|
أختي المطلقه : هل تستطيعين التأقلم بلا صديقه ؟
أختي المطلقه : هل تستطيعي التأقلم بلا صديقه؟؟؟
السلام عليكم ورحمة الله وبركاته اخواتي سأدخل بالموضوع على طول كان لي صديقه الروح بالروح طبعا تعرفت عليها عن طريق النت والحمدلله كانت العلاقه ومازالت تربطنا المحبه في الله والتناصح لله بس كنا مزودينها حبتين في موضوع الأهتمام هذا وأنا مع زوجي كانت كل شيء تسألني فيه وأنا عل نياتي كل شي اقوله وأحب اللي يهتم فيني واللي بقلبي على لساني مع مرور الأيام كنت الاحظ ان زوجي يتضايق من أتصالاتها احيانا تتصل وأحنا نايمين وأبد ابد ماكنت أكسر خاطرها بشي اللهم اني الاحظ عليها دايم كثرة العتب وانا ماحب اللي يعاتب من اول مايبدا معي بالحكي ( عتبها كان على امور تافهه : ليش مارديتي وليش تححاكيني بهالاسلوب ووو) المهم والزبده بالموضوع أني الحين وبعد ماتطلقت تغيرت الأحوال 180 درجه وهذي الأيام بدأت تطنشني باتصالاتي اول كانت تترك اللي بيدها وتكلمني مع ان عندها كل شيء عيال ومشاغل دايم تحكي لي عنها يعني ماكانت فاضيه بالعكس كانت معها مكالمه بالثابت تتركها وتعتذر علشاني اتصل عليها بالجوال تكلمني احيان بالجوال و اسمع الثابت يرن وماترفعها لاني معهاأو ترد وتعتذر لاني معها دائما اصارحها بس خلاااااااااااص تعبت من اسلوبها ديام تتحدث عن صديقاتها الجدد ( ولما كنت معلمه بمكان ما : كنت اتكلم عن اسلوب زميلاتي بالعمل وحديثهن وكانت تتضايق ماتبي احكي عن احاديث وفرفشه بيني وبين احد ثاني ) وانا بالعكس اتمنى لها الخير بعد تغيري في فترة الطلاق كانت تقول لي كلام مفاده ان تعارفنا كان عاديا من طرفي لكن من طرفها لم تكن المسأله عاديه بل كانت تعشقني ..هذا اعترافها وتقول الحمدلله ان تغير هذا الشعور لكن يوصلني أحساس كانها تقول أنا استغنيت عنك .مو اول كنتي متزوجه وانا ارمله الحين صار الحال من بعضه ومافيه حد احسن من حد وذوقي اللي ذقته مدري ليش كلامها يتكرر بأذني لانها اذا جت تتكلم عن احد من صديقاتها هذا اسلوبها اللي يطنشها تقول هذي العباره ( مافيه حد احسن من حد اللي بيهتم فيني ولا ماراح اسال عنه) يعني ماجبت حاجه من عندي هذا اسلوبها؛ وانا فعلا ماكنت اكسر خاطرها بس لما تزودها بالعتب ماكنت ارد عليها فكأنها الحين ترد لي اللي كان يصير سؤاااااااااااااااااااااااااااااااااااااااااااااالي لكن أخواتي كيف اتخلص من موضوع انها شاغله كل اهتمامي؟ كلما سويت حاجه ( أقرا أحفظ أعمل ....) الاقي تفكيري فيها وليش هذا اسلوبها وليش ماصفى لي الا هي وبالاخير تطنشني مع علمها ان مال من الصديقات الا هي ( وتقول اتمنى ان لك صديقات ) وانتم عاد فسروها على كذا احتمال والله اعلم مقصدها واخر مره اتفقنا على حاجه اللي هي انها تساعدني بما ان عندها اكثر علم بدروس القرآن وكنت احفظ وتسمع لي مقاطع وقلت لها اني ارتحت نفسيا لانها تساعدني بالحفظ واشعر باني تخطيت خطوه كنت اتمناها من زمان اليوم الثاني قررت اني اتصل عليها بس ماردت ولما جا وقت اللي اتفقنا على التسميع فيه هي طنشت ولا كأن فيه موعد مااتصلت علي لاني صعبه اتصل عليها وهي سابقا لم ترد ولم تتصل اقلها تعتذر عن سبب عدم الرد من اليوم الثاني اتصلت فيها وسلمت لأقطع وساوس الشيطان على نفسي وعلشان مااكبر الموضوع وقررت ماافرض نفسي عليها ........ لكن هناك امر يستحوذ على تفكيري وكيف لي ان اكون ذات عزيمه على القرار دائما ادعو الله أن يخلفني في زوجي ويخلفني برفقة صالحه |
اللهم اخلفلها في زوجها واخلفلها عن صديقتها خيرا منهم
الله اعلم بها وبك والجزاء من جنس العمل وما ربك بظلام للعبيد سيعوضك الله خيرا بإذن الله |
لا حول ولاقوة الا بالله الله يعوضك خيرا منهم الظاهر انك اندفعتي لها وانتي ماعرفتي كل أطباعها وأعوذ بالله من الحقد والغيرة .. أتركها فترة وشوفي كيف موقفها ؟! |
في اشياء لم افهمها
تقول كانت تعشقك؟؟؟؟؟؟؟؟؟؟؟؟ وتتضايق لو عرفت انك تمزحي مع زميلاتك وماتبي غيرها ؟؟؟؟؟؟؟؟؟؟؟؟؟؟ ( وتقول اتمنى ان لك صديقات ) وانتم عاد فسروها على كذا احتمال والله اعلم مقصدها شو مقصدها؟؟؟؟؟؟؟؟؟؟؟؟؟؟ وليش تغيرت بعد طلاقك؟؟؟؟؟؟؟؟ افهم من كلامك ان هدفها من صحبتك كان غير سوي وعدلت عن نيتها بعدين ؟؟؟؟؟؟؟؟ اختي انتي لم تحسني اختيار صداقاتك لان الصداقة الخالصة لله تدوم اكيد بتجيها اوقات تفتر واوقات تقوى بس مستحيل تنتهي او يخون احد الثاني انا كان لي صديقات من نوع اسمي عند ي صديقة وخلاص وكلهم انتهت علاقاتي بيهم بس كنت عارفة ان هاليوم بيجي ما تفاجأت لاني عرفت مافي شي بينا مشترك والاهم الصحبة لله كانت مو موجودة صحبة لهدف لذلك اسرعت انا بأنهائها غير اسفة على شئ والحمدلله |
اللهم اجعل أعمالنا خالصة لله ولا بد أن تبني المسلمة صداقاتها على أن تكون في الله ولله
فالتناصح والتزاور وكل ماهو حسن فهو لله اللهم أظلنا يوم لا ظل إلا ظلك |
نعم تستطيعين
الحمدالله عندك نت وتستطيعي تتعرفي على كثير من الصديقات اتركيها ولاتسألي عنها من عافنا عفناه لو كان غالي والي مايبينا مانبيه اتمنى يامنفصلات نتواصل سوا عن طريق الماسنجر او الهاتف وياليت يفتحوا الرسائل الخاصه |
ممكن اختي اجاوب على السؤال بسؤال اخر وهو هل في اوساط النساء يبعدن ويتفرن من المراءه المطلقة ولايرتبطون بصداقه معها ويحاولون ان يتحاشونها ام لا 0
انا اسمع بهذا الشي في اوساط النساء بالذات فلماذا هذا التنافر والتباعد من تكوين صداقه وتعارف مع اخواتنا الغاليات على قلوبنا المطلقات وفق الله الجميع لما يحبه ويرضاه انه سميع مجيب 0 |
اقتباس:
:25::25::25: أستغفر الله ماتلاحظون أنكم زودتوها حبتين الله يهديكم هذا اللي أقدر أقوله |
| الساعة الآن 06:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©