|
أبي يدعي علي بالموت
السلام عليكم ورحمة الله وبركاتكم
أنا بنت عمري 23 سنة ذكرت في السابق مشكلة والدي إنه عصبي جدا جدا جدا لا يطاق أبدا:( محد يحبه ..لا يصلي ودايما يتعارك مع الناس بخيل على أهله .. ويذلنا ذل .. هذي صفاته باختصار.. تخيلوا اليوم تعبت شوية.. أمي قالت لي قولي لأبوكي يوديك المستشفى قلت لها لا إنتي قولي له.. وأنا أصلا قلت لأخوية قال قولي لأاحد ثاني أنا مواعد أصدقائي.. المهم أمي تناديني وتقولي يا بحر السكوون تعالي أبوكي بيوديك المستشفى ... أنا قلت أوكي.. وأنا لبست عباتي وقلت يللا أترياه .. يوم جلست بالصالة أسمعه مرة وحدة يصاااارخ بأعلى صووته ويقووول ما في أحد غيييري .. دخلت الغرفة قلت له بابا خلاص ما بروح مو لازم :rolleyes: قااال لااااا وتم يصااارخ بأعلى صوته:19: وأناى قلت خلااااااااااااااااص ما بروووووووووووح وفصحت عباتي وقاااال يلاااا قلت لااااا قااال يعلك تموتيييييييييييييين وتم يسبني ويتحرطم ومن هالكلاااام وأنا هني ما قدرت أسيطر على نفسي لأنه كاان يصااارخ بأعلى صوووته ويسبني ويقولي (يعلك تموتييييييييييييييييييييييييين):mad: وبدون إحساس أنا قلت له يعلك إنت تمووووووووووووووووت ): روووح صل وعدل أخلاقك لا أسلووووب مع عيالك ولا النااااااااس وبكييييييييييييييييييييييييت بكيييييييت وطلع من البيت وتحسفت على إني قلت له كذا .. بس والله ما اتحملت الموقف أبدااا ومسكينة أمي كانت تقرأ قرآآن والدمعة في عينها.. أنا مرييييييييضة وأبوي يدعي علي.. أففف والله تعبت من هالجفاء من أهلي تعبت ..وأنا حساسة وهاادية ومالي أي كلمة .. يمكن أعتبرها فضفضة .. همســـة : يا أبهااات يا أمهاات راعوا أبنائكم وبناتكم ..وحسنوا معاملتكم معاهم ..عطوهم حنان وحب.. هالشيىء مأثر فيني كثييير أ،ا صرت إنسانة إنطوائية جبانة أخاف من الناس..أحب أجلس لوحدي.. والله لو إني ما أعرف ربي كان من زمان إنحرفت .. بس الحمدالله ربي موجود وإيماني بالله كبييييير.. |
ياقلبي عليك ... بس معليش حبيبتي كلنا أبهاتنا يعصبون.. ولازم نتحملهم نصيحة لا تتصادمين معه أبد أبد .. بالعربي خليك سلبيه وقت مايقول امشي ..يعني أمشي إجلسي .. إجلسي لأنه أبوك رضاه مطلوب وأنت ماشاء الله باين من كلامك إنك عقلك كبير ماشاء الله .. إذا هو ما يتحكم بإنفعالاته .. ويقول كلام مش لايق مو لازم تصيرين مثله مهما كان لازم نتأدب معهم صح يا بحرالسكون ( ماودي أعاتبك لأنك تقولين تندمت بس بإذن الله المرات الجايه وجعلها ماتتكرر إضبطي نفسك حبتين زيادة ) وإن شاء الله ربي يعوضك خير ماتدرين من وين الله يفرجها عليك يارب |
اختي الفاضله انتي تعرفين طبع ابوك عصبي فهذا طبعه لا تزعلي منه كل ما عليك الطاعه والاحترام لامك وابوك مهما فعلوا فتخيلي حياتك بدونهم اين تعيشين واين تسكنين ومن يصرف عليك وانا متاكده ان ابوك قد تندم على هذه الكلمه التي قالها لك فاكثر الناس العصبيين يندمون على افعالهم وكلامهم ادعي من الله عز وجل ان يعطيك الصحه والعافيه وان يرزقك بالزوج الصالح عاجلا غير اجل وان يبرد قلبك
|
سلامتك حبيبتي من الإنحراف ، انت ست البنات ، استغفري ربك ولا يجي هالكلام في بالك ابدا، ومثل ما قالتلك الأخت / الوان ، كلنا اباءنا يعصبو علينا ، لكن هذا ما يمنع انهم يحبونا بطريقتهم الخاصة :)
وتصيري انطوائية وجبانة ، ليش يا قلبي ... ابوكي عصبي .. فهمت ، عندك مشكلة انه يكون قدوة ؟؟ معلش حبيبتي ، ما في حد منا ملاك ، لكن الأب والأم مع كل اخطاءهم بنحترمهم وبنحبهم ، حتى ربنا سبحانه قال في كتابه الكريم (وإن جاهداك على أن تشرك بي ما ليس لك به علم فلا تطعهما وصاحبهما في الدنيا معروفا) ، يعني حتى لو كان مشركين ويريدون لأبنهم ان يشرك بالله .. مع ذلك وصانا الله ان نعاملهم بالحسنى والمعروف والاحترام. انت محتاجة تفضفضي وتحكي ، كل اللي في بالك تعالي وقوليه بدون خجل ولا خوف ، (وان شاء الله) بتلاقي في المنتدى اخوات وامهات يدردشو معك ويتبادلو معاكي خبراتهم. ابتسمي للدنيا تبتسم لك :) |
ابوك دعى عليك بالموت وانتي ما قصرتي دعيتي عليه بنفس دعوته وزودتيها بعد... هذا ابوك المفروض تحترمينه حتى لو كان جاف معاك ودعى هالدعوه... لو وقتها قلتي لا تدعي علي لكان أفضل... مالك إلا قيام اللليل والدعاء لوالدك بالهداية الله يهديه ويهديك ويحنن قلبه عليكم اللهم آمين. |
ربنا يهديه ويصلح شأنه ويسخره لكم يارب
|
شوفي يا بحر السكون طالما أبوكي هدا طبعه فأنتو المفروض ما تعصبوا بالعكس
انتو عشتوا معه عمر كامل المفروض تكوني تعودتيه على اخلاقه يعني الوضع الطبيعي لأمثال والدك انه يكونوا معصبين و كارهين الناس و الوضع الاستثنائي ان يكونوا رايقين و لذلك انتي و أمك و اخوتك لازم تتعاملوا معه بطريقة التطنيش و لا كأنه صار شي شفتيه معصب انتظري - بكل برود - حتى يسكت و يقرر هل يريد الذهاب او لا و بعدها تصرفي و إياك انك تتطاولي معه بالاجوبة لأنه يمكن يحفظها لك و يحكيها لأطفالك و يمكن اطفالك مع الوقت يشوفوا انكم مو محترمين والدك و يقل احترامهم لك و لوالدهم (مستقبلاً لما تتزوجي ان شاء الله) مالك إلا الصبر الآن و لا تنسي ان الجنة جزاء الصابرين يا أختي الصبر على البلاء كيف اذا البلاد هو أحد أبويكِ اصبري و اصبري و صدقيني الفرج قريب بإذن الله ادعي رب العالمين يحنن قلبه عليكي و على امك مسكينة أمك شو تعمل ؟؟ علقت معه العمر كله الله يعينها و يهدي أبوك و يصلحه قولي آمين |
اقتباس:
أبوه كافر ، و يصنع الأصنام اقتباس:
أختي أبوك ما يصلي ، قولي الحمد لله إنه ربي رزقك الهداية ،، أدعيله و الله ثم و الله ،، أبغى أبوي يرجع للدنيا و خليه يدعي علي كل ثانية الجنة مو رخيصة ، و ما نكسبها و ننالها إلا إذا تحملنا |
أنا فعلا حسيت بالذنب من الكلام اللي قلته له..:(
وإن شاء الله ما أكررها): كل ما سكتنا يتطاول فينا ويزيدها ومع هذا نطنش): هو أبدا ما يهدأ يكوون طول الطريق اللي بيوصلني فيه يصرخ ويسب .. وعلى الفلووس وعلى أتفه شي يصرخ ويكسر كل شي قدامه .. يعني أبدا ما يحب التفاهم ..ولما نقوله يقول هذي طبيعتي أنا.. بس اليوم اللي صار كان يمكن لأني مريضة والمريض يحتاج للراحة والعطف من اللي حوله وأنا لاقيت العكس ولقيته يدعي علي بالموت فأنا انصدمت و ما تحملت وانفجرت:19: مثل ما يقولون القشة التي قصمت ظهر البعير:29: واللي ذكرنه قلييييييييييييييل قلييييييييييييييل معذبنا وامفشلنا قدام الناس.. وعلى إني لازم أدعي له بالهداية ..دايما والله بعد الصلاة أدعي له بالهداية وإنه يحنن قلبه علينا ..وإن ربيي يعيني على طاعتهم .. حبيباتي كلكم والله أسعدتوني .. وخففتوا عني.. كنت محتاجة أفضفض والحينة حسيت براحة بعد ما شفت ردودكم إدعولي إن الله يعيني على طاعته وطاعة والديني.. وإن الله يرزقني الزوج الصالح والوظيفة .. والله يسعدكم يارب ويحفظكم .. كل الود ..بحر السكون.. |
الله يصبرك و الله حاسة بك
بس الحمد لله إنكم ما طلعتوا مثله و الشئ هذا يخلي مقدار أمكم يزيد أكثر لإنها تحملت و ما تحملت إلا علشانكم و إذا تزوجتي بتعرفي الشئ هذا بس إن شاء الله ربي يعوض صبركم و ربي يهديه |
| الساعة الآن 04:58 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©