|
زوجتي لاتعرف تطبخ وسببت لي أحراج ومشاكل
السلام عليكم
يا أخوان ويا أخوات انا متزوج قبل 8 شهور تقريبا ومشكلة زوجتي انها ماتعرف تطبخ نهائي لا كبسة زي الناس ولا اكلة تعرف تتقنها الا سندوتش بالجبن ! سببت لي احراج مع كل الناس اقاربي اصدقائي اهلي لدرجة اني ماصرت اعزم احد عشان لا اتفشل من طبخ زوجتي واهلي انحرجوا مني خل زوجتك تطبخ لك لانهم عرفوا اني اشترى من المطاعم وصار لي نزلة معويه من اكل المطاعم يا اخوان وش الحل !!!! |
كم عمرها؟
ساعدها انت امدحها اشتريلها كتب طبخ خلها تدخل المنتديات وتتعلم شجعها كلنا كذا في بداية زواجنا والحمدلله تعلمنا حرام عليكم تكسرون خاطر البنت اكيد هيا مو متعمدة تسوي طبخ مو حلو بعدين الناس تختلف في حريم مايفلحون الا في الطبخ وفي بعضهم بالتنظيف وبعضهم بالخياطة وهكذا لكن في بعض حريم ماشاء الله عليهم كل شئ يعرفونه بس اكيد مع الخبرة يمكن زوجتك صغيرة ومامداها تتعلم في بيت اهلها |
وعليكم السلام اخوي الكريـم 8 أشهر طويلة وانت قـاعـد تشتري من المطاعم.... هـل شراءك بسبب رفضها، أو أنك ما تبغى تحرجها ؟؟، أو أنك ما تصبر على محاولاتها وتعلمها ؟؟؟ ومع ذلك من الآن شجعها واصبر عليها حتى تتقن الطبخ ... وممكن تخليها تسجل هنا وتشارك الأخوات في ركن الطبخ والنفخ...:d وفقك الله عزوبي:22: بس:d رجل:30: |
الم تكن تعلم عندما خطبتها انها لا تجيد الطبخ ؟؟ |
الطبخ جدا سهل ما يحتاج وقت كبير لتعلمه
وعليها أن تتعلم الطبخ ولا أفضل أن يتم ذلك عن طريق كتب الطبخ بل عن طريق المنتديات لأنها توضح خطوات الطبخ بالصور فتكون أسهل عليها في التطبيق أختار لها كل يوم طبخة من النت وخلها تطبق واصبر عليها مو شرط تظبط من أول مرة مرة مرتين وبيمشي الحال وفي العزايم لا تطبخ إلا الأشياء إللي أتقنتها وبتلقها تعلمت الطبخ في وقت قصير أقل من 6 أشهر |
الطبخ نفس
والا هو مو صعب الظاهر ماعندها نفس اصلا في الطبخ ...كثير يطبخون بس سبحان الله ما يتاكل عموما جب لها كتابين سهلين ... مثلا منال العالم ومريم محمد عبدالله رائعات هذول وكان الله في عونك وانت غلطان ياخي تعزم وانت عارف انها ما تعرف تطبخ ... اصبر عليها لاحق ع الرسميات رساله لكل ام ............. خافي الله وربي بنتك عدل ... لا تقولين دلوعه وبكره تتعلم.. |
اقتباس:
عندها تقريبا كل كتب الطبخ ماقصرت معها مدحتها وطولة بالي معها كثير والنت ما تعرف له |
اخي الكريم انا لم اتقن الطبخ الابعد مرور سنة او اكثر لاني كنت ادرس عندما تزوجت فلم اكن اجد وقت لتعلم الطبخ
المهم انني تعلمت عن طريق اخذ الوصفة بدقة وتطبيقها عدة مرات الى ان اتقنتها ولن اكذب واقول ان الحين طبخي خطير لكن على الاقل لما اعزم حدا بيمدح باكلي لاني وقت العزايم اعمل كل شي بالحذافير حتى لاانحرج وياما انحرجت بسبب نسيان الملح او تخبيص الرز على العموم جيب لها كتاب منال العالم انا جبته هدية لاختي الصغيره الحين ماشاء الله عليها اشطر مني بالطبخ خليها تجرب لاتحبطها امدح اكلها رح تحب تعمل ثاني اما اذا تميت تنتقد بتمل وبتكره الطبخ نصيحة لما تعزم حاليا جيب الاكل من مطعم الى ان تتعلم زوجتك الطبخ يعني مو حلوه تعزم ناس وزوجتك مابتعرف تتطبخ تحياتي |
اقتباس:
انا اشتري من برا اليوم فيه ثلاث وجبات الفطور سندوتش وخلصنا منه الغدا كبسه تسوي ولا تعرف له العشاء تسوي مثلا مكرونه وتخبصه بكذا اظطر اني اروح من حالي واشتري لي عشاء الساعه 10 الليل !! ونا والله ماقصرت معها ومتفهم ومخليه ماخذ الوقت كله ولا ماصبرت 8 شهور |
اقتباس:
ولكن بعد الزواج طلع العكس وتقولي ماتدري وش صار لها بعد الزواج ماصارت تعرف تطبخ !!!! |
| الساعة الآن 04:10 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©