|
لم أستطع الذهاب للمحكمة لإنهاء إجراءات الطلاق! (تم الطلاق_الرد121)
رجولي ماهي شايلتني اروح للمحكمه واطلع صك الطلاق!
بسم الله الرحمن الرحيم السلام عليكم ورحمة الله وبركاته مساء الخير اخواني واخواتي الحمدلله يسر الله لي العمره ومانسيتكم من الدعاء في بيت الله الحرام وعدت اليوم بعد المغرب ونسال الله القبول وبما اني اشركتكم معي بمشكلتي مع طليقتي من البدايه ولم تقصروا جزاكم الله خيرا احب ان اطلعكم على اخر ماكان في موضوعنا تعرفون وسطت قبل السفر اخوها واختي التي تدرس معها في دار التحفيظ كان رد اخوها بعد ثلاث ايام وانا في مكه مافيه نصيب ورافضه الرجوع وتبي ورقتها بسرعه رد اختي لما كلمتها بالبدايه رفضت التعليق بالامر نهائي وقالت ماكتب الله بيننا نصيب والله يوفقه اصرت اختي تعرف السبب وبعد الالحاح قالت جرحني وخذلني كييييييييييف ؟ تقول كنت اعتقد انه غير كل الرجال وابلقى معه الامان الي ابحث عنه وبيعوضني عن كل شئ لقيته من اول ليله مثله مثل اي رجل خطبني يبيني للفراش بس وحسيت ولاادخل في نيته انه متزوج للاستمتاع فقط ولايبي يشيل معي اي مسئوليه وكل تصرفاته معي تثبت هالشئ واهمها رفضه لمدة شهر واكثر يستاجر بيت لي بل انه اقدم على طلاقي لاني طلبت بيت وكنت شارطه العدل من البدايه وتخليه عني بهالسرعه بطلاقي اثبت لي اني مثلي مثل اي وحده تزوجها يجرب مشت اموره والا يعتبر ماخسر فيها كثير مما جعلني اتاكد انه ماخطبني الا لان عندي بيت ومايبي يتحمل مسئوليتي في يوم من الايام وحسيت انه بيكون عبء علي مو عون لي بالحياة ولقيت ان عيالي اولى بوقتي وصحتي وعواطفي منه ومن كل رجل وقوليله على كثر ماحبيته وعقدت الامل فيه بعد الله يعوضني على كثر ماجرحه وخذلانه لي طعن قلبي والمني هذا ملخص ماقالته لاختي وايضا طلبت سرعة احضار الورقه لها لتطوي هالصفحه نهائيا لااخفيكم يااخوان تاثرت جدا لدرجة البكاء والله بكيت وانا امام الكعبه ان يسامحني الله ان كنت ظلمتها من غير مااقصد وان ينزع حبها من قلبي اظلمت الدنيا في عيني واجتاحني شوووووووووووق لها عظيم تمنيت لو اراها فقط مره واحده اشبع منها لاني اشعر انها خطفت مني خطف قبل ان اشبع منها مشتاق لها وصدري ضايق من غيرها ارسلت لها تذكرت والذكرى مؤرقة @ الشوق يذبحني @ والوعد يعصمني اقصد اني وعدتها ان لاافعل الا مايرضيها وماترتاح له لو كان لايرضيني في مو ضوع الانفصال والطلاق فردت تذكرت والذكرى مؤرقة @ الشوق يذبحني @ ورحمتي باولادي تعصمني فتجرات مباشررررررة واتصلت عليها وانا في الحرم وسالتها بالله ان تعطيني سبب مقنع لاصرارها وردت علي اااااااااه يااخوان لما سمعت صوتها لم املك نفسي قلت لها مشتاااااااااااااق لك حرام عليك ليش تعذبين نفسك وتعذبيني لقيتها حزينه وحسيت من صوتها انها مشتاقه لي بس تكاااااااابر قالت جاوبت على اختك بكل شئ حاولت اثنيها ابين لها قالت خلاص الامر منتهي بالنسبه لي وانا تاقلمت على فراقك رغم الالم الي مريت فيه وانت بالحاحك تتعبني وترجعني وراء قلت انتي ماحبيتيني ؟ قالت عبارررررره حيرتني فيها اكثر واكثر وعلقتني بها اكثر احبك اشد ماتحب الزوجه زوجها طييييييييييب اجل ليش الطلاق ؟ قالت بالاضافه لما ذكرته لك ولاختك سابقا بعد ماجيت ذيك الليله لبيتي لاحظت ولدي الاوسط عمره 15 سنه يختلي كثير بغرفته بالظلام وعلى سريره يسمع اناشيد ولما دخلت عليه لقيته يبككككككككككككككككي بمراره على انشوده عن رحيل الاب وموته وانها من لحظنها حسمت امرها والي ساعد انها تتخذ هالخطوه بسررررررررعه جفائي وبرودي معها تقول انت بطريقتك خليتني احس انك ماتستاهل حبي لك والي يخليني اكسر قلوب عيالي عشانك وكلام كثير المهم مافاد معها شئ ابد مصره على الفراق وتقول لو تجيب لي قصر بجنب بيت عيالي ماراح ارجع لك ابدا لاني يوم اقول ابي بيت كنت اعاني وماحسيت فيني واعتبرتني استغلك او اطلب شئ مو من حقي قلت انتي قلتي انك ماراح تتزوجين ابد بعد طلاقك مني قالت حاليا نعم لكن مايعلم الغيب الا الله ولاادري وش ربي كاتب لي لكن تعلمت من تجربة زواجي منك اني ماتنازل عن شرط مهم في حال تزوجت بعدك وهو لازم اشرط بيت جنب عيالي قلت حتى لو شرطتي ووافق من البدايه اعرفك راح تقولين مااقدر اخلي عيالي قالت وش اسوي هذه انا وهذه نفسيتي ولاهو عيب لو تغلبت امومتي على حبي قلت وانا صاااااادق مااحللك لو تزوجتي بعدي وبنفس شروطك لي اذا سمعت انك تزوجتي غيري وسكنتي في بيتك والله واقسمت لها مااحللك لانك كذا تظلميني وانا عمري ماعرفت الطلاق وتضررت معنويا باخبار زوجاتي واسرتي وكل الامر مااستغرق الا ايام معدوده وقلت لها لو اقدر ادفع مليون واكون جنبت زوجاتي واسرتي هذا الخبر لفعلت قالت بعنف وانفعال وانا لو اقدر ادفع الدنيا ومافيها واجنب انكسار نفسي وانكسار قلوب عيالي لفعلت انا تزوجت ويعلم الله ابي اعيش العمر كله معك لكن هذه قسمتنا ونصيبنا وقدر الله وماشاء فعل قلت واخر كلام قالت ورقتي ولاتتاخر فيها وانا الصرااااااااااااحه ماني قادر اسير خطوه وحده للمحكمه عشان اطلع صك الطلاق ابيها واغليها ومشتااااااااااااق لها وبقلبي حسره منها لاحول ولاقوة الا بالله هذا كل شئ تم للان انتظر مساندتكم ودعمكم لي فانا في وضع نفسي سئ للغايه وافتقدها بشده وتمنيت اني ماعرفتها بعمري كله كنت مرتااااااااااااح قبل تظهر بحياتي رغم الروتين والملل الا اني مرتاح بالي خالي الان كل فكري معها واتذكر كل شئ قالته او سوته ومجرد احساسي انه ممكن تتزوج غيري اموت هم وكمد حسبي الله ونعم الوكيل |
اخوي الكريم انا ما تابعت موضوعك من البداية ياريت تكتب رابط الموضوع الاصلي انا حاب اطلع عليه عشان اعطيك رأي بكل امانة وصدق وان شاء الله ربنا بهدي سرك وسرها للاحسن وما بيصير طلاق لانو انا جدا مقتنع بالمقولة الي بتقول بس لا تزعل مني اخوي " لاتوجد امرأة مستحيلة ولكن يوجد رجل غير قادر"
تقبل تحياتي اخوي |
شوف أخوي
أنصحك تأجل موضوع الطلاق شوي ليس لاجل الرجوع لا انما لاجل التأقلم لكل منكما على الوضع القادم وهذا ما يسمى بالطلاق الناجح واخبرها بذلك قول لها اننا نحتاج الى بعض الوقت حتى نهيأ أنفسنا للفراق وبعد ذلك لااااااا تكلمها ولا تتواصل معها ولا تفكر فيها اعتبر نفسك وكانك قد طلقتها حتى اذا خلا قلبك منها تطلقها ولان الطلاق في هذه الحال قتل للقلب <<القلب لحمة ولا يزيد الامور الا سوء أعانك الله وفرج همك وأبدلك خيرا مما لقيت |
اهلين اخوي
بارك لله فيك موضوعي كان تزوجت ارمله ورفضتني والثاني من اين لها كل هذه القسوه ؟ اعذرني اخوي مااعرف احط روابط اول مره بحياتي اشارك بمنتدى انتظر مشورتك بفارغ الصبر |
اختي ام داليا
انا طلقتها بالفعل ردت الي المهر وطلقتها بعد الحاح منها شديد ولاتحل لي الان الا بعقد ومهر جديد وانا احاول ذلك معها وهي رافضه وتطالب بصك الطلاق وانا عااااااااجز والله عاجز عن حمل نفسي للمحكمه وتوقيع الصك مازل قلبي متولع فيه ويريدها والصراااااااحه انني اماااااااااااطل واؤجل الذهاب للمحكمه لعل الله يهديها واعقد عليها من جديد |
لا حول و لا قوة إلا بالله انت الآن قدمت من اطهر بقعة في الدنيا انسى ماماضي او حاول نسيان ذالك لان الأمر حسمته وانتهى ولاداعي للحزن واعرف مدى تأثرك بفراقها ولكن هذا قدرك والحمدلله على كل حال
واترك مدة فوق 6شهور واطلبها واذا رفضت ايضا الحمدلله وصك الطلاق اصبر عليه فترة واذا شفت الحاح كثير اخرجه لها أعانك الله على تجاوز محنتك ونسيانها وبارك الله في زوجتيك وابناءك وطرح الله فيهم البركة لسد فراغها |
لا حول ولا قوة الا بالله
الله يكون في عونك وعونها ما اقدر اقول الا الله يلهمك الصبر بس حبيت انبهك ارجوك ثم ارجوك حاول ماتبين لزوجاتك شدة تعلقك بها خلاص اعتبر الامر انتهى واحمد الله ان مصيبتك لم تكن في دينك وانظر الى مصائب غيرك فتهون عليك مصيبتك وادعوا الله في سجودك (اللهم لا تجعل الدنيا اكبر همنا ) |
اقتباس:
عجبني تعليقك اختي بس بالله لاتزعلي مني زي الانسان الي راح للدكتور وقاله عندك سرطان بدون اي مقدمات هههههههههههه وما حاول يتأكد انو مريض او يحلل او يعمل شي يعني قصدك اختي انو يتكل على الله ويطلق .................. طيب ليش ما نحاول نعطيه حلول لعل وعسى الله يهدينا بطريقة للرجال ونحل المشكلة ... اختي تقبلي تحياتي ولا تزعلي بس يعني مجرد تعليق كان في نفسي |
اقتباس:
وابدأ تحاول كل يوم على مدار الشهرين وفي اي وقت من اليوم تحس بمشاعر بداخلك تجاهها " يعني الي بتفكر فيه على مدار المهلة " اكتبه بشكل رسالة نصية وارسله لها وانا ضدد الاخت الاخت الي بتقولك لا تحسسها باهتمام شديد لانو الحين المرحلة حرجة الك اكون او لا اكون بالعكس حسسها بأنك ما تعيش بدونها وياريت تحاول تكسب قلب اولادها لو اخذت اخو طليقتك واولاد طليقتك عزمتهم في مطعم وحاولت تخلي الاولاد الي تعلقوا فيك اكثر من امهم حبب الاولاد فيك اشعرهم واشعر امهم انك مهتم فيهم بس تكون بنية صادقة وربنا يوفقك ونسمع اخبارك الطيبة تحياتي للجميع |
الله يهديها ويحنن قلبها عليك وترجع مثل اول واحسن بس انت لا تستعجل حاول مرة ومرتين وعشر وتذكر دائما ان الحجر لا يكسر من اول ضربة لا تياس كلمها وبين لها ندمك وحبك ولازم تبين لها ايضا انك رح تعامل ابناءها كمعاملة الاب ووالله لك الاجر لو كنت ابوهم الثاني وعوضتهم عن حنان الاب الي فقدوه انصحك ما تستعجل قلها انك رح تعوضها واستاجرلها بيت وحط فيه غرفة لاولادها رح تحس انك فعلا تحبها وتحب اولادها ادعيلك من كل قلبي الله يجمع بينكم على خير ويلين قلبها وترجعلك
|
| الساعة الآن 02:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©