|
هل زوجي يخوني ياعالم ؟؟!!
السلام عليكم ورحمة الله وبركاته .....
أخواني وأخواتي أعضاء المنتدى أنا جديدة بهالمنتدى وماسجلت فيه إلا عشان أطرح عليكم مشكلتي لعلي أجد إجابات تطفىء حيرتي .. انا متزوجه من سنة وبضعة أشهر وزواجي لم يكن تقليديا ..كان زوجي يبيني ويحبني فخطبني ثلاث سنوات وانتظرته وتزوجنا .. وأنا أحببت زوجي بعد الزواج حب كبير لأن زوجي طيب معي وحنون هذا الي أحسه وأشوفه والآن أنا حامل منه << دعواتكم لي بأن يتمم لي ربي هذا الحمل . المهم من ثلاثة أشهر تقريبا رأيت رسالة مرسلة في جوال زوجي كاتب فيها ((يقولك فلان لاتتصلين هوه بيدق عليك )) أنا ناقشته وبكيت فأقسم لي أن هذي الرسالة ماتخصه وأنا تخص ولد عمه .. انا صدقته ونسيت هذاك الموضوع تماما لأني أثق في حبه لي . في هذي الفتره أنا أروح مع زوجي لشقه واقعد معاه فتره واروح وارجع معاه بعد فتره ...بسبب ظروف المهم إني لمن رجعت ) لقيت برقع تحت خداديات الكنب وسألته قال مايدري وماكان مهتم قلت يمكن من الناس الي قبلنا مع اني المره الي فاتت ماشفته بس قلت يمكن .. وقمت ارتب الشقه وقمت القط الزباله واقط العصاير شفت علبه عصير طابع فيها روج ؟؟؟!! رحت واجهته وقام يحلف ويقسم أنه مايخوني وأنه ماكان بالشقه وانه كان برحله مع أخوياه وقالي هذي العبارة (((ليش اروح للحرام واقابل بنات ..... وعندي الحلال ))) وقال ان ولد عمه كان بالشقه ... والله ماادري ايش الصدق والله اني في حيره مايعلم فيها إلا ربي ودي يخوني ع الجوال ولا أنه يقابل ويعاشر غيري . وقالي شي ثاني قالي كلها أشهر وتجيني بنت كيف اقابل بنات الناس وانا بتجيني بنت (من دق باب الناس دقوا الناس بابه .. والله لو اني اشوف فيه مقومات الرجل المغازل ولا الجذاب كان ايقنت انه مال هالسوالف بس ماادري:confused: |
مانقدر ندخل في النوايا يا اختي انتي من تستطيعين الحكم عليه من خلال معرفتك به وبأخلاقه يعني هل هو يحافظ على الصلوات مع الجماعة وهل هو يحرص على تجنب المحرمات مثل النظر الى النساء في القنوات الفضائية و سماع الاغاني و التدخين وغيرها من تصرفات تجعلك تعرفين زوجك اذا كان قابل لمثل هذه الامور ام لا |
برأيي اختي لا تعورين راسج وتدخلين في الشكوك والظن وانتي مب متأكدة 100% من خيانته لج يمكن ولد عمه تصرفاته خاطئة وزوجج ماله ذنب .. لا تحنين على راسه حبيبتي بعدين يعافج ويمل بيني له دوم انج واثقه فيه .. واطردي الشيطان و وساوسه.. الله يتمم حملج على خير .. ويحفظج ويسعدج ويعد عنكم كل هم .. واكثري من الدعاء عزيزتي .. اختك --- لمني بشوق |
السلام عليكم
اختي كيف هي التزام زوجك؟؟ وكيف ارتباطه بالله فلو كان ملتزم ومعروف ومشهور بدينه أولا و خلقه بعد هذا فالراجح انه صادق لكن لو كان لا يصلي أو غير ملتزم ومشهور بقلة التزامة فهناك إحتمال لكن في الغالب التصديق أسلم والاصل في المسلم الصدق إلا لو كان تارك صلاة ولديه أصدقاء سوء فأنت من تحكمي |
اذا كانت الشقه شقتكم ملك لكم او اجار لمده طويله ، فمن ابسط حقوقك انك تطالبين زوجك وتقولين بليز ما ابي اي شخص يدخل شقتي بدون علمي وبأذني، وخصوصاً ولد عمك، انا ما ارضى ادخل في مكان او اسكن بمكان يكون نجس با المحرمات.
من ابسط حقوقك اختي. بس اهم شي لا تظلمين زوجك ولا تقولين فيه شي الا انتي متأكده 100% من ناحية الخيانه، وياليت تحاولين تبعدينه من ولد عمه. رفقاء السوء الله يكفينا شرهم. الله يوفقنا ويوفقك. |
اختي ادحري الشيطان و لا تخليه يخرب لك حياتك .. تقربي الي الله اكثر وادعي بان الله يسعدك مع زوجك .. يعدين يا جماعه مو شرط ان من يترك الصلاه ان يكون ذو اخلاق سيئه .. في ناس ما تصلي لكن اخلاقياته ممتازه .. و مو شرط كل من يصلي تكون اخلاقه طيبه .. يا ما ناس تشوفه كل فريضه في المسجد لكنه يخون زوجته .. |
هلا اختي الغاليه حاسه فيج والله ..ولاتظلمينيه تآكدي اولا .. وانشاءالله مايكون فيه شي
بس تاكدي بالحيله .. فهمتي شلووون...... لان مر علي نفسك يقول انتي حلالي كيف انظر للحرام.. وصدقته بس للحين شكي انووه عنده جوال ويكلم بنات وتاكدت وشفت بعيني بعدين قلت له ومع ذلك نكر بس اعترف وقال والله ماسويت شي وهذا مو رقمي شايفني هبله ولاايش :( المهم اختي لايذبحك الشك وانتي حامل وانا حامل تعبت صرت مااكل نحل جسمي ولااستفدت شي.. عليك بقراءه صوره الانسان وادعي ان الله يبين لك الحقيقه عشان ترتاحي وانشاءالله مافيه الا الخير.. |
اقتباس:
لكن من لا يصلي يخون الله وهو على اصح الأقوال كافر لو تركها جحود و استهزاء ولو تركها تكاسلا (يعني يصلي فرض و فرض لأ و يقضيه بعدها) فهذا في خلاف على إسلامة فهناك من كفرة (وهو القول الراجح) وهناك من قال انه فاسق و مرتكب كبيرة من أكبر الكبائر فينصح ويستتاب وإلا فهو كافر مرتد ولا يخفى عليك احكام المرتد فلا تحكمي بعاطفتك اختي الكريمة وفعلا هناك عينات سيئة للمصلين لكن على الأقل هو مسلم!!!!! يمكن أن يعود و ينصلح حالة بشكل أقرب ممن لا يصلي خاصة لو كان معاند |
سلمت أياديكم جميعا والله اثلجتوا صدري بكلامكم الله يفرج عنكم زي مافرجتوا عني
|
هلا بك اختي بيننا
انا مع رأي اخوي تركي العالمي وصدقيني يااختي انها من وساوس الشيطان ونصيحه لازمي قرأة سورة البقره واكثري من الاستغفار بنية الهدايه وحفظ زوجك من الحرام والشك هو بداية انهيار الحياه الزوجيه انتبهي لزوجك وبيتك دمتي واثقه |
| الساعة الآن 12:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©