كتله بالثدي
 

السلام عليكم
انا عندي مشكله كبيره اتمنى اجد لها حل عندكم انا والده من شهرين وارضع طبيعي بس مو مره يعني طبيعي وصناعي لاني مادر حليب كثير يعني ارضع من صدري مره او مرتين باليوم وقبل اسبوع طلع لي دمل بالثدي قريب من الحلمه وال شي حبه بعدين كبر وحطيت عليه مرهم للدمامل وانفقع وطلع كل اللي فيه والان هو تشافى بس الجلد صار زي المحروق وضعيف يروح ويجي واللي حولينه احمر بزراق والان احس تحت هالجلد كتله قاسيه كل يوم اقول يمكن تروح والقاها زي ماهي والله اني خايفه مين سمع اوصار معه كذا الحين لي اسبوع وترا ماحطيت عليها شي غير المرهم اول ماطلعت دبروني وش اعمل ولاتقولو لي مستشفى لايمكن اروح عندي حاله نفسيه اخاف من الدكاتره

محد بيقدر يعمل لك حاجه غير المستشفى
وان شاء الله شي بسيط
اتمنى لك الصحه والسلامه

لاتخافي ياقلبي انا امي صار لها كذا وسوت عمليه وشالته

انتي روحي المستشفى وشوفي طبيعة الكتله تحتاج انهم يشيلونها او لا

مشكوره قلبي بس امك صار معها كذا بعد دمل

والله مدري بس اذكر انها كانت تتوجع منها وكانت داخليه مو بارزه

وحتى اخت صديقتي كان معها كتله بالثدي