|
متزوجة من 7 شهور وأكتشفت أن زوجي يتحدث مع بنات ((حُلت ولله الحمد ))
السلام عليكم ورحمه الله وبركاته..
آنا متزوجه من 7 شهور والحمدلله زوجي ليس مقصر معي بشي وانا الله العالم لم اقصر معاه بشي لكن؟؟؟؟:( اكتشفت ان عنده جــوال وبنات في النت ويقابلهم في الاسواق طيب لـــيش...؟ ايش سويت لــه...؟ حالتي النفسيه تعبت جدآآ.. وكم مــره أقول له انا مضايقتك؟ مقصره معـــاك؟ شي غلط فيني؟ يرد ويحلف ويقول لا .. طيب ايش اللي خلاه يفتح خط ويكلم البنات؟ عنـــدك آخوات عندك زوجه اتق الله فيهم وكما تدين تدان ولكني ماقلت له انني عرفت ..؟ شفت الجوال فالسياره وكروت شحن شاسوي اكتم واموووووت من القهر .. وانا حـــامل نفسيتي تعبانه تعبانه .. ومسوي نفسه الرجل المستقيم العاقل وميحب حركات الشباب والبنات والترقيم.. انا هنا يجن جنوني اذا يتكلم جذي.. خــاطري اصارخ واتكلم لكن؟؟؟؟ الــواحد يعمل بطيب اصله وبااخلاقه وبالصبر لكن صدقوني مااستحمل مااستحمل مااستحمل... ماابي مشاكل ماابي طلاق ماابي شي.. هو مفكر اني مغفله مااعرف شي وانا صدقوني اعرف جميع تحركاته الله يبصرني لهذا الشي بالصدفه .. مالحــــــــــــــــــــــــــــــــــــــــــــــ ـــــــــــــــــــــل الحــــــــــــــــــــــــــــــــــــــــــل ماهو اواجهه...؟ انقهر وتحترق اعصابي واسكت..؟؟؟ ارجوكم يااهل النصح والارشاد ساعدوني ......:( |
مرحبا بك خيتي
لي عودة حبيبة قلبي خل اروق :) |
ارجــــــوكــــي...:(
|
حبيبة قلبي
شوفي هالروابط كلها مشاكل عن خيانات الزوج .. اتمنى تقرأيها وتشوفين الحلول والكلام لانه خيانة الزوج وادمانه للكلام مع الفتيات والمغازل والاباحيات منتشر كثير والعياذ بالله http://www.66n.com/forums/showthread.php?t=198288 http://www.66n.com/forums/showthread.php?t=198256 http://www.66n.com/forums/showthread.php?t=197622 http://www.66n.com/forums/showthread.php?t=197243 http://www.66n.com/forums/showthread.php?t=198025 لا تنصدمي اختي هذه بس بعضها .. والمنتدى مليء بالاكثر للأسف ! نصيحتي لك لا تواجهيه بما وجدتي فسيتهمك بالتلصص والتجسس حتى يبعد عن المشكله الاساسية ، هذا اولا ثانيا .. حاصريه بحبك .. غيري روتين اتصالاتك وسؤالاتك (مثلا لو متعودة تكلمينه الساعة 8 الصبح والساعة 7 المساء .. غيري الروتين .. وفاجئيه باتصالات بأوقات ما يتوقعها منك) ارسلي له مسجات حب وشوق (معظم الخيانات تكون بسبب رغبة الرجل بالشعور بأنه "سيد المشاعر" بلا منازع) احكي له قصه وهمية عن زوج صديقتك اللي اكتشفت خيانته بعد عشرة عمر طويلة وصدمتها فيه (وذكريه من خلال هالقصة بعقاب الله سبحانه للخائن والزاني وكيف انه الدنيا تدور ) واخيرا... تقربي من الله اكثر واكثر ادعي له بالهداية وصلاح القلب استغفري كثيرا .. وباذن الله سيعود لبيته ولك وتسعدي بقربه صدقيني نزوة وتعدي :) هو بس يبي يحس انه مثل خوياه للحين عنده بنات وحركات ! الله يهديه يا رب |
مشكـــــوره اختي فديتج
وربي ان مافي كلام حلووو الا قلته له حتى هو يحب كلامي.. ولامسج حب الا ودزيته له .. يقوم صباح الخير يرقد تصبح ع خير وبوسه ع راسه.. ودايما اقووول له قصص مثل ماقلتي ولاعاجبه الزوج اللي يخون زوجته.. هذا اللي ذابحني :( اختي انا مااستحمل يعني ممكن في لحضه تنفجر القنبله :) <<<< متاثره بالاكشن صدقيني تعبت.. طيب تصدقين انا شفت الجوال عنده فالسياره هو كان محد يستخدمه فقلت له وين الجوال ع نياتي لان ابي استخدمه قالي ماادري ماشفته وبحثت عنه مره ثانيه قلت يمكن نزله م السياره ماله اثر انا هنا قلت بس فتحله خط ومستخدمه وفعلا طلع كذلك وعرفت رقمه .. بالحيله..:25: وقلت له تذكرت مره شفته عندك بالسياره وانكر وقلبه يدق قال متى شفتيه ووين كثر الاسئله قال لالا موب عندي.. يعني كذبه عيني عينك يعني مااواجهه اكتم واتالم ... |
دامه انكر حبيبة قلبي خلاص اتركيه
هو عرف انك عارفة ورح يحاول يخفي اكثر واكثر لكن بين كل فترة والثانية علقي تعليق يبين معرفتك بما يدور حولك بدون المصارحة وان شاء الله يرجع عن تصرفاته |
آختي بالعكس ماانصدمت من المشاكل اللي وضعتيهاا لان جميعها موجوده في زوجي
واكثر من كذا شفتي شلون انا صبوره.. طيب قوليلي حبيبتي شلون ابين له اني عارفه انا قلت له اني ابي اروح بيت اهلي كذا يوم لاني مضايقه وابي اغير جو خاف ورفض وزعل قال شفتي من شي سويت شي مسوي نفسه البريئ تعبني تعبني .. انا ادري ان عنده بنات فجواله بس بالبلاك بيري (( المصيبه الكبرى هذا الجوال)).. بس توصل لدرجه انوه يفتح جوال ويكلمهم.. طيب متزوج ليش تعبني معاك؟؟؟ انا انوي اني اوجهه وبقوله يعطيني مفتاح السياره واطلع الجوال...؟؟ اســـــويها...؟ هو اخرتها يااختي العزيزه بيمل لان الباطل كان زهوقا..بس صدقيني لو ماعرفت انوه فاتحه هالجوال كان شوي هانت علي بس البنات الحين تلاقينهم بسهوله.. وانا اخاف عليه لانه بسرعه ينضحك عليه ويكسرون خاطره ... :( |
موضــــوعي مــــــوب مهم ؛-(
|
مهم موضوعك حبيبة قلبي
لكن استوقفتني هذه الجملة منك وابتسمت غصب عني اقتباس:
اللي يختار يكون خاروف بيكون خاروف وهو متشقق من الوناسه ! واللي اخلاقه تمنعه ويبي السنع ما في مغريات بالدنيا تقدر تعدله يا حبيبتي ابيك تتخيلين معي السيناريو لو واجهتيه بالجوال 1- رح يرتبك ويحلف لك كذب انه الجوال مو له لصديقه ! 2- رح يقلب السالفة عليك ويقول انتي ما تثقين فيني؟ انتي تتجسسين ؟ انتي تتلصصين ؟ خلاص انا مابيك !! 3- رح يطلع جوال ثاني برضه ويخبيه بمكان افضل لا يمكن توصلين له ! 4- رح يبتعد عنك لانك بتكونين بنظره (نكدية وحنانه وشكاكه) كل هذا وهو غلطان للعلم :) هم كذا سبحان الله ! 5- رح تفتر العلاقة بينكم ورح ينكسر لانه انفضح قدامك اما اذا طنشتي وعاملتيه بحب واحتواء اكبر 1- رح يرجعه شعوره بالذنب عليك 2- رح يحس بمدى الظلم اللي ظالمك اياه ويخفف من مغازلاته 3- رح يستنزفون وقته وماله وجهده هالبنات ويمل منهم عاجلا ام آجلا 4- الافضل دائما ان يكون رادعنا هو تأنيب ضميرنا الذاتي حتى تكون التوبه نصوح .. اعطيه هالمجال يا اختي اكلمك عن واقع تجربة وعن واقع قصص عايشتها كثيييير بهالدنيا وصدقيني المواجهة ما رح تسوي شي والقنابل ما رح تدوي إلا بقلبك خلك أعقل واهتمي بنفسك وببيتك وبزوجك وعيالك باذن الله القادمين ومسير كل طير يرجع لعشه :) |
اقتباس:
:22: :22: هذا الكلاام يسلم بؤك :22: :22: |
| الساعة الآن 01:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©