|
الموضوع يخص ابني
السلام عليكم ورحمه الله وبركاته
حبيت اخذ رايكم في موضوع يخص ابني ,,,,, ابني له مراجعات في المستشفى يمكن لي شهرين وانا اراجع به في النهايه قرروا يعملوا له عمليه الحمدالله العمليه سهله لاحد الان انا ماقلت لابوه وهو مايدري عنه اصلا واحنا نعيش في مدينه وحده الموضوع انه هل اخبر ابوه والا لا لاني خايفه وماودي اشوفه ,,, في نفس الوقت ابني لما اقوله بقول لابوك يوديك المستشفى يقعد يبكي وانا محتاره مدري وش اسوي ... فيه ناس يقولوا قولي لابوه عطيه خبر وناس يقولوا لا هو وينه عنه طول هالفتره مايدري عنه ولا يصرف عليه يمكن ياخذ منك وربي اني محتاره ومااقدر على فراقه رايكم يهمني |
الله يكون بعونج
لازم ابوه يدري عطيه خبر واسليه اذا حاب يوديه مو تفرضينه عليه فرض |
وعليكم السلام ورحمة الله وبركاته الله يسهل امركم على خير وما يشوف شر ان شاء الله من الافضل انك تخبرين والده ولو مجرد معلومة وخبر فقط |
السلام عليكم
من رايي لازم يدري بس مو شرط تدقين عليه ... فقط " عطيه خبر " برسالة على جواله او مع من تتواصلين معاه علشان ابنك ... ووضحي في الرسالة او ن: السلام عليكم ابو فلان ترى فلان عنده عملية في اليوم الفلاني , وانا بلغتك من اجل الامانة ومسؤلية الابن اللي بيننا دعواتك بسلامته ======== وبكذا انتي ارضيتي الطرفين ربك ونفسك وابنك ولا عاد تكررين على ابنك هو حالته النفسية تعبانة علشان العملية تجلسين تقولين له ابوووووك ؟؟؟ دعواتي لك ... وطمنينا عليه الله يقومه بالسلامة |
اقتباس:
انا اوافق اختي قلب الماما عين العقل في كلامها الله يقومه لك بالسلامه ويخليه لك ويقر عينك بشوفته سليم ويلبسه ثوب السلامه والعافيه & |
الافضل تخبري
الله يطمنك عليه يارب طمنينا كيف صحتووا |
السلام عليكم
اعذروني اليومين هذي كنت تعبانه ماقدرت ارد عليكم واشكركم على ردودكم ورايكم ابني حمدلله بخير وانا ماراح افرضه على ابوه فرض زي ماقلتي يااختي وهو في النهايه ابوه ويعطيكم العافيه |
السلام عليكم ورحمه الله وبركاته
حمدلله الوضع تمام خبرت ابوه وماقصر كمل المرجعات عني تضايق شوي قال ليه ماقلتيلي من بدري زاره اكثر من مره وجابله شويه اغراض وماصار اللى كان في بالي حمدلله ............ يعطيكم العافيه ...............ز |
حمداً لله على سلامة ابنك ..
أسأل الله ان يجعله قرة عين لك .. والحمد لله لازالت الدنيا بخير .. وكم من الأمور نخشاها لكن تتسهل وتحل بفضل الله عزوجل .. |
| الساعة الآن 02:13 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©