|
إحدى قريباتي تهددني بإفشال خطبتي(حُلت ولله الحمد)
السلام عليكم ورحمة الله وبركاته
اخواني اخواتي محتاج مشورتكم ومساعدتكم لي انا شاب مقبل على الزواج حصل لي مشكلة واتمنى تساعدوني لما كنت في بدايات دراستي الجامعية كان يجيني اتصالات كثيرة من بنات وانا بصراحه ماني راعي هالحركات بس كانت الاتصالات غريبه ومزعجه جدا وكنت اطنشها جلست فترة طويلة على هالحال ومرة من زيادة هالشي زعلت وقررت اعرف من هذي ؟؟!! وفعلا رديت وجلست اتكلم لين عرفتها طلعت وحده من قريباتي تبغى تتقرب مني بس انا جلست انصحها واطنشها ومااعطيها وجه بس كمان ماتركتني اتصالات كثيرة ونفس الوضع .. هذا الكلام قبل 5 سنوات في اخر سنة من دراستي قررت اخطب وحده من قريباتي والبنت اللي تزعجني تقرب لها كمان يعني كلهم يقربون لي ولما خطبت وكتبت عقد القران جلست انا وخطيبتي فترة كانت بدايتنا حلوه مره بس بعد فترة حسيت بتغير من جهتها وانا كنت صريح معاها من البداية وقلت لها ان هالبنت كانت تزعجني زمان وسلوكها ماهو كويس .. المهم انا حسيت ان خطيبتي متغيره وكانت تدور المشكلة بأي وسيلة جلسنا سنة اغلب وقتنا زعل وانا متحمل وكنت اقول في نفسي يمكن الوضع جديد ع البنت ولازم اتحملها لكن زاد الوضع مره لين حصل بيننا مشكلة وطلبت الطلاق وهاجمتني بكلام ماينقال .. لكن انا كمان ماتسرعت وجلست شهر احاول الموضوع يتعدل لكن مافيه امل وفعلا طلقتها .. بعد طلاقي بأربعة اشهر خطبت قريبه لي ثانية والبنت اللي كانت تزعجني زمان تعرفها لسوء الحظ .. وبعد ماخطبت بشهرين يعني وقتنا الحالي بدأت تجيني رسايل تهديد بإفشال خطبتي وتغيير خطيبتي عليه وكان في الرسايل اعتراف منها انها هي اللي خربت خطبتي الاولى وراح تسوي نفس الشي مع خطيبتي الحالية ... انا الحين وش اسوي والد هالبنت يقرب لي والعائلة داخله في بعض كيف اتصرف وصعب النقاش معهم لان الموضوع حساس ومحد راح يقبل هالكلام على بنته فأنا وش اسوي الحين عطوني حل يا جماعة الخير ... |
الرسايل احتفظ فيها بجوالك
وصارح خطيبتك .. وراويها الرسايل باعترافات هذيك البنت علشان تفهم وتكون على بينه وتقطع صلتها فيها نهائيا الله يوفقك |
يجب أن يوقفها أحد عند حدها يا أخي .. فالموضوع ليس مجرد شقاوة .. بل هو خراب بيوت.
أقترح عليك أن تخبر والدتك بالموضوع وهي تتحدث مع والدتها .. واحتفظ برسائلها كدليل حتى لا تتهمكم والدتها بالكذب وتلفيق الموضوع. |
الله يعينك
من رأي بكر الشايب أو انت هددها بأنك ستقول لأبوها أ و احد اخوتها ,,تهديد الله يعوضك بخطيبتك الجديدة |
انا فعلا اخبرت الوالدة لكن الرقم المرسل منه مجهول وليس معروف لدى العائلة
وتقدر انها تنكر هالشي لانها جدا بجيحة |
طيب انا اقولك ليش ماتدق عليها بطريقتك وتسجل صوتها اذا تكلمت معاك وبكذا انت مسكت عليها دليل قوي
لازم توقفونها عند حدها مايصير هالكلام الله يهديها ويصلحها |
اقتباس:
|
حسبي الله ونعم الوكيل
ماتخاف الله يجيها يوم تشوف فشلها بحياتها من اللي تسويه ارسلها رسالة طويلة وادعي عليها إما ربي يهديها ويفكك من شرها أو ربي يشغلها في نفسها .. |
أنا مع رأي الأخت بكر و الأخت مهره .. يعني لازم امك او اختك تدري و كمان خطيبتك .. يعني( شين و قوي عين).. الله يهديها و يوفقك .. آآآمـــــــــين .. |
اقتباس:
خلهم يأدبون بنتهم يا اخي لا تقول حرام وبيضربونها ان شاء الله يذبحونها وش هالبنت قسم بالله تدمر بيوت وماحد داري عنها وديها بستين داهية يا اخي خلها تندم وتنطق مكانها ولا انك تسكت لها وتخليها تدمر حياتك للمرة الثانية ما تضمن وش تقول لخطيبتك مهما انت بلغت خطيبتك فيها يمكن تدّخل الشك عليكم وفعلا تخرب حياتك انتبه اقلبها عليها تكفى |
| الساعة الآن 12:41 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©