|
زوجي والحشيش أرجوكم ساعدوني
السلام عليكم ورحمة الله وبركاته
أنا اول مرة اكتب موضوع كنت مترددةوطفح الكيل مشكلتي مااقدر اقولها لأحد عشان فيها خراب بيتي أنا متزوجة من 7سنوات وعندي ولدين واحد منهم معاق وعندي بنت الحمدلله ماأمدح نفسي بس والله وبشهادة الجميع اني زوجة شبه كاملة وزوجي طيب لدرجة مومعقولة بس غاااااااامض لدرجة انك تعيشي عشان تفكي ألغازه وكذاااب كبير"المهم قبل 3سنوات كنت متنومة بأولادي الإثنين في المستشفى 10أيام كان يزورني زوجي في البداية وفجأة انقطع سألته ماحتجي قال لا اش عندك قلت هذولا أولادك قفل بوجهي #وعديتها كعادتي# وتعبت من المستشفى قالت امي روحي ارتاحي في بيتك وتعالي بكرة وصلني ابوي بيتي ولما دخلت البيت لقيته نايم وجنبه عدة خراب دخان وأشياء غريبة عرفت بعدين انه حشيش تخيلوا اخذتها ورفعتها فوق الدولاب خفت ارميها يقلب الحق علي وبعدها بفترة لقيت ورق صغير زي المونوبولي في جيبه عرفت انه يلفوا فيه الحشيش وقلت له هذا يلفوا به الحشيش قال إيه قلت ليش عندك تستخدمه؟ قال لاوانا عارفه انه كذاااااااااب #وعديتها عشان اعيش#ومرت السنين وانا ساكته وقبل سنه كنت حامل وتعبانه اكتشفت انه يجيب الشباب عنده ولما يطلعوا القى اوراق الحشيش نسيوها#وانخرست عشان اعيش# بس ابكي لوحدي وقبل شهر قررت اصارحه بالذات لما تعرف على شباب جيراننا وانا اعرف انهم يحششون وكلهم بدون وظيفه وهو موظف حكومي واذااكتشفوا بينفصل المهم صارحته وقال عمري ماآذيتك بس مالك الا اللي يرضيك وكله كذب ومايزال على وضعه كل يوم يجي محشش وصرت اعرفه اذا استعمل وصار بشكل يومي وماني قادرة اقول لاحد ساعدوني الله يخليكم انا خايفة على اولادي بالذات على المعاق يضيعوا بعده اكلم مين؟؟ ابوي والا اخوه ؟مع ان زوجي كبير ومسوي انه عاقل أخاف يندمني لاتتجاهلوني دخيلكم انصحوني"سامحوني طولت" |
السلام عليكم
كان الله في عونك اختي مشكلتك صعبة ....... انا حاسة فيك لان عندي اخ عنده نفس المشكلة واحنا كلنا قي البيت نعاني بسببها . وعلى قد ماسوينا مافيه فايدة ....... اخر مرة ابوي دخله مصحة خاصة بادمان الحشيش وصار يحلف انه رح يبطل بس طلعوني ....... ويوم طلعناه في نفس اليوم راح اشترى حشيش ..... وزي ما قلتي كذاب درجة اولى والادهى والامر انه يسرق من البيت عشان يحشش ....... والغريب في الامر ان الناس المدمنين على الحشيش يصبحوا بليدين ما يحسون وفي نفس الوقت فاقدين احترامهم لنفسهم وهذا يجعل الحياة معاهم صعبة . نرجع لقصتك ...... وضعك هذا ما ينسكت عليه لازم تروحي لاحد يساعدك ....... ولازم ايكون شخص حكيم وانا افضل انه ايكون من اهله هو لو ممكن ....... بس لو مافيه احد من اهله يمكن تلجئين له في الحالة هدي لازم اتخبري احد من اهلك ......... وتوقعي انه ما رح يسكتلك على هذا الموقف ورح ايسوي مشاكل ........ وكمان ماتتوقعي انه بيبطل على طول ..... ويمكن ما يبطل ابدا .... هنا انت لا زم اتقرري هل ستستمري معه رغم هذا الوضع ......... ام انك تفضلي تعيشي وتربي اولادك في جو نظيف عشان ما يطرو ايعيشو مع اب مثل هذا ..... انت الي لازم اتقرري .... وتشوفي اهون الضررين واخيرا ادعيله الله يهديه ويصلح حاله .... |
ياعمري علييييييييييك
انتي غلطاانه بلبداااااايه تمشييييييين اخطااااائه ناااقشيه لكن وهو بوعيييييييييييييييييه !!!!! افتحي معه الموووووووضوع قؤلي ليش صرت تحشش !!!!انا اخااااف عليك ومنك اخاف علئ نفسي منك ومن زملالالالائك انت ماتحبني ؟؟؟ ولو انك تحبنيييييييي ماتسؤي كذا ووووو........... حسسيه بخطئه ؟؟؟؟ وهدديه وقؤلي اذا ماتركت هالشيء راح اسلك طريق 2 وهو ارؤح وأتركك انا احبك ولا ودي اسؤي الشيء لكن ابيك تكون حبيبي الاول .... مشكلتك خواااااااااااااااافه ليش ماصااااارحتيه وقؤمتي الدنياااااا عليه وهو بجنبه الحشيش قمتي وحطيتيه فؤق الدووولالالالالالاب !!!! خافي علئ عياااااااااااالك حبيبتي !!!!! بلمستقبل بتتدهور حالته الله يستر لاشيااااء 2 اذا باقي جيتي وهو يحشش هالشيء هو واصدقاااااااااائه وعندكم بلبيت دقي علئ اخوه وابؤؤؤؤؤؤؤؤؤه وخليهم يشؤؤؤؤؤؤؤؤؤفؤن بعيؤؤؤؤؤؤؤؤنهم .... وافضحيه وقؤلي حذرته ونبهته لكنه تمااااااادئ !!!!!!! لاتسكتين اذا ماشفتي اي تطؤؤؤؤؤؤؤر امهليه يؤمين او 3للتغييييييير وحاولي وحاااولي اما انك تخبين عليه فهذ اكبر خطاااااااااااااااااااء والمصييييييييييييييييييييييييييير مو زين لا لك ولا لولدك ..... اذا تطور الامر دوووووووووون اي تر للحشيش فرؤحي بيت أهلك .لكن قبلها حاؤلي به ثم اخبري اهله ثم اهلك أخر شيء.... السكووووووووووت مو حل والهرررررررررررؤؤؤؤؤؤؤؤؤؤؤؤؤؤؤؤؤب من المشكله هو المشكله . الله يفرج همك لاتنسين الاستغفاااااااااااااااار. |
اكتبي لة رسالة واكتبي له كل في خاطرك
الله يتوب عليك ياليت الاخت الصائمة تكتب لك الرساله لان اسلوبها روعه الله يفرج همك ويبعد عنكم كل شر |
وعليكم السلام ورحمة الله وبركاته 00 مشكلة تعتبر ظاهرة مفزعة وتحتاج الى حل جذري يحتاج شجاعة وعزيمة وإقدام تسجيل حظور ولي عودة بإذن الله دعواتك بالتيسير |
الله يجزاكم خير
انا كل ماابغى اكلمه يقول ماني فايق للكلام لما اشوف الوقت المناسب نتناقش هو عارف وخايف ولما انفجر واكلمه يسكت اقول له قول شي دافع أو برر أواعترف لكن جدار ولا نفس وانا ماابغى اخرب بيتي واولادي متعلقين بابوهم مررررررررره بس خايفه يفقد عقله مع كثر الإستخدام والله اني احبه عمره ماقصرعلي ويموت فيني وطيب وكريم ويراعيني دائما ومايحب يتعبني ولايزعلني وماكذغلط علي ويحترمني ودائما يقولي انا أحمد الله انك زوجتي وبدوني مايخطي خطوة الابرأي برأيكم هذي المحاسن ماتخليني افكر 1000000مره اني اسيبه احسه بيضيع لوبعدت عنه لما اكون نفاس عند اهلي والله يجلس يبكي لما يجي عندي لكنه مايحب الحوار والنقاش والنصيحة وكلامه كله دين لدرجة محد يشك انه يمشي طريق غلط وانا ماابغى اشوه صورته قدام اي احد حتى اهلي واهله وابى اساعده بس مو عارفه الطريقه............... دلوووووووووووووووووووني مشكورين |
السلام عليكم ورحمة الله وبركاته 00 اذا سمحتي اريد بعض المعلومات التي ممكن تساعد في معرفة الطريقة المناسبة للتعامل مع زوجك هداه الله وهي : مستواه التعليمي ,, عمره ,, بيئته اهله اخوانه علاقته بهم هل هم من وسط متدين ام غير تعليمهم مستوى علاقته بوالديه كيف ؟ تقييمه الديني مستوى محافظته على الصلاة القران ؟؟ انت كذلك ؟ محيط عمله هل هو عسكري او مدني ؟ هل زملاء التعاطي هم زملاء العمل ام في الحي هل منهم اقارب له ؟ هل سبق ان ادخل السجن او مستشفى الأمل او لديه قضايا ؟ كم عمره الإدماني وهل ثم مواد اخرى غير الحشيش ,, مثل الحبوب او الشراب ؟ هل لديه اعراض ذهانية هلاوس من سماع اصوات او غير ذلك هل لديه شكوك او اضطرابات في الشخصية او يتعاطى علاج نفسي دعواتي لك بالتوفيق |
السلام عليكم
ياعمري مرررررة تأثرت من كلامك وخاصة اذا كان يستاهل وماودك تخسرينه حبيبتي فيه رواية "قصة حقيقية" اسمها ربع غرام وكلها تحكي قصة واحد من مصر انتقل من الدخان الى الحشيش الى الهروين وبعدين ضاعت حياته وبعدين يحكي كيف عالج نفسه ... اولا : عليك بالاستغفاااااااااااااار والدعاء ثانيا: حاولي تحاكينه وهو في وعيه مثل ماقالوا الاخوات وقولي له انت موظف وهم عاطلين باطلين لايقيس نفسه عليهم ...ترى والله عيال الحرام يجرجرونه لين مايترك الوظيفة ثالثا: اذا كان مثل ماتقولين فيه دين وعاقل ليش ماتحاولين تكلمين امام المسجد اللي جنبكم يتقرب منه ويحاول يروح معاه يعني بالاخير يحاول يبدل صحبته بناس فيهم خير .. وقولي له يتحاور مع زوجك بس مايقول انو جاي من طرفك ... حبيبتي اهل الخير واجد سواء داعية تكلمينه او احد هو معجب في شخصيته ...بس من رايي لاتحاولين اهلك يحاكونه ... اوكي مو مشكلة يدرون بس احس اذا فاتحوه بالموضوع وهو حس انو الكل داري عنه يمكن تكبر المشكلة وتجلسين عن اهلك وهو ينغمس في هالخراااااااااب ... اسأل الله العظيم انه يفرج همك .... الله يهديه ويحفظه ويخليه لكم |
اختي الغاليه
للحشيش تأثير كبير جدا وخطير على من ادمنه فهو دائما كذاب من الدرجه الاولى فتجدينه دائما يختلق القصص الخياليه ليروج لكذبه ويصل لمبتغاه ايضا يصيب المدمن البرود فتجدينه لايبالي بشيء وغيرها من الاضرار عافانا الله واياكم اختي انا ماذكرت هذه الاضرار علشان اخوفك لكن ذكرتها علشان تعرفين كيف تتعاملين معه ولاتنصدمين باي تصرف مفاجئ لكن نصيحتي لك موضوع زوجك يحتاج الى رجل عاقل والاولى ان تلجأي الى والدك ويجب ان يعرف ما يدور في حياتك وارجو الا تتكتمي على الموضوع اكثر من ذلك ودعواتي لك وله بالصلاح والهدايه |
اقتباس:
ثانيا: حاولي تحاكينه وهو في وعيه مثل ماقالوا الاخوات وقولي له انت موظف وهم عاطلين باطلين لايقيس نفسه عليهم ...ترى والله عيال الحرام يجرجرونه لين مايترك الوظيفة اختي الغاليه اي مدمن يكون في وعيه يكون اكثر تنرفزا وضيقا ويكون مو طايق حتى نفسه اما بالنسبه لأمام المسجد فلا احبذ انها تلجأ لرجل غير محرم لها والافضل انها تلجأ لأبوها واسمحيلي لمروري |
| الساعة الآن 03:39 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©