|
خطيبتي ماتستحمل مني ولا كلمة
السلام عليكم ورحمة الله وبركاته ,,
كيف الحال ..! انا مملك من فترة وخطيبتي الله يخليها لي ولا يحرمني منها احسها ماتتحمل كلامي ودايم تعصب علي :21: انا عايش فيدولة عادي الخطيب يطلع مع خطيبته بوجود محرم المهم هي ماتبي نروح مع بعض مجمعات ولا تبي نروح كورنيش ولا اي شيء حتى اكثر طلعاتنا تكون فالسيارة واذا اروح لها نهاية الاسبوع تكون الطلعه مدتها نص ساعه وارجعها بيتهم بدون عشى حتى ماتسألني ناكل او لا اقولها وين نروح ننزل نتمشى تقولي لا نروح مجمع لا نتعشى انا مو يوعانه نرجع البيت ايه انا زهقتتتتتتتتتتت من الوضع وبديت احس انها مجبوره علي :( او انها مو متقبله الزواج مني انا بقولكم شيء بدايت خطوبتنا يوم كنت اروح اقعد معاها في بيتهم ماتقصر تقعد معاي وتتمكيج وتطبخ لي احلى طباخ بس من بعد فترة 45 يوم تغيرت علي وصارت ماتطيق مني شيء حتى لين اجيب لها هدية احسها ماتستانس للهدية وانا مو مقصر معاها في اي شيء مصروف واي شيء تبيه بس تأشر عليه يوصلها انا مفكر افصخ الخطبه لاني تعبت فسياً واحين مواصل ومو لاقي اي تفسير الا انها تبي تفصخ الخطوبة بس مو قادرة تتكلم او انها تحب شخص وتبيني اتركها حق تاخذه مادري هل تفسيرايت صح او الشطان يلعب في بالي من اتصل فيها اقولها شتسوين على النت واحيان اتصلها التلفون فيه خط ثاني واسألها تكلمين من يافلانة تقولي والله اكلم صاحبتي وانا ماشك فيها لان مستحيل تخوني لكن احيان الشيطان يقع على مخي ويكبت علي وخايف اظلم البنت معاي مادري شنو اسوي افتح الموظوع مع عمتي ( امها ) ا افتحه مع امي انا لحد الان مو مبين حق اي احد اي شيءء قولو لي شنو اسوي .! خايف افتح الموضوع وتقول هذا يبي يفصخ الخطبه ومو عرف شلون يتركني .. اعاقبها وماروح اسبوعين اخليها تسأل عني ؟ لان ماجربت اني اقطع طول فترة الخطوبه دايم ناا اكلمها وانا اللي اسال وانا اللي اروح لكن لين امرض مسكينه تحاتيني احيان افتعال المرض بس عشاان اشوفها مهتمة فيني زيادة عن اللزوم :14: دبرووني اخوواني\ اخوااتي |
وعليكم السلام ورحمه الله وبركاته اولا الف الف مبروووك اخوي والله يتمم لك على خير وثانياا شيل فكرت انها تبي واحد غيرك من راسك لانه لو ببالها احد مالبست لك ولا طبخت واستقبلتك من اساسه انت قلتها هي متغيره من 45 يوم يمكن الزواج قرب ونفسيتها تعبانه اسالها وكلمها هي بالاول بالموضوع انا فكرت انه تدخل احد بينكم ماحبيتها حتى لو كانت امها او امك خلوا مشاكلكم بينكم يمكن انها مشغوله بدراسه افضل انك تكلمها بس مو تكلمها عن فصخ خطوبه لا كلمها عن ليش هي متغيره لو فيه شي محتاجه شي انت كلمها باسلوب ترى لو حست انك بتتخلي عنها وتفصخ الخطوبه لانها تغيرت عليك صدقني بتفصخ هي الخطوبه وبتقول شلون لو تزوجنا وصاار بيننا مشكله بيطلقني !!!!! بالتووووووووفيق |
انا رائي انها الان تجافيك مشان بعد العرس والحفلة تحبك زي المثل الي يقول كل شي بوقتة حلو
هي كانها خايفة تمل منها من هذي الفترة فتعاملك بالطريقة هذي لكن هي تحبك بس ماتبغا تقولك الي في نفسها حاول تقطع منها شوي وشوف ان شاء الله انها راح تفتفدك وتحس انها تحبك بس هي شكلها تبغا كل شي بعد العرس |
انت جرب تجلس معها وصارحها قولها انها متغيره وحاول تعرف السبب
الله يوفقكم ويبارك لكم:) |
اولا يا اخى لا تدخل امها ولا امك ثانيا انقطع فترة اسبوع مثلا وشوف ما هى ردة فعلها هل سوف تسأل ام لا واذا اتصلت شوف مدى لهفتها عليك اما اذا لم تتصل فتحدث معها بكل صراحة قول لها انا اشعر انك غير سعيدة او غير مقتنعه فما هو سبب قلقك وتغيرك ولكن تسكت وتقبل هذه المعاملة وهذا الاهمال هذا شىء غير مقبول ابدا ، يا اخى اذا كانت من الان تفعل هذا اذن ماذا سيكون الموقف بعد الزواج ودخول اعباء ومسئوليات البيت والزوج اعانك الله ووفقك لما يحب ويرضى ولا تنسى ان تستخير الله فى اتمام الموضوع او انهاءه كما انه يجب ان تلاحظ قدر تحدثها فى الهاتف لانه لا يقبل ان تتحدث الى صديقتها لمدة ثلاث او اربعة ساعات يوميا وهى لا تتحمل ان تتحدث اليك الا فترة وجيزة |
ليش ماتصارحهااا باللي يضايقك
ليش ماتسئلهاا شنو فيك ليش تغيرتي يمكن تكون متضايقه من شي وانت مو حاس فيها ؟؟ لايلعب عليك بليس ويخرب حياتكم أفهم الأسباب أول بعدين أحكم |
ماعليك هوو بس
المصااااااااارحه وبس كلمها وقول لها نبي نطلع مكان لكن ابيك انتي تحددين المكااااان ؟؟؟ واذا قالت ليش قؤل ابيك بموضووووووووع مهم جدأ وفاتحها بأسلؤب عاااادي وبه حنيه ... لاتعصب مهما كانت ردة فعلها ... |
شكراً لكل من رد علي وانا بصراحة هالاجازة مو رايح بيتهم وانا حالياً مريض يعني هالويك اند مستحيل اروح بيتهم وبشوف شنو تكون ردت الفعل ...!
وفعلاً اهي عندها اختبارات هاذي الايام واكنت تدرس من الفترة الاخيره .. ! والزواج لحين مافتحنا موضوعه .. وفكرت اني ادخل احد بينا شلتها من بالي لان استشرت احد زملائي فالعمل متزوج وقالي حل مشكلتك بينك وبين زوجتك ولاتدخل احد بينكم بعدين تكبر المشكله وتروحون محاكم على شان سوء فهم او مشكلة بسيطة تقدر تحلها انتمعاها بدون لاتدخل احد فيكم , القرار الاخير اني مااتصل ولا اروح بيتهم الى يوم اجازة الاسبوع واشوف ردت الفعل شنو تكون .! واذا كانت سلبيه باصرحها واذا كانت اجابيه بعد باصارحها وبقولها عن اهملها لي الفترة الاخيره .. يعطيكم العاافية على الردود , وان شاء الله نشوف الحل اللي بسويه ينفع او لا اني مااتصل ولا اسال وفي نهاية الاسبوع مازورها .. |
لاحس ولا خبر من امس اخر مكاملة ان مكلمها وماشفت منها اي اتصال او سوأل عني
|
خليك صبور وتشوف النتيجة
|
| الساعة الآن 07:53 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©