|
كثرة النسيان مشكلتي
السلام عليكم ورحمة الله وبركاته احمد ربي واشكر فضله نسياني اليوم كان ح يودينا في خبر كان في البداية سامحوني مو قادرة اتكلم على نفسي من الموقف اللي صار حدخل الموضوع على طول عندي طفل صغير عمره 4 شهور الله يحفظه حطيت ماء يغلي على النار عشان حليبه من الساعة 11 مساءا والله يهديني نسيته وطلعت من البيت وما رجعت الا الساعة 2 قبل شوي لا اله الا الله وعيالي الاثنين نايمين بالبيت عشان مدارسهم ربي الهمني اقول وانا طالعة استودعكم الله يا عيالي ويا بيتي الله اكبر الله اكبر الله لا يشغلني الا بطاعته يارب عندي زواج اخو زوجي ورحت استلم فستاني ورحت عند اهل زوجي عشان العريس طبعا يا ويلي ربي حما عيالي والبيت الحمد لله ساعدوني ماني عارفة ايش اسوي عشان النسيان من جبت هالصغير وانا اموري ابد في النازل قبل كده تركت الغاز مفتوح بعد 3 ساعات ونمت وما دريت الامن زوجي دخل وشم الريحة والكلام اللي يسر الخاطر كله سمعته ما ينلام واليوم انا دخلت اول وحدة البيت وما دري عن شي والا كنت على الدرج نايمة اليوم ساعدوني تكفون ايش اسوي للنسيان اللي جاني فجأة يمكن الزهايمر عمري 33 سنة ما ادري والله ايش اسوي في عمري الله يستر مشكوريين مقدما لو تقدمولي المساعدة اي شي ولو دعوة اختكم ام ماجد:23: |
نقل الى مكانه المناسب .... الاشراف
|
الله يعينك يااختي..بس لااتخافي دايما بس يجي بيبي جديد مع كتر المسؤوليات وعندك اولاد تانيين الله يحماهم وزوج وبيت كله بدو شغل بتبطلي تركزي بالله عم بتسويه...حاولي ركزي ماتفكري في اكتر من اشي وانت بتعملي اي شئ تاني.......ولاااازم تفحصي فيتامين B12 لانه نقصه بعمل نسيان...ولازم تنتبهي لانه هيك خطر.
|
النسيان بالنسبه للام الي والده جديد والي عندهااكثر من طفل موضوع عادي اناتاقلمت معاه
اكثري من الاستغفار والصلاة على النبي |
اقتباس:
مشكورة اختي الله يعطيكي العافية ان شاء الله بسوي التحليل واتطمن واطمنكم معاي |
اقتباس:
الله يعطيكي العافية وجزاكي الله كل خير وان شاء الله أتأقلم مع الوضع الله يكون بعون جميع الامهات يارب |
كلي الأطعمة التي تحتوي على الحديد و الزنك و فيتامينات ب
|
هل المسألة معك من زمان ولا ظهرت فجأة في فترة معينة
وكيف نومك ؟ تنامي كفاية ؟ وهل ترهقي نفسك بالعمل ؟؟ وكيف طعامك ؟؟؟ جاوبي على الاسئلة بينك وبين نفسك لانه اعرف ناس كثيرين يدخلو بنفس حالتك والسبب دائما الارهاق وقلة النوم والطعام أسأل الله ان يشفيك |
صحيح النسيان يجي كثير بعد أنجاب طفل جديد بس ياأختي مو لذي الدرجه يعني عيالك بيكونوا ضحية النسيان:29: الله يحفظهم من كل شر
حاولي تنتبهي أكثر الموضوع خطير أذا وصل لدرجة ممكن تأذي الأطفال :11: الله يحميهم ويحفظهم لك يارب لو أنك تستشيري دكتوره توصفلك الفيتامين المناسب وأكثري من ذكر الله |
| الساعة الآن 03:01 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©