|
من جمعت بين الطلاق وكونها عقيم
السلام عليكم ورحمة الله وبركاته
أحب أذكركم قبل لاابدا بموضوعي أن الأيام دول وكلنا لبعض والناس للناس <<<شحذ عزيمه وردود :11: أخواتي من منكن جمعت بين الأثنين أسئلتي لن يجيب عليهاإلا من عانى وجمع بين مرين ( مر علقم وسائغ محزونا ) عندما جاء اخي ليتوسط بيني وبين طليقي أو طلبت منه ذلك قال بالفم المليان والله مااطلب منه يفتح لك بيت ويصرف عليك مجبور اذا يبيك يجي ولا ماراح نجبره بالله اي ظلم هذا على فكره الله يبيح اخوي على كلمته ويحلله دنيا واخره وابدا ماشلت عليه مر على هالكلام سنتين وزياده بس اللي قاهرني ان هذي نظرة الكثير وقبل لااتطلق كانوا يقولوا نفس الكلام بالتلميح والنصح لزوجي سابقا ليش علشاني عقيم ماانجب ماذنبي أن خلقت هكذا ماذنبي هل بيدي شيئا يعني لو معي عيال كانوا توسطوا وقالوا له تعال خذ عيالك وزوجتك اما الحين فمالنا دخل واذا حاب يرجعك والا مو مجبور العشره اللي بينا القرابه الشرع كل هذا وينه حسبي الله ونعم الوكيل والحين كل شوي اسمع كلام من اللي حولي اجمعي دراهمك وابني لك بيت هالبيت مين بيسكن فيه ابوي قال لي هالكلام بالله ياناس مين بيصدق هالكلام بيتنا كبير وبالاخير اسمع مثل هالكلام حتى لو بنيت بيت ولا اشتريت بيت بالله وش اسوي فيه لاعيال ولازوج كيف بيفكروا هالعالم لاحول ولاقوة إلا بالله اللي حست بمعاناتي تقترح علي وش اسوي ولا كيف تشوف هالمآسي اللي اشوفها ترى مروقه وانا اكتب بس محتاجه دعم تفكير وافكار |
اختي آن الأوان اسعدك الله واعطاك مبتغاك
انتي لاتقنطي من رحمة الله تزوجي لاتتوقفي على تجربتك يمكن الله يرزقك بالذريه كثير ماخلفوا من اول زواج وبالثاني ربي رزقهم اجعلي الامل منبع حياتك واحمدي ربك ان عندك امكانيه ان تبني بيت افضل من ان تكوني عاجزه دمتي متفائله |
ليلة مطر
شكرا لردك بس حبيت اقولك ن عقمي اكد عليه الاطباء ومافيه امل على قولتهم لكني متفائله بالله بس اعتبر الانجاب معجزه ان حصل بالنسبه للامكانيه لبناء بيت موب ذاك الزود بس عندي مشكله احسهم يبوني افكر ببناء بيت واجمعي من هالكلام وكانهم يبون الفكه |
الله يفرج همك اختي ... كلمة اخوك ما اشوفها سيئه بالعكس هو ما يبي يذل نفسه ويترجاه لأنك غاليه عليه اكيد ولا يبيك تنذلين... حبيتي مو نهاية العالم ان زوجك تركك هو يبي اطفال وبيدور على مصلحته انتي خلاص لا تلتفتين للماضي وإلا له استغفري ربك كثير واشغلي نفسك بدراسه والا بعمل خليكي امرأه ناجحه لا تحطمك الظروف. وليش ما تبنين بيت؟ صادقين اهلك؟ تحسبين كل من بنت بيت سكنت زوجها والا عيالها؟ بالعكس اشوفها فكره حلوه تأمنين مستقبلك لو حدتك الظروف أو تأجرينه وتستفيدين منه كدخل خاص فيك بتعبك بلا منه ولا أذى والمنه حبيبتي ترا من الكل حتى لو قريب ممكن زوج اخ اخت وصدقيني حتى من الولد .... ما تدرين ممكن طلاقك خيره حتى يجيك زوج آخر أرمل بأطفال تربينهم كأطفال لك وينفعونك أكثر من لو كانوا اطفالك أو يمكن يجيك عقيم تعيشين انتي وياه بسعاده و هناء؟ فرج الله همك وهمي ونصرني واياك والمسلمين اجمعين |
طيب عادي يا اختي انتي عشانك تحسين انك ثقيله عليهم تفسرين كلامهم غلط؟ طيب انا قبل اتزوج اخوي يقول جمعي فلوسك اشغلها لك؟ يبي الفكه يعني؟ لا بس يبي مصلحتي؟ بعد الزواج يقولون لي توظفي وأمني مستقبلك؟ هل يحسبون زوجي مقصر بشي؟ لا بس تهمهم مصلحتي وهالكلام امي واخواتي و ابوي كلهم يقولونه ترا والله طبيعي لا تصيرين حساسه لهالدرجه ترا تأمين المستقبل مهم حتى لو الوحده ما عندها اطفال او زوج . |
الله يفرج همك ويرزقك الزوج الصالح والانجاب وتأكدي أن قدرة الله فوق كل شئ رزق زكريا عليه السلام وهو عمره 100سنةوهوعقيم وزوجته عمرها 90سنة
توكلي علي الله واكثري من الدعاء |
groohonly
شكرا على الرد كل امر المؤمن خير لكن نظرة الناس للعقيم تقهر حتى اللي بيتقدمون لي ناس كبار يعني بركه انهم كفوي وبعد معبريني استغفر الله والله مو استعلاء بس االكثير اللي يتقدمون لي بهالشاكله وبالنسبه للبيت ان راتبي مو مغطي حاليا حتى لوتطلعنا لفكرتك تاجير واستفيد احنا بمنطقه محدوده اهليه يعني لااجار ولاحاجه |
اقتباس:
جزاك الله خير سحابة الصحراء تصدقي احيان افكر بضرب الامثال للصبر والاقي نفسي تنقاد لكثير من التساؤل مثل ان الانبياء والاقوام السابقه كانت اعمارهم بالمئات واحنا بالسبعينات يعني عمر 100 مثل 25 عندنا والله العالم وعقم الانبياء والصالحين غير فالله يبتليهم فبمجرد دعوه منهم تستجاب دعوتهم وليس ذلك اعتراض او استعجال للدعاء بل هو اعتراف بالذنب والتقصير الله المستعان فاين نحن منهم |
اصبري اختي حتى تلاقي ثمرة صبرك ... من يناسبك ربما يبحث عنك الآن ليش حكمتي وقلتي كل اللي بيجوني بهالشاكله؟
بالنسبه لي اعتبر الوظيفه والمال والعلم جزء من السعاده اتمنى احصل عليهم كلهم .. لا تفكرين باللي ناقصك حبيبتي فكري بنفسك ارضي بالواقع وطنشي العالم صدقيني حتى أنا ما سلمت منهم. بس صدقيني افضل شي انك تبيني مو مهتمه بأي شي يقولونه و بيني لهم انك واثقه وراضيه باللي ربي كتبه لك تفائلي اختي وان شاء الله ربي يفرج لك ويفرج لي ولأخواتي والمسلمين اجمعين. |
الله يفرج همك ياااااارب حاسة فيكي
حبيبتي انا ماادري كيف دخلك لكن انا كمان اشوف انه افضل تجمعي فلوسك وتشتريلك بيت مو شرط تسكني فيه لكن تامين للمستقبل واصبري وربي بيفرج همك لازمييييي الدعااااااء والاستغفار وربي ييسرلك امرك يارب |
| الساعة الآن 09:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©