|
اخت زوجي وتعاملها مع طفلي!!
السلام عليكم ورحمة الله وبركاته
الشكر الجزيل لجميع اعضاء هذا المنتدى الرائع دوون استثناء انا بصراحه اعتبركم زي اخواني واخواتي وحابه افضفض شوي عن اللي بقلبي المشكله هذي متعبتني نفسيا واخاف انها تاثر على حياتي الزوجيه وعلىولدي انا صارلي 4سنين متزوجه ولله الحمد متفاهمين تقريبا واكيد مافي حياة زوجيه تخلو من المشاكل ولدي عبدالرحمن:15: عمره سنتين الله يخليه لنا ويخلي عيالكم يارب ويرزقني واياكم الذريه الصالحه انا ساكنه مع اهل زوجي اللي هم عماني وزوجي هو اللي عرض علي هالشي وانا موافقه عليه على اساس نحط القرش على القرش ونسكن في بيت ملك بدات مشكلتي من سنه تقريبا لما دحوم كان عمره سنه وبدا يمشي ويفهم :15: مشكلتي هي مع اخت زوجي عمرها تقريبا 16سنه طبعا هي اخر العنقود ومدلعينها حبتين تغار من ولدي بشكل مو طبيعي تتمشكل معاه اضربلكم مثال علشان ماتقولون انتي تبالغين مر ه كانت جالسه بطرف الكنبه ودحوم كان يرقى على التكاييه وينط على الكنب والله مو مزعج ماطلع صوت ابد علشان اقول يمكن ازعجها قامت وحطة رجلها على التكايه كذا بس المشكله هي بعيده بس كذا علشان يصيح علشان يجي على رجلها وتهاوشه احيانا لما يجي عند ام زوجي ويضمها وهي تلاعبه تغار تجي عالطول تبعده احيانا لما تجي من المدرسه تجيب معاها حلويات وشيبس وتعرفون هذا بزر صغير مايفهم وتطلعه قدامه مع انها ماراح تعطيه بس كذا علشان ولدي ينقهر شي غريب احيانا اخلق لها عذرواقول معليش هذي عمته بس الولد بعد صغير مايفهم اذا هاوشته او احينا تدفه ماادري ايش اسوي احيانا اقول بس ابطلع من البيت ونسكن لوحدنا احيانا اقول انا ماجلست اربع سنين علشان اسكن اخر شي في اجار مع العلم اني والله وربي شاهد علي اني ماعمري قصرت بشي معاها اجيبلها هدايا اتقرب منها واسولف معاها اروح دايم معاها للسوق اذا شفتها طفشانه اطلعها نروح نتمشى ماادري ايش اسوي بس لا تقولون لي اذا سوت شي كلميها مااقدر لان صارت مشكله بين اختي ومرت اخوي بسبب بزران تهاوشو واهم كانو حاضرين السالفه واخاف لما اسوي شي اخرب على نفسي و حياتي اتمنى انكم تفيدوني ولكم جزيل الشكر |
يمكن أخت زوجك تغار من على أخوها من ولده ؟؟؟
أخوي نفس الشئ مراهق و بعمرها و دايما يتمشكل مع أولاد أخواتي و أخواني .. و كلهم أطفال نفس الشئ .. بس أمي دايما تخاصمه .. و مافيش فايدة أبدا ..؟؟؟؟ ----------------------------- أتوقع إنها بس قدامك كذا بتعمل مع ولدك ؟؟؟ حاولي أحيانا تحمليها مسؤولية بسيطة على عمرها ؟؟؟ مثلا مرة مشغولة ،، قولي لها أمسكي أكليه شوي و أنا جاية دحين .. أو أي شئ عشان تقربيهم من بعض ؟؟؟؟ إذا جابت بطاطس مثلا و حلويات .. أمزحي مع ولدك و قولي له ،، قول لعمة أعطيني حلاوة ؟؟؟ يعني تحرجيها بأسلوب حلو .. بحيث تعطيه هي بنفسها .. |
رأيي من رأي اختي ( روح الطير ) اخوي الصغير كان نفس الشي كان يظن اني أمه .. وتضايق يوم تزوجت ظن اني بتركه وكان يكره زوجي بعدها ولدت .. فكان يغار من اولادي لدرجة انه حاول يخنق واحد منهم .. فاتبعت معه اسلوب المسئولية ... يعني اقول له : خذ أكلهم مع انهم كانوا صغار او خلك جنبهم .. واشتري للاطفال اغراض وله هو ضعف الاغراض .. وامدحه واقول ياليت عندي ولد مثلك .. يعني بهذا الاسلوب انحلت المشكلة ولله الحمد هذا شي عادي حبيبتي لا تضايقين نفسج .. هي تغار لانها ملاحظة ان كل الدلال والاهتمام اتحول لولدك .. بعد ما كانت هي المدللة فهي غيره فقط لاغير ... ولا تظنين انها تكره ولدك لان الاطفال محد يقدر يكرههم وهذي عمته ... الله يبعد عنكم الهم حبيبتي ويحفظكم ويسعدكم اختج --- لمني بشوق |
رأى روح الطير حلو والله جربى مش هتخسرى شىء
وكمان البنت اخدت ان الاهتمام كله لها بما انها اخر العنقود ودلوقت ابنك ساحب البساط فهى مسكينه غيرانه اهدى بس كلها حاجات بسيطه باذن الله وتعدى |
مشكوره اخواتي روح الطير ولمني بشوق وfatoushi
شاكره لكم على ردودكم بس ولدي مو مدلعينه مره عادي يعني لاهو ساحب البساط ولا شي وبالنسبه لرئيكم اني احملها المسؤوليه هي لما كان صغير كانت تحب تغيرله وترضعه وبعد لما تجي اختها هي اللي تهتم ببنتها هي اول ماكانت كذا ابد بس مادري ايش اللي قلبهاعليه حتى باسلوبها وكلامها مرره متغيره يعني باختصار لسانها طايل شوي حتى على امها وابوها ومشكورين اخواتي على ردكم واهتمامكم |
طيب لسانها طول على أمها و أبوها
أخوها الكبير و اللي هو زوجك ، ما يقدر في يوم يقوول لها ( عيب يا بنت ؟ احترمي أمك و أبوك ؟؟؟ ) إذا ماحترمت أمها و أبوها ،، راح تحترم الطفل ؟؟؟؟؟ الأفضل تخلي أخوها هو يكلمها ،، لإني أنا ممكن أتقبل أي شئ من أخوي ، بس راح أتحسس شوي من زوجة أخوي |
ما أعتقد أنها مسألة غيرة أبدا الفرق شاسع بين2 و16 سنة
الأطفال في هذا السن ردات فعلهم جميلة وبريئة وبعض الناس الله يهديهم يحبو يتونسوا عليها وأنا أشوف جدات وأمهات يحبو يعملو هالحركات تلقينهم يعاندوهم في كل شيء عشان يشوفو الطفل معصب !! ما أدري أيش يعجبهم في كدا؟؟ ما يدرون أنه ممكن يضرونهم بهالطريقه ؟؟!! لكن اللي أنا متأ كدة منه أنها تحب ولدك وما تغارمنه عموما التصريح مو لازم يكون بالخناق والمخاصمة ممكن توصلين لها الكلام ببساطة بدون تكلف مثلا حراااااااااام عليك تقهرين الولد تراه يحبك وشكلك بتكرهينه فيك؟؟! وأنا أقول ليه الولد صاير عصبي على طول ؟؟!! الكلام السابق لو قلتيها بعصبيه بتفرق وأكيد بتزعل لكن لو قلتيها وأنتي مفرفشة ما أعتقد تزعل أو أختاري الكلام اللي يناسبك المهم أنه لازم يوصل لها أن اللي تصلحه مع الولد غلط؟؟ لأنها مارح تستوعب هذا لوحدها موفقة |
اختي روح الطير دايم اقول لزوجي كلموها عيب تسوي كذا و خصوصا امها عندها ضغط وسكر بس مهما كلمنها ماتسمع
اختي اطياف الرياض صحيح كلامك احسها تستانس اذا شافته معصب |
أخت زوجـك تـمـر بمـرحـلة مراهـقـة وغالباً من فـي مثل سنها يغلب عليهم ردات الفعل العنيفة والسريـعـة ولا تفـرق بيـن صغيـر وكبـيـر، غـيـر انـه تحاول تـثـبـت ذاتـه (بدون وعي ) ووجـودهـا وأنـها كبيـرة... أسـتـغـرب انـك ما صادقتيها وتـأخـذي وتـعـطي معـها كبنت مع بنت وتحملينها مسؤوليـات... ولا ينفـع الصراخ والتوبيـخ أو التنبيه المباشر ، فهـذه فرصـة لها لأن تثبت نفسها بأي وسيلة رد..... وبتلقينها إن شاء الله مثل الأخـت الصغيـرة اللي تعاونـك وتساعـدك وتسعـدك بذلك وفقك الله عزوبي:22: بس:d رجل:30: |
نقل لقسم التربية والحواار الاسري مكاااانة الانسب ،،،،،
|
| الساعة الآن 06:43 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©