|
مسكينة الحياة الزوجية... الله يكون في عونها يا ناس
بسم الله الرحمن الرحيم في ليلة من ليالي حياتهم الزوجية ، الزوج جالس في الصالة الزوجة بجانبه تناوله فنجان القهوة . يجري حديث بين الزوج وزوجته الزوجه ابو خالد بقولك سالفة صراحة انا انبهرت منها الزوج / يترك فنجان القهوة و يميل بجسمه لزوجته خير يام خالد وش السالفة الزوجة / و ملامح الحماس على وجهها و تعبيرات الفرحة(علشان الزوج مال بجسمة لها بالكامل ) كنت بالعرس البارح و شفت لك فلانه ما شاء الله عليها صراحة اول مره اشوف بنت مثل جمالها ، جسم ، و طول ، و و و و ........ (تمدح المسكينة ) الزوج / اعتدل بكامل جسمة و استوى ظهره بعدما كان متكئا على الكنب ماشاء الله عليها لهالدرجة جمالها ، الزوجة / تقترب من الزوج اكثر و ضربت بيدها على كتف زوجها . ما تتخيل شقد جمالها (على ثقة من زوجها طبعا انه ما يفكر فيها ) الله يهني اللي ياخذها الزوج / يعض على اسفل شفتيه ما شاء الله عليها كم عمرها الزوجة اخذت تحكي له جميع التفاصيل عن عمرها وعن حياتها وعن كل شئ يختص بها الزوج / مبتسما لها . يعني احلى منك يا م خالد الزوجة / و الابتسامه العريضة على وجهها ( تفكر ان الامور مزح ) احسن مني وبس اقول احلى بنت شفتها بالزواج كله الزوج / يبتسم ابتسامه المخادع بحيث يضحك و اسنانه ملتصقه ببضعها البعض (يعني يضحك ومسكر على سنونة ) الله يهني اللي ياخذها -------------- وانتهى الحوار بين الزوجين السعيدين ، لكن الزوج لازالت تلك المرأة التي اعبجبت بها زوجته تدور في عقله. ثاني يوم اتجه الزوج لبيت فلانه وخطبها وكانت الكارثة على الزوجة المسكينة. ايش رايكم في اللي حصل فوق هل نلوم الزوجة المسكينة التي ماكان في فكرها ان الزوج سوف يقول بخطبة البنت المزيونة؟ ام هل نلوم الرجل الذي سمع بتلك البنت المزيونة واعجبته؟ هنا انا رجل وزوج احذر جميع المتزوجات من عمل ما عملته اختنا المسكينة هي اصلا ما قالت السالفة الا من باب المزح و الكلام العادي الي ما حسبته حساب لكن الرجال هنا خطيرين في الامور هذه انتبهي لا تمدحي احد قدام زوجك باي شئ ، حتى بالاخلاق او بالجمال او بالتعامل ، حتى وان كانت الممدوحة متزوجه ، سوف يبقى في خلد الرجل هذا الشئ ولو بعد سنين انتبهي وهنا انا احذر لاني استوحيت هذا السيناريو من قصة لاحد قريباتي وتزوج عليها زوجها حتى انت ايها الزوج لا تمدح رجل امام زوجتك و تقول عنه انه كذا وكذا وذو خلق او انه جميل فان ذلك الشئ سوف يقع في خلد الزوجه وستفكر فيه مليا انتم وش هو رايكم بالموضوع كون الرجل يمدح رجل عند زوجته او العكس تخيلي انت ان زوجك مدح واحد قدامك ايش راح يكون ردة فعلك او تخيل انت يا ايها الزوج لو زوجتك تمدح لك بنت قدامك ايش راح يكون ردة فعلك شكرا مليون لمنتدى حياتنا الزوجية ودمتم ابو وئــــ سلـــطان ــــــام |
حبيت أمر على الطاير. عنوانك حلو ههههههه
|
هلا والله tunisian
حييت مليون حييت ومرورك اسعدني بس كان ودي المشاركة في السؤال المطروح انتظر عودتكم |
ياااااااما صارت وياما رح تصير
آسفه مستعجله كتير انما اعجبتني ضحكت تونسي نادر ما يضحك |
هلا والله green
والله عاد اذا صارت من زمان واذا راح تصير مستقبلا الله يكون بعونك في اللحظة الحاسمة يمكن زوجك ما هو مستعد الحين ههههههه امزح وانتظر عودك للمناقشة السؤال المطروح تحياتي |
شكلو عندي استراحه
اخي انا من جهتي بما اني كنت اسمع مثل هذه القصص لذلك ان لا ادحل احد منزلي الا اذا كان زوجي خارج البيت وان دخل احد اما يكون معها زوجها او لا وانا نفس القاعده مع نفسي لا ادخل بيت احد من الصديقات الا اذا كان زوجها بالعمل والا اكون مع زوجي ثم لا يجوز ابداااااااااااااااا ان تتكلم الزوجه وتمدح انسانه اخرى امام زوجها وهذا للاسف ما يقع فيه الكثير من الناس وتكون الطامه الكبرى خلصت الاستراحه |
قال النبي صلى الله عليه وسلم : لا تباشر المرأة المرأة فتنعتها لزوجها كأنه ينظر لها. ولا ينطق عن الهوى |
عودا حميدا اخت Green
استراحة جميلة بس الظاهر انك ما استوعبت الموضوع المطروح بشكل كامل الا في اخر مشاركتك لاننا لا نتكلم عن دخول احد الزوجين بيت من البيوت بحظره او بدون حظره اصحاب البيوت سواء من رجال ا و نساء لكن كان الموضوع هو مثل النقطة الاخير التي تطرقتي لها كون مدح احد الزوجين للطرف اخر امام الزوج او الزوجة و شكرا لك واستراحة جميلة في موضوعنا هذا قضيتيها واهلا وسهلا بك وعودا حميدا |
هلا والله بو وئام
لاتوصي حريص هههههههه بما اني بالغربه النساء هناا على قفا من يشيل!!!! بس منتظرين اشاره!!!! مافيه وحده تمر الا واطلع فيهاا عيوووب الدنياا كلهااا خخخخخخخ ليييين خليت زوجي يقول انتي مافيه مثلك:) الحين محد يملى عينه غيري:rolleyes::o ياارب دووووم قل امين:22: |
ههههههههه
آمين يا noriin الله يخلي لك زوجك و يجعلك قرة عين له ماشاء الله هذا اللي انا ابيه الوحدة تكون حريصة منا انا يا رجال ترى قليل اللي ينومنون |
| الساعة الآن 06:38 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©