشت معه وصياح وحاله وقلت اذا مانتب مرتاح معي طلقني اروح لاهلي احسن من هالعيشه معك قال بلا كلام فاضي قلت قلي وشسويتلك انت وشتبي بضبط انا مقصره معك في شي قال تسفهيني وما تهتمين فيني قلت عطني شي مقصره فيه طبعا سكت (طبعاانا ماأقول أني كامله لكن احاول القيام بحقوقه بقدر إستطاعتي فأنا عندي طفلين وراء بعض ولاعندي خادمه)بس الظاهر هذي الحبابه الزايده وما تسوي انا ماادري لو ما حصله نقل وش بيصير لي معه يعني بعيش طول حياتي كذا معه طبعا انا قررت اسافر بكره مع اخوي لاهلي لان اهلي في منطقه ثانيه حتى لو رفض ع اساس إني زعلانه وبغاه يطلقني وقعد عند اهلي اسبوع اسبوعين علشان يعرف قيمتي ويحسن اخلاقه معي لانه يحب عياله و مستحيل يتخلى معهم وش رايكم |
ما أعرف إيش أقول لك ؟؟؟؟
الرجال هذولا كائنات عجيبة ، ما تفهمي لهم ؟؟؟؟؟؟؟؟؟؟؟ نفسي أجيب حفرة كبيرة ،، و أعمل مثل هتلر و أرميهم فيه :D أرمي فيها ، بس اللي يزعل زوجته :22: ------------------------------ يا أختي ،، الوحدة وقت الزعل تفكر بأمور ( جنونية ) ، هدي شووي و ريحي بالك شوي .. و لو تبغي تزوري أهلك ، عشان تبعدوا شوي عن بعض و تشتاقوا لبعض أكثر ،، فقولي له محتاجة أشوف أهلي كم يوم .. أحيانا الوحدة من كثر ما تكون مقابلة زوجها ، وجهها بوجهه ،، تبدأ المشاحنات و المخاصمات .. مثل توم و جيري .. :) مثل ما حصل اليوم معاي .. :D عشان كذا حاسة بك ، بس أهلي بعيدين .. http://www.66n.com/forums/images/icons/cry3.gif |
عزيزتي انا من رايي تتفاهموا افضل واذا لابد من هدنة ووقت مستقطع روحي لاهلك وهو راضي وانتي راضية
يعني تفهميه انها فترة نقاهه وراحه للطرفين وعلشان التوتر يزول بينكم ما افضل انك تعوديه على كل مشكله تروحي لاهلك لأنه كذا ماراح يعمل حساب لروحتك زعلانه عند اهلك في النهايه ح تزعلي وترجعي من نفسك هذي نصيحتي لك والله يهدي زوجك |
قري في بيتك حبيبتي
لان عمر ما كان البعد والهروووب حل للمشااااااااااكل اذا جا يراضيكي قولي له حبيبي ادري انك شايل هم وبالك مشغول وانا مقدرة وصابره بس كل الناس عندها همووومها والارزاق بيد الله والله ما احد يقدر يقطع لك رزق ابدا فهونها ولا تظلمني عشان ربي يسهلك امورك ويوفقك .. وكم كلمه حلوه .. وصدقيني هالكلمات اذا طلعت من قلب وبصدق راح يكون لها مفعول السحر .. ت ح ي ا ت ي.. |
اخاف ارد ازيد الطين بله
ولكن انا مع روج الطير اذا حابه مساعده لهيك نوع من الرجااااااااااااال |
انا من رأيي مثل ما قالوا ,, تتراضون وتتفاهمون وتشرحين انك محتاجة وقت عند اهلك لأنك ضغطت كثير على نفسك بالأيام اللي راحت ,,
موفقة |
اقتباس:
الله يجزاك الف خير اشكرك ع مرورك وهالدنيا دنيا العجايب هذي نفسياتهم وهم شباب اجل إذا شيبوا وش بيسون فينا الله المستعان |
اقتباس:
انا مش في كل مشكله اروح الأهلي لان اهلي بعيدين عني وبغا اروح هالمره علشان يصير يحسب لي حساب مش ع كل شي مدت لسان بعدين حنا نراضي اشكرك ع مرورك |
اقتباس:
هذا الكلام قلته له ولا مليون مره ويكون رده لا تلوميني ياسلام وبعدين الله يعين قلوبنا يوم أنك في بيت اهلك معززه مكرمه ثم تروحين لواحد يحاسبك ع الحرف شاكره مرورك |
اقتباس:
وجزاك الله خيرا |
| الساعة الآن 08:21 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©