|
خطيبتي طلبت مني الطلاق (تم الطلاق)
:(
السلام عليكم ورحمة الله وبركاته ،، انا صاحب الموضوع http://www.66n.com/forums/showthread...74#post2319774 الاحداثيات في هذاك الموضوع انها مره قالت لي انها بتسافر زياره لبيت اهلها في دوله خارج الدوله اللي انا ساكن فيها ولين ماسافرت والامور طيبه واحنا بخير !! بعد ماسافرت كنت كليوم اكلمها واتصل فيها واتطمن عليها الى بعد مارجعت ورحت استقبلهم فالمطار وامورنا طيبه ، بعد ما رجعت من السفر شفتها تغيرت علي 200 درجه ورجعت نفس قبل ؟ ماتسأل عني ولا مهتمة فيني وحاولت اني احسسها اني ابي من يسأل عني ويهتم فيني وخاصه ان احنا مابقى شي وندخل القفص الذهبي بقى اسبوعين تفاجئت من افعال البنت معاي ماتحب تتكلم معاي على التلفون لين مازهقت من الوضع وقلت لها انا احس اني ثقيل عليك اهلك جابرينك علي ؟ قالت لي لا !! بس انا مو مرتاحت لك واحس ان احنا مانصلح حق بعض قلت لها ليه قبلتيني من الاول قالت لي كنت متوقعتك رومنسي وحنون لكن ماعندك اي رومنسيه !! انا انصدمت من هالكلام وقلت لها انا احين بسكر كنت رتاجع من الدوام وتعباان صاكه فيني الدنيا ونمت لي ساعتين صحيت وكلمتها فتحت الموضوع مرة ثانية وقالت لي احنا مانصلح حق بعض وخطبتنا من الاساس غلطه واحنا لازم ننفصل أرجو ك اذا كنت تعزني وتحبني طلقني واستر على نفسك !! انا بصراحة ماتوقعت انها تكون مجبوره علي لانها اول الايام تطلع معاي ونروح اي مكان ولاتقولي لا وكانت تطبخلي الاكل اللي احبه بس بدت تتغير تدريجياً انا كلمت اختها الكبيره لانها اكبر مني ومنها واعقلمنا الاثنين قلت لها شوفي حل مع اختك وخليها تفكر ترى هذا زواج مو لعبه اذا كانت مجبوره علي وماتبيني الله يستر عليها وردت علي اختها بعد ماكلمتاها بيومين تقول البنت راكبه راسها وماتبيك !! انا في حيره من امري مادري شنو اسوي |
يعني هيك بدون أسباب ؟
مو معقول بس لأنك مو رومنسي ! اذا هيه حاسة انو ما بدها ياك فخلص ، (ألف قلبة ولا غلبة ) هذا مثل ما بعرف ازا فهمت علي شو بقصد يعني المهم الانفصال هلأ قد ما كان صعب عليك بضل أسهل من الانفصال بعد الزواج و اذا هيه فعلا متأكدة لهالدرجة من قرارها فما بتقدر تغصبها و تقللها لأ اقتنعي فيي و تزوجيني هيه بالأول كانت فرحانة عالخطبة و انسان جديد بحياتها ، بس يمكن بعدين اكتشفت انو انتوا مو لبعض في اختلاف بينك و بينها و هيه فترة الخطبة جعلت لهيك غرض لحتى تدرسوا بعض و اما تكملوا او تنفصلوا برأيي : صلي صلاة الاستخارة و أعطيها آخر فرصة قبل ما تطلقها اذا ضلت مصرة اتركها و ادعي لربك الله يعوضك بالأحسن و أكيد ربنا رايدلكم كل خير ! فالخيرة فيما اختار الله |
الله يهديها ويوفقك الى الي تسعدك
|
الحين على "انت مب رومانسي" تبا تطلق؟!
كم عمرها وعمرك اذا ماعندك مانع! دخل ابوها فالسالفه يشوف شفيه راسها يوم هي راكبته! الله يصلح بالكم.. |
بصراحة بصراحة خيرها في غيرها
اذا هي مو ريداك خلاص فسرحوهن بمعروف حط في راسك اذا انت رجل كفئ وحسن السيرة و الاخلاق ومحافظ على دينك فالف وحدة تتمناك المهم لا تجبرها على العيش معك وتحبك غصبا لانك حاتتعب معها اكثير الله المستعان ويكتبلك اللي فيه الخير ويرزقك الزوجة الصالحة امين يارب |
اخي الكريم
انصحك ان تذهب لوالدها و يكون بحضورها و يكون هناك مصارحة ووقفة جدية و وضع النقاط فوق الحروف و لا تنسى ان الفتاة قد تكون تشعر بالخوف و الرهبة من التجربة الجديدة التي ستبدا فيها و ما يعقبها من تحمل للمسؤولية لربما هى بالعادة دلوعه و لا تتحمل مسؤولية اي شىء او تتعرض لضغط نفسي من حكايات النساء من حولها استعداداً لزواجها ! لذلك تشعر بالخوف و الرهبة من اكمال امور الزواج خاصة و انت تقول ان الدخول سيكون بعد اسبوعان .. لذلك الكلام يكون امام والدها او اخوانها الرجال و يكون هناك جدية في القرار : ما مشكلتك؟ و هل الامر يتعلق بالخوف من المسؤولية ام من تجربة الزواج نفسها ؟ ما جديتك في طلب الطلاق؟ اذا تمسكت به و بوجود اهلها فسرحها بإحسان .. |
أخي العزيز ..
هناك عدة إحتمالات لطبلها هذا .. الأول : أنها فعلا وجدتك غير رومانسي و حنون ... و عندها تطلب منها فرصة شهرين أو ثلاثة حتي تثبت لها خلالهم أنك فعلا رومانسي و حنون . ثانيا : أنها مالت لغيرك و أحبته .. و عندها يجب عليك أن تتأكد من ذلك ، فإن تأكدت من ذلك بشكل يقيني ، إذا فهو الطلاق و فورا . ثالثا : أن يكون عقد لها سحرا بكراهيتك .. و عندها تصارحها بذلك و تخبرها أن تعطوا لأنفسكم فرصة للعلاج و التقارب لمدة ستة أشهر ، و تعدها أنه لو إستمر الحال كما هو بعد ذلك فستطلقها علي الفور . |
انا عمري 23 وهي عمرها 20 والله العظيم مافيه كلمة حب ماقلت لها واذا اي شيء يصيدها مارضى عليها وماتوقع العيب مني ابد اعطيتها فرصه من فترة لكن مادري من يخليها تتغير علي وكلمرة تفتح لي احنا مانصلح حق بعض وانا ماقدر اتزوجك وانت فيه الف من يتمناك انا تعبت نفسيتي تعبانه مو قادر اداوم مو قادر اكل بسبت هذا الموضوع احس اني ترعت في خطبتها واللي يصير لي نتيجة تسرعي ، اليوم انا بروح بيتهم وبطلب اني اجلس معاها لحالنا وبشوف ابيها تصارحناي شنو الاسباب اللي تخليها تطلب مني لطلاق يمكن اقدر اصلح فيها اما اني غيررومنسي او مب حنون هاذي بصراحة مادخلة براسي !!
|
اقتباس:
كلام سليم،، اذا بتروح لها لازم حد من رياييل بيتهم يتواجد معكم فالنقاش عشان الموضوع ينحسم |
كلام الاستشاريه عين العقل
لا تكلمها هي وخلك جاف معها بعدم تواصلك معها وكلم ابوها وخلها تجي تقول قدامه الأسباب وتطلب الفسخ اخوي اللي مايقدرك ولا يبيك لا تتمسك فيه هذا زواج عشرة عمر بالتوفيق |
| الساعة الآن 08:21 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©