|
بنتي تتقرف من لعابها !! ما الحل
السلام عليكم ورحمة الله وبركاته مشكلتي بنتتي بنتي عمرها 5 سنوات و نص .. دلوعتنا.. ابوها تعامله معها افضل مني يدلعها وحنون معها وهادي اذا غلطت انا عصبيه معها اذا غلطت هي او اخوها الي اصغر منها اهاوش واضرب ... وادعي ربي يعافيني من هالبلاء ويرزقني طولة البال. المهممممم بنتي لها حوالي شهر وهي تجمع لعابها في فمها ثم تتفله (( تبصقه)) حتى وحنا على سفرة الطعام تبصق على السفره وانا لا شعوريا اضربها من العصبيه وماافاد فيها الضرب كل ما امر غرفتها القاها جالسه عند التلفزيون وجنبها سلة الزباله عشان تبصق فيها!! واحيانا اكلمها وماترد علي و اقول لها افتحي فمك وتركض على اقرب غسالة عشان تبصق فيها تعبت معها ............. تكلمت بهدوء شرحت وضحت ضربت مافيه فايده قبل كم يوم طلع في فمها في اللثه النقط البيضاء قلاع الفم .. قلت لها هذا ياماما بسبب تجميع اللعاب وبصقه .. خافت وقالت كلامك يخوفني ,, الظاهر جيت بكحلها عميتها :( ملاحظه :: انا اعترف اني السبب انا علمتها النظافه بزياده ... كل مادخلنا البيت من اي مشوار فورا اغسل ايدين عيالي من زمان من قبل نسمع بالمرض h1n1 وكنت دايما اقول لها هالشيء وسخ ابعدي عنه وهذا مثلا الفلوس امسكيها بمنديل ااو غسلي بعدها ....... وهكذا بنتي كل ماجاء على ملابسها قطرة عصير تقرف وتغير ملابسها فورا.. والله حتى المويه اذا جت على ملابسها..غيرتها والشغاله تتقرف منها بعد واذا اخذت شيء من وراها تغسله مره قالت لي خلي الشغاله تمسح بلاط غرفتي عشان اخوي المقرف دخلها !!! ابوها حط اللوم كله علي .... يقول انتي السبب عقدتي بنتنا بكثر النظافه .. واختي تقول بنتك عندها حاله نفسيه والدليل قلاع الفم سببه غالبا نفسي .. جبتيه لها من عصبيتك انا والله حزينه وخايفه ان الحاله تزيد ويصير وسواس نظافه :rolleyes: ماا ادري وش اسوي والله صايره اتعمد انه اذا كنا على السفره احط على ملابسي شويه طعام و اقول شوفي ياماما امسحه بمنديل ومايحتاج اغير ملابسي لعلها تقتنع لانها انا الوحيده الي ماتقررف مني وطبعا زي اي طفله تحب تقلد امها وش اسوي اوسخ نفسي لعيون بنتي واانتم اخواني وخواتي لا تبخلون علي بشوركم ... خصوصا حكاية البصق الي مخوفتني ولاا احد يقول طبيب نفسي ابوها رافض يقول بنتك مافيها الا العافيه مرحله وبتعدي ان شاء الله وبتنساها |
:)
ربي يحفظها ويبارك فيها شوفي حبيبتي قبل العصبية هذه كلها .. جربي تاخذينها طبيب اطفال يمكن لعابها فيه مرارة مثلا بسبب التهاب بالحلق أو شيء آخر يعني تأكدي انه طبيا باذن الله مافيها شيء ثانيا .. الوسواس هذا طبعا بدأ معها بتقليدك ولازم شوي شوي تحاولون تعيدونها الى طبيعتها الطفولية لا تهاوشيها اذا شفتيها تتف لعابها وتجاهليها وهي رح تنسى مع الوقت .. علميها هي تنظف غرفتها وتلم اغراضها (يمكن مع الجهد المبذول للتنظيف تتغير فكرتها ) معليش وسخي هدومك وطريقتك ممتازة علشان تقلدك فيها .. ايضا اكثري من النشاطات الخارجية بما انه الجو حلو وديهم الحديقة والبحر وخليهم يتوسخوا بالرمل والماي والحشيش وهم يلعبون (اي طفل بعيد عن الطبيعة تقل مناعته ويصبح هاجس النظافة عنده أكبر) الله يوفقك ويحفظها لك :) |
السلام عليكم و رحمة الله وبركاته
أذكر يوم كنت طالب في الثانوية أصبت بحمى خلال فترة الاستعداد لإمتحانات نهاية السنة الدراسية، و بقيت فترة أبصق طوال اليوم! كان السبب هو الشعور بطعم غريب (مرارة مثل ما ذكرت أختنا بكر الشايب) في اللعاب، و اختفت بعد فترة. لذلك اعرضي طفلتك على الطبيب المختص و بإذن الله سيتم علاج المشكلة. الله يحفظها لك. |
اختي بكر الشايب بارك الله فيك على الرد
وفكره الخروج للبر اعجبتني .. وقريب انفذهاااا ان شاء الله اخوي عواسي مشكور للرد وباذن الله ابي اجلس معها جلسة مصارحه واشوف السبب جزاكم الله خيررررررررررررر |
5 سنين تقدري بأذن الله تتداركي الامور بس احس ان في خطوات عملية لازم تنعمل لتدارك الامور انها تتفاقم اكثر من كده
ولو الزوج رافض فكرة الطبيب النفسي مع انه ضروري في حالة بنتك لان باين عندها استعداد للوسواس لان ابنك كنتي تعامليه بنفس الشي وما تأثر الحمدلله فالجئي للنت وابحثي عن خطوات تساعدك في مكافحة هدا الشعور لاني سأقولك بكل صراحة للاسف بنتك صار عندها الوسواس خلاص ولا اعلم سبب رفض الاب اللجوء لمختص نفسي مو شرط يعطيك دوا لو هو خايف من الادوية بس يوجهك لخطوات عملية تقومي بيها انتي وهي والله يهديك حتى الفلوس تنمسك بمنديل ............ بس فات الاوان الان من اللوم انسي شي اسمى نظافة زايدة عن الحد لو تبي تعالجين بنتك وكل شي كنتي تحرصين عليه بزيادة افعلي عكسه مثلا فكرة الطعام على الملابس حلوة ومفيدة وقيسي عليها باقي الاشياء لو اجى عليها شي بالصدفة مانتقرف منها خليها عادي مرة شفت فيديو لبنوتة كانت تعاني من وسواس النظافة وكانت ماتقدر تجلس على الكرسي الا لما تضع عليه شي مع انه ما جلس عليه الا اهلها مو حد غريب وكانت حالتها متفاقمة الحل كان عملي مع شوية ادوية بسيطة بس بما ان عمر بنوتتك صغير والاب رافض فكرة لاطبيب فتقدري بأذن الله السيطرة على المرض او هالشعور خليها تلمس اي شي كانت تتقلاف منه خليها تاخد من الشغالة اشياء دون ان تغسلها ..........هكذا كانت طريقة علاج البنت ولازم انتي تتقيدين بهالاشياء عشان مو تنصحي بنوتتك الله يحميها وتشوفيك تعملين العكس وممكن اخوها يساعدكم قوليلها شوفي ماما كيف اخوك مسك هالشي وهو حلو وما تأذى وعلى كده وربنا يوفقك |
اقتباس:
افكارك اختي مرة مفيدة ورائعة جزاك الله كل خير وان شاء الله تنتفع بيها الغالية ام صقر |
امسكيا واضربيا ليييين تعرف ان الله حق
|
| الساعة الآن 02:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©