|
طفلي يعاني من امساك
السلام عليكم ورحمة الله وبركاته ولدي عمره اسبوعين في بداية الايام كان كل يوم يتغوط الله يعزكم واكثر من مره بس لما وديته المستشفى قالو لي فيه بو صفار لازم تقللين رضاعته من صدرج وتعطينه حليب صناعي..ومن عطيته حليب صناعي صاده امساك الحين صار له يومين ولي اليوم ما تغوط سالت ممرضه قالت لي ان شي عادي لي 5 ايام اذا ماتغوط..هل كلامها صحيح؟ لاني سمعت المفروض ان كل يوم يتغوط الياهل..وانه كل يوم اعطيه تمر مع ماي بعد مافي فايده وحطيت له زيت في عود قطني للاذن وحطيته في مؤخرته على اساس تساعده ولا في فايده..ممكن تساعدوني..تفيدوني باشياء تساعده تكون ملينه للبطن.. |
خليه على راحته لا تشيلين هم لاتعطينه تمر حرام لسه صغير اعطيه يانسون ونعناع وكراويا واستني عليه يومين اذا ماصار شئ غيري الحليب عند دكتور يكون احسن
|
حطي مع الحليب الصناعي شاي الاعشاب ميلوبا
تلقيه بالصيدليه بس غريبه انه نصحوكي توقفي رضاعه طبيعيه وتعطيه صناعي عشان الصفار يروح!! اعرف انه العكس المفروض..لكن بالاخير هم دكاتره وهم الادري اكثر مني. |
اقتباس:
اختي التمر وايد زين..الرسول كان يحنك الطفل بتمر وهذه سنه..والتمر وايد زين..مشكوره اختي.. |
اقتباس:
ما وقفت رضاعه طبيعيه بس قللتها..لان يقولون حليب الام يسبب بوصفار بس الحمدالله الحين صار زين راح عنه البوصفار..وشكرا لج اختي وانشاءالله اجرب اللي قلتي لي عنه |
انا بعرف انو الصفار بيروح بجرعه ماء وسكر يوميا وهم قالولك حليب صناعي لان فيه سكر أكتر .. الامساك بيكون نوع الحليب مش ملائم للطفل غيريه ((حليب نان1 ممتاز ويسمن وما يعمل امساك))
|
غريبة والله
طيب ارجعي عطيه من صدرك ووقفي الصناعي وممكن تستشيرين غير الأطباء اللي قالوا لك دخلي له الصناعي وشوفي ايش يقولون |
مرحبا فديتج .. بخصوص قطن الاذن لا تحطين معاه زيت استخدمي الفازلين عشان ما يجرح الياهل .. وشي ثاني الحلوة زينة حق البطن مع انه الدكاترة ما ينصحون يشرب الياهل اي شي بهالعمر غير الحليب والماي .. والله يخلي لج العنونو ويربي بعزج .. تحياتي |
انا كان ولدي كذا وكنت مرره خايفه عليه ورحت فيه للدكتور وقالي شي طببعي لمدة 48 ساعه
وقالي اعطيه يانسون ونعناع وحطي له معاه شوية كمون مره زين للبطن ملين بس استمري عليه يوميا انا سويت له كذا بس قالي اعطيه تحميله وحده من الجلسرين مره ممتازه وبعدها استمريت على اليانسون والكمون |
من قال ان حليب الام يسبب الصفار رضعيه طبيعي واتركي الصناعي
حبيت انبهك على نقطه اذا بغيتي تشرين حليب صناعي سواء جاف اوسايل انتبهي على المواد الصلبه او الجافه تكون مكتوبه على العلبه لازم تكون اقل نسبه من غيرها لانها هي اللي تسبب الامساك .... معقوله حليب البقرهـ افضل من حليب الام رضعي ولدك من صدرك ولاعليك من احد تراهـ صحه لك ولطفلك والصفار اذا كنتي تقصدين اصفرا العيون حاولي تشغلين اللمبه الصفراء في الغرفه اللي انتي جالسه فيها وبيخف ان شاء الله .... مايشوف شر ..... |
| الساعة الآن 05:01 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©