طليقي وزوجتة سبب اكتئابي
 

السلام عليكم ورحمة الله


كيفكم جميعا سأدخل في الموضوع مباشره لاني مصدعه ومعدتي من

امس فيها تقلصات من القهر امس سهرت مع بنتي الى تقريبا الصباح

ورحت مع اختي لمشوار واصطحبت بنتي معنا لانها صغيره ماقدر اتركه

لحالها بالبيت وهي مابعد أكملت سن الثالثه من عمرها ورجعنا البيت ع

الظهر وغيرت ملابس بنتي وتغدينا ع العصر وصرنا دايخين ونمت انا وبنتي

تونا غفينا الا والباب يطرررق اخوي الصغير أهل بنتك عند الباب يبون يأخذونها

قلت له البنت نايمه اعتذر لهم مره ثانيه يجونها وهذي اول مره اسويها

لانهم مايسألون عنها الا مره كل 3شهور حتى والد بنتي مايسأل الا ب3شهور مره

وقبلها ب 10 ايام كنت طالبه مصروف بنتي من والدها برسالها وطنش

ماوده يرسل عنده التزامات اهم رحت كالعاده وبعت لي خاتم ذهب

وشريت لبنتي أغراضها الي ناقصتها الشاهد ابو بنتي ارسل لي رساله

المساء (نطق ابو الهول) بعد ماكان مطنش رجع يرسل ليه تردون ولدي


من عند بابكم جاي يسأل عن اخته !


ارسلت له رساله البنت كانت نايمه وانا ما اكذب وانت عارف وبعدين البنت

ماهي متعوده عليكم تجونها كل 3 شهور مره ينقطع قلب بنتي من الصياح

لا تكلف ع نفسك وع عيالك بالجيه دامها كل 3 شهور مابي اخسر نفسية

البنت من الحزن اللي بعيونها لاجات تروح لهم وربي الجيران يسمعون صياحها

المهم عاتبت الابو انه يتأخر ع مصروف البنت ومن ها القبيل وانه يبطي

عنها بشوفه وقلت له 100مره سو جزء مستقطع من راتبك ينزل ع حسابي

مصروف البنت اقصد ورفض المهم يا اخوان وهنا النقطه المهمه واللي رفعة

ضغطي

قال لي يوم رديتي اخو البنت من بابكم سببتي لي اشكاليه كبيره

في بيتي هم يبون يقربون من البنت وانتم تردونهم واللي مرسل

الولد لكم زوجتي قالت روحو جبوها ماهو انا .........انصدمت

ردي له ..........قلت انا بنتي ماتجي بيت ابوها امر من زوجتك بنتي تجي

بيت ابوها رغبة منك انت وبناء ع طلبك مو لا سمحت زوجتك ارسلت عيالك

وبعدين لو أدري ان بنتي تجيكم بناء ع طلب زوجتك امنع بنتي تجيكم

لو اطلب بنتك او ولدك يجوني كان رفضت بأي حق زوجتك تطلب بنتي


طبعا هي قالت له انهم رفضوا يعطونا البنت قلت له اذا ها الموضوع التافه بيسبب لك

اشكاليه عند حرمتك الله ايعينك ع ممبتلاك البنت فعلا كانت نايمه

وزوجتك مالها دخل في بنتي ارسلها ما ارسلها مو هي اللي تتحكم في

بنتي لا يصير لزوجتك سلطه ع بنتي قال لي انا كنت اضن انك راح تساعديني

ان البنت تجي عندنا وانا احاول ارغب عيالي في بنتك وابيك تساعديني

قلت له تصرفاتك هي الي تحدد علاقتك في بنتي انا هنا مالي دور لا اخليها

تحبك ولا تكرهك انت وتصرفاتك معها اما انك تترك البنت 3 او 4 شهور وبعدين


تطالبني انا اخلي بنتي تحبك وتحب زوجتك هذي مو من اولوياتي الزبده


الابو معاند ولا رسل مصروف البنت ها الشهر كيف اتصرف معه تعبت

كلمت امه وكلمت اخوه ولا فيه فايده ولا عندي احد يوديني محاكم ويجيبني

دلوني لارضت زوجته رضا ع بنتي

يقصد لا امرت زوجتي العيال يجيبون بنتك ع طولي وافقي وطلعيها لهم


عشان عيالي وزوجتي مايكرهون البنت ولا تصير جيتها ماهي مرغوب فيها

كيف اتصرف مع ها الرجل وش الحل


......................

استودعكم الله

اختي الكريمة


ارسلي له رسالة مع ابوك او اخوك انه اذا بيجي ياخذ البنت ولا يشوفها يبلغك قبل بيوم على الاقل علشان تجهزينها بالموعد المطلوب.

لا تحرمي البنت من ابوها مهما كان .. حتى لو صاحت شوي لكن لازم تتقرب من اخوانها واخواتها وهذا ماله شغل بعلاقتك بطليقك أو بظلمه لك وبعدم التزامه بالنفقة.

خليها تتقرب منه .. بكره هي تكبر وتطلب حقوقها من مصروف وملبس وغيره منه بشكل مباشر.

يا أختي دام الرجال ما يدفع مصروف وكلمتيه اكثر من مرة لازم تروحين محكمة وترفعين قضية نفقة ! لا تسكتين عن حقك لانه طالما انت ساكته هو رح يتمادى ويستهون امرك وامر بنته.

الله يعين قلبك ويفرج همك

اختي الفاضله بكر الشايب والله ما امنعهم منهم ابد بس لانها كانت نايمه وكانت مواصله والدي متوفي الله يرحمه


والأخوان لاهين ولا احد يسأل الله المستعان هو بس ها الشهر تأخرت النفقه ولاني مالي مدخل لبنتي غير اللي من والدها

احس انها صعب جدا تتأخر علما بإن وضعه المادي ممتاز بس ليه التأخير والتمادي ماعرف

المشكله يا أخوات الابو ما يسأل الا مره كل 3 شهور ولا عمري رديته لا جاء يأخذها الا ها المره يعني الواحد ما يجيه عذر


رجـــــــــــــــــــــــــــاء يا بنات انا ما منعت البنت من أبوها ابد ولا هو تفكيري ولا مبدأي بس البنت مواصله ونامت وبعدين


اللي بيشوف البنت زوجته مو هو يقول زوجتي بتصير ماتحب البنت وبتصير جيت بنتك ماهي مرغوبه عندنا تخيلوا ها الكلام

جزاك الجنه اخوي كساب ع الدعاء واسأل الله العظيم ان يرزقك الذريه الصالحه عاجلا غير اجل يارب

انتي مو غلطانه ابدا والحمد لله انه طاح بلسانه انها زوجته

خليه يوصل لها المعلومه

ومصروفها لا تسكتين عليه ابد


اطلبيه ودايما في كل طلب اكتبي له افتح لها حساب وفكنا من التأجيلات خاف ربك بنتك هذي في رقبتك مصروفها وذهبي بدا يخلص من وين لي بعدين مع مماطلاتك هذي؟


ومن ناحية البنت انهاتكون مقبوله او لا .. قولي له مردها تكبر وتعرف اللي يحبها واللي لا
مردها تعرف ابوها اذا هو قايم بواجبها او لا

اختي الكريمة

بعد اللي قاله متخيلة بلتزم بمصروف البنت من نفسه ؟؟ اذا ترتيب زيارات البنت وانه يقرب منها رابطه بزوجته (ويا كثره هالصنف من الرجال) !!

لا تطولي الموضوع اكثر ، لازمك المحكمة وحكم نفقة يتنفذ ، اليوم بتصرفي من ذهبك بكرة من وين تصرفي ؟؟ .. وبخصوص الزيارات ، حطي برنامج ولا يكون بمزاجه ومزاج مرته ، يعني المواعيد محددة ومعروفة سلفا.

وانت اختي ما تفكري بنفسك وتحاولي تعملي حتى يكون لك مصدر دخل ولا تعتمدي على انسان في الدنيا ؟؟