|
هل تسمح لزوجتك بالمشاركة بالمنتديات
السلام عليكم
حقيقة انا عندي استفسار هل تسمح لزوجتك او خطيبتك المشاركة بالمنتديات ؟؟؟؟؟؟؟؟؟؟؟؟؟ طبعا انا اسال هاالسؤال لان خطيبي ليس من النوع الي يهوى الانترنت بحكم دراسته وطبيعة عمله فهو انسان مشغول جدا جدا وهذا ماجعله غير مطلع على عالم الانترنت والمنتديات الا فيما يخص عمله واختصاصه وفي اكثر من مرة يقول لااحب ان تشتركي بهذه المنتديات لانه فيها اختلاط وانا متاكدة لو انه مطلع اكثر على الانترنت والمواقع اللي مثل موقعنا لما كان لديه اي اعتراض عالموضوع انا بصراحة غير مقتنعة بوجهة نظره لثقتي الكاملة بان المنتديات وخصوصا مثل منتدانا العزيز محترم جدا والاطلاع على الاراء الحكيمة فيه فعلا امر مفيد بالنسبة الي طبعا كلمته بالموضوع واقنعته لاني لااستطيع فعل شئ لايرضى عليه زوجي ولكن لايزال هالشئ يضايقني برغم انه اقنعته بوجهة نظري سؤالي هل استمر بالمشاركة ام انقطع خوفا من ان يكون لديه رغبة بان اترك المشاركة ولم يفصح بهالشي ؟؟؟؟؟؟؟؟؟؟؟؟؟ |
عزيزتي اذا زوجك اصر حاولي تقنعيه اذا ما رضي خلاص اكتفي بالتصفح
زوجي كان في البدايه كذا انكر علي الاشتراك في المنتديات وهذا هو المنتدى الوحيد الفعاله فيه وتناقشنا واقتنع ولله الحمد وان شاء الله زوجك يقتنع تقبلي مروري |
أنا رايي من راي اختي الاوزون
انتي حاولي تقنعيه واذا تزوجتي اجلسي معاه وتصفحي منتداك وهو يشوفه وان شاء الله يقتنع واذا ما اقتنع زوجك اهم من الدنياء كلها اكتفي بالتصفح |
انا مثلك اختي
خطيبي ببداية علاقتنا كنت مشاركة بمنتديات وكنت اخبره عنها عادي وسجل فيها وكان يشارك معي احيانا بعدها بفترة قال لي انه مو مرتاح بوجود بالمنتديات وتركت كل المنتديات عشانه ومن بعد خطبتنا سجلت هنا عشان استفيد بمسائل البيت والتربية والاهتمام فيه ان شاء الله والصراحة هو لا يعلم اني اشارك بهذا المنتدى =( وما ادري اقول له او لا |
لو جت علي انا مو بس اسمح لها إلا اخليها اشجعها انها تشارك وتدخل منتديات وتتعلم
لان الانترنت فيه فوائد كثيرة وفيه علم كثير فا ليش نحرم نفسنا من هذه النعمه وما نستغلها خير استغلال اختي بعطيكي طريقة حلوة ليش ما تسوين دردشة انتي وزوجك على الايميل يعني تتكلمون با الماسنجر وترسلين له روابط وعلى شوي شوية تدخلينه في عالم المنتديات ^_^ |
شوفي يا هيا
يمكن لانه زوجك مشغول ومو مطلع على المنتديات وطبيعتها ويسمع انها مختلطه ورسايل خاصة ومصخره وعلى باله ان كل المنتديات بهالمستوى..!! خليه يشوف هالمنتدى عشان يغير رايه |
اشكر كل من رد على موضوعي
الاوزون وانا اقنعته لكني خائفة فقط انه سمح لي بمجرد انه خايف يزعلني يعني حبيت اسال على الموضوع اكثر المهمومة انا مالي الا بعد الزواج اني اتصفح معاه الموقع لانه حاليا شغله معطله عن تصفح مثل هذه المنتديات ولقائاتنا قليلة بحكم عمله انا حاولت اني فقط اتصفح لكن بجد مثل منتدانا ماحد يقدر بس يتصفح لازم يشارك بيه حبيبها حمودي انا والله مثلك ماادخل الا لاستفيد من هالموقع الرائع وانا لم اسجل الا بعد ان انخطبت بس انا قلتلته انه انا اتصفح وكلمته عن طبيعة الموقع وسمح لي خلاص بس انا حابة اغير فكرته عن المنتديات لانه للاسف واخذ فكرة خطا عنها ابن المكلا انا زوجي ماعنده اي مانع انه ازيد من ثقافتي بالعكس يفرح بهالشي المشكلة عدم اطلاعه على هالعالم خلاه ياخذ فكرة خطا عنها ناني فعلا مثل ماقلتي هو مشكلته الاساسية كثرة انشغاله وانا اول ماتصير عندي فرصة اكيد اعرفه على الموقع ان شاء الله |
اما اختلاط <<< زوجك الظاهر متأثر بقضية جامعة الملك عبدالله <<< امزح
شوفي .. خليه يكون معاك ويشوف ايش تكتبين و ايش تقولين وان شاء الله يتسهل امره |
أنا أعتقد إني أفهم ما يعنيه زوجك
وهو أن تكرر الكلام بين الرجال والنساء إلى درجة إن الميانة تطيح بينهم وكذلك قد يحصل الخضوع في الكلام من لين أو كلام عاطفي وإذا استمر هذا الشي قد يصل إلى حد التعلق والله سبحانه نهى المؤمنات عن الخضوع في الكلام حتى لا يطمع الذي في قلبه مرض فأي عضو أو عضوة المفروض ينتبهون في كلامهم عندما يخاطبون الجنس الآخر فلا يتكلموا بكلام فيه ريبة أو فتنة أو دلع أو لين أو ما شابه وحتى عندما يخاطبون بني جنسهم لأن الجنس الآخر يطلع على ما يكتبون خلاصة الكلام زوجك أتوقع خايف عليك من كثرة محادثتك للرجال الأجانب وإنه ممكن تأثر فيك فإنت وريه إنك ما تشاركين إلا في المفيد وكلامك ما فيه لين أو خضوع في القول وإنما تفيدين وتستفيدين ونصيحة لأي عضو أو عضوة: إذا أحسست أن قلبك بدأ يميل ويتعلق بعضو معين فاقطع المحادثة حالا وأشغل نفسك بما يفيدك وهذا الأمر مجرب وهو من الشروط الموضوعة في أحد الفتاوى فيما يخص مشاركة الرجال والنساء أسأل الله أن يحفظ الجميع ويسعدهم |
صح كلامك ياخوي
مره كتبت مشكله ولسوء حظي زوجي قرا الردود وكان في كذا رد لبعض الاخوان ... يومها عصب علي وصارت المشكله مشكلتين لولا ستر الله!! |
| الساعة الآن 02:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©