|
مخطوبة وتعرفت على شخص وارتحت له (حُلت ولله الحمد)
بسم الله الرحمن الرحيم
الله يخليكم ساعدوني انا محتاره وخائفه زي ماانتوا عارفين انا مخطوبه بس ماتحدد شئ بس اخذوا الموافقه مشكلتي تعرفت على واحد وارتحت له اول مره بحياتي ارتاح واول مره اكلم واول مره احب وهو نفس الشئ على حسب كلامه للاسف جلسنا تقرباً شهر وعرف اني اقرب له وان ابوي وابوه اوالاد عم وهو شاك اني بنت ابوي او بنت عمي لان قال اسماءهم بس انا ماصرحت له بااسم ابوي عشان احس اني فضيحه المهم هو لما عرف جلس يترجني ويقول ابي اخطبك الله يخليك لان مااحب زواجات التقليديه وانا ارتحت لك بالحيل واتمنى ننهي علاقتنا بالزواج بااقرب وقت وارسل لي مسج اليوم كاتب فيه لازم تفكرين فيني كخطيب ماينفع وضعنا كذا لاننا متعلقين ببعض ولانبي نفقد بعض وقلت له مخطوبه قال ماابي اغصبك ترفضين خطيك ابيك تستخرين زين بعلاقتنا وتستخرين الزواج مني او من ولد عمك وبصراااااحه انا خايفه ومحتاره وربي حبيته من كل قلبي لان كل المواصفات اللي ابيها فيه وهو اعطني مهله افكر اسبوع انه يجي يخطبني لان يقول لو يدروا عننا جماعتنا واقاربنا راح تصير مشاكل قويه واحنا لازم ننهيها بزواج طبعاً محد يعرف بعلاقتنا سواً من عندي ومن عنده وانا مررررررره محتاره وخايف ماادري اش رايكم انتوا وياليت مايكون في تجريح بالكلام واكون شاكره لكم |
الله يعينك مدام في موافقه على شخص من الاول المفروض ماتبحثي عن شخص اخر حتى لو ماتم شي تخيلى التانى ماكان طيب وسببلك مشاكل انتى في غنى عنها في شهر حبيتى كل دا الحب انا اعتقد تعلق وافتقداك اكيد للحنان والزواج
اتمنى الاعضاء يفيدوكى الله يسهل امورك ويكتبلك كل خير اتمنى ماتزعلى من كلامى وان شاء الله ربنا يختارلك كل خير |
اصلا مابيقول لك تعرفت على غيرك الف وحده عشان لا تكرهينه ..قد سمعتي حرامي يقول انا سرقت ؟؟؟
ماقد سمعتي القصص اللي فيها تعرفت عليه وتعرف علي و انا اول مره وهو اول مره ماقد سمعتي نهاياتها؟ اذا ماسمعتي ... فأنا اقولك هنا انها نهايات شائكه دائما ومحزنه ومبكيه ومخزيه وفي بعضها وصلت لقتل البنت !!!!!!!!!! وش دراك ان هذا مو قاعد يعمل لك كمين ؟ ولأبوك؟ ويبي يدنس شرفك؟ انا ضد اي تمادي اكثر في موضوعك معه واذا هو يقرب لك صحيح ويوم قلتي مخطوبه المفروض يعرف انتي مين بس هذا جالس يلعب عليك وانتي مو عارفه جالسه تستهبلين على نفسك والا من صدقك تقولين قريبي؟؟؟؟؟؟؟؟؟؟؟؟ رأيي انك تقطعين علاقتك فيه وارجعي لربك استغفريه واقطعي جوالك او ايميلك ... اي شي لك تواصل معه فيه واستعدي للحياه الجديده مع خطيبك .. والا ارفضيه لا توهقينه معك وانتي قلبك مع غيره مو معه حرام الخديعه .. وعموما انتي لو مو عارفه ان تصرفك خطأ ما جيتي قلتي ساعدوني الله يعينك ويهديك ويستر عليك |
اولا تنهي هذه العلاقة بسرعة
ولو هو عايزك زي ما بيقول قريبك يسأل عنك ويطلبك من والدك وهو صاحب الامر في ها الموضوع لكن عموما عايزة اقولك ان الي حصل ده لا يمكن يكون حب ايه هو تعريفك اصلا للحب واحد بيقول كلام الله اعلم بصدقه لكن انتي لكي مزاج تصدقي انتي بتخدعي نفسك وبتقولي
اي مواصفات تتكلمين عنها اكيد المواصفات الي هو وصف بيها نفسه او هي الصورة الي هو عرفهالك عن نفسه لكن ما خفي كان اعظم استهدي بالله وما توقعي نفسك واهلك في مصيبة واقطعي علاقتك بهذا الشاب ومش كل حد يغني عليكي بكلمتين فرغين تصدقيه حبيبتي واضح انك خبراتك قليلة علشان كدة قدر يسيطر عليكي في شهر واحد ربي يهديكي ويصلح حالك اطلبي من الله في قيام الليل يبعد عنك كل من اراد بيكي سؤ وينورلك بصيرتك |
اقتباس:
الأفضل انك تقطعين علاقتك بهذا الشخص و التوبة إلى الله تعالى عن مثل هذه العلاقات. لو كان بالفعل هذا الشخص يحوي جميع المواصفات التي تريدينها لما طلب منك رفض خطيبك، هذا الحل لا يقترحه أي رجل جاد و عاقل! اقتباس:
لك الحق في رفض خطيبك الحالي إذا رأيتي أنه بالفعل لا يناسبك لكن ما الذي يضمن لك أن هذا الشخص سيتقدم لك أصلا؟ و مالذي سيضمن لك الموافقة المبدأية من طرف أهلك؟ بذلك أقل ما يمكن أن يحدث هو أن تخسري خطيبك! و لا أعتبر الشخص الذي تعرفتي عليه خسارة بقدر ما هو خطأ. أسأل الله تعالى أن يهديك سبيل الرشاد. |
استغفر الله العلي العظيم ايش صاير بالدنيا البنت ماعاد صارت تثق بالله وتروح بنفسها للحرام عشان احد يستكشفها هذا تفكير بعضكم الله يهديكم ويصلحكم
اختي ريفان والله ثم والله اي شاب بمدة 3 شهور مو شهر الا3 شهور يخليكي تقولي انا عندي ملاك من المواصفات الحلوه وا وا وا وا شي طبيعي لما اتعرف على وحده امدح واقول وانا وانا كل هذا بنفسي مدح وانتي ماتدرين الواقع ايش؟؟؟ هذا الكلام ينطبق عليه صدقيني صدقيني صدقيني دام جاكي من ذا الطريق ولله حتندمي وممكن هو صحيح جاد بيخطبك بسبب شاف صورتك مثلا او لاي سبب ثاني مجرد نزوه يعيشها انه يبيكي ومجرد مايتقرب منك والله حتبدء حياة الجحيم والشك اما الفتره هذي هو الحين مايفكر بعقليته يفكر بقلبه وانه تعرف على انسانه ويحبها وتحبه ويرسم خطط المستقبل بس مصيره يرجع يفكر بعقله وتبدء حياة الشك نصيحه من اخوكي انتظري الاول واقطعي علاقتك مع هذا والله يوفقك ويسعدك |
كان الازم ان لاتوافقي على الخطبة الا وانت واثقة ان مناسبا لك اما بعد الخطبة فارتياحك للثاني غلطة قد ربما يتحول الأرتياح الى حب ثم تكون الكارثة لانك ستتزوجين من لا تحبي وتحبي اخر وهذه هي الخيانة
الا اذا كنت مقتنعة ان تقنعي اهلك بفسخ الخطبة الاولى بعد اقناعهم بالخاطب الجديد |
اختي في الله نصيحة لكي قفي عند هذا الحد معه وأن كان صادق ،، فبدايت العلاقة عن طريق الهاتف أو غيره وهي بكل وضوح {معاكسة غزل} وهالشي حرام وباطل . وأنتي بنت مخطوبة ومستورة حال ، وجاء هالشخص وبيحبك عليكي دور الحب ومسلسل عاطفي ؟؟ أنتي ماتقري جرايد أنتي ماتسمعي قضايا كيف بدت وكيف أنتهت ؟؟ نصيحة أتركية ولايعرف عنكي شي وغيري كل أرقامك وأنسية ؟؟ ومصيبة انه قريبكم يعني وش شعورك لو يساومك ع عرضك وقد عرف أنتي مين ؟؟ نصيحة أخ فالله :- قفي وتوبي أرجعي لله من هذا الذنب . وعمر مكالمات الهاتف ماجابت خير لو استمر الزواج لابد من يوم ويدخل الشيطان بقلب الزوج ويقول أنا تعرفت عليها عن طريق الهاتف أو غيره ؟؟ وهاتفها مشغول أو انتظار لفترة يمكن مو مظبوطة ؟؟؟ أخر كلامي الطريق اللي تمشين فيه خطا ومغضب لرب العالمين . هداكي الله |
الله يهديك الواحد يقول اللهم اغنني بحلالك عن حرامك
وانتي الله اغناك بالحلال وبحثتي عن الحرام توبي الى الله هذا اللي انتي فيه مو حب هذا الشيطان اللي مزينه في نفسك والحقي نفسك قبل لا تندمي بهدم حياتك وحياة اهلك وانا اقول لك اي رجل لايمكن يتزوج وحده كانت تكلمه في التلفون وهو اجنبي عنها الله يهديك للصواب |
لا لا لا انتبهي
ابعدي عنه واقطعي علاقتك معه اولا هذا شلون يرضى عليك وعلى نفسه يطلبك للزواج وهو عارف انك مخطوبه هذي خصله مو حلوه ابد فيه بعدين وش هالحب اللي جاء في شهر بس لا تخلينه يعرف من انتي ماتتوقعين وش يصير بكرا اذا عرف من تكونين ممكن يحفظ محادثاتك ويهددك فيها حتى لو كان قريبك لا تأمنينه ولا تثقين فيه واقولك الف مره انتبهــــــــي |
| الساعة الآن 12:19 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©