|
موصعبة علي أقولك عانس..بس أخلاقي ماتسمح..!!
مرحبا ابنتكم من سنين وأتابعكم عن بعد ودائماً معكم لكن مشاغل الحياة تلهينا عن المشاركة والله يعين الجميع موقف حصل لي قبل فتره ومزعجني هذيك الفترة أما الآ ن مايهمني تابعوا معي الموقف وقولو رأيكم في تصرفي كان عندنا بالمدرسة مجلس أمهات وطلبت منا المديرة أن نتوجه للأمهات حتى يسئلن عن بناتهن توجهت أنا ومجموعه من المعلمات كلهن أكبر مني عمراًومتزوجات وعندهن أولاد أماأناالعكس ماتزوجت وعمري26سنه المهم أنا من باب التقدير قلت لهم يالله يابنات امشواقدامي انتم أكبر ومتزوجات >>>>>>جملتي فيهاشي؟؟ أناوالله انظرلهامافيهاشي لإنه هذا الصحيح مر اليوم ورجعت البيت وقت المغرب من نفس اليوم وصلتني رسالةعالجوال من وحده من المدرسات الي كانوا معي وقت نزولنا للامهات بالمدرسه فيهاكلام يدل على صغر عقل المرسلة وتخلفها صراحه من ضمن الكلام تقول أنتي قلتي عني كبيره وفيه من هوأكبر مني والله موذنبي إنك عانس إلى الآن ولاتزوجتي وترى موصعبة اقولها لك قدام الناس بس أخلاقي ماتسمح<<<<<<<<<<<<<كل هالكلام والأخلاق ماتسمح أنتي حقوده وغاير ه مني>>>>>>>>>وش أحقد عليه وش أغار منه وكلام ماله داعي وختمتها بقول حسبي الله عليك ونعم الوكيل أناصدمتني الرسالة انصدمت بهالانسانه وتفكيرها وتضايقت أنااماقلت شي غلط ولا غلطت عليها ووهالكلام صحيح هي أكبر مني وومتزوجه ولاقصدي شي أبد أبد أبد أنا أقدر أرد عليها بنفس إسلوبها أقل أدبي بس أنا بعد أخلاقي ماتسمح أكلم ناس زي كذا بعدهااستشرت اعز صديقاتي وش أرد وش أقولها اقترحت علي رأي سديد ووحكيم إني أطنشها ماأرد عليها وبالدووام ولاكأنها موجوده وأناطبقت هالشي أحس إنها تغير مني وتحقد علي ليه ماأدري للعلم أنا علاقتي معها جيده ولاعمري غلطت ولاتكلمت عليها بشي مو زين ولا لي دخل بغيري وكثير من أيام دراستي أكرم لتميزي وأخلاقي والحمدلله بشهادة الجميع مو مدح بس هذاالصحيح أنا تعلمت من هالموقف إن مو كل الناس زي بعض ووإنه مو شرط يكون الواحد عقله بقد عمره أجل وحده متزوجه وعندها عيال تقول كذا وياليت على شي يسوى بس جد عش رجباً ترى عجباً |
والله رح تجننوني ناقص تقولو للي عمرها 18 سنه وما تزوجت كلمة عانس
بعدك صبيه يا قلبي هي اللي عقلها صغير وما في شي كلامك ابدااااااااااا بالعكس المفروض تاخذها انهم اكبر قيمه ووو من باب احترام الآخرين انما هي شكلها من اللي يكرهو انو تبان اعمارهم ويحبو يبقو بعمر الطعش تحت العشرين مفكرين الزواج شي مستحيل وكأن الواحده داخله شي مستحيل اختراقو ما تحطي ببالك من كلامها انما اتأسف انو تكون مدرسة اجيال وتفكيرها بهذا الشكل لان افكارها تعكسها على التلاميذ |
هههههههههههه من جد عالم مدري وش تبي
وحده من صديقاتي اكبر مني تقريبا5 سنوات كلما قلت قربتي من 40 تجلس اسبوع ماتكلمني وانا ماجبت طاري العمر الا واحنا نتناقش بموضوع يتعلق بالزواج ومن هالكلام يعني ابد ماكنت اقصد احسها بشي تقعد بالاسابيع ماتكلمني من جد الواحد مايدي كيف يتعامل مع هالعالم الله يرينا طريق الرشاد ويثبتنا ويرزقك اخيه ماتقر به عينك ويكفيك شر الحساد |
ياأختي الكريمة الله يوفقك دنيا وآخره...
وعين العقل إنك طنشتيها هذه الأشكال ما يصلح معها إلا التطنيش ووجودهم مثل عدمهم .... اللهم ارزقنا الحكمة في جميع تصرفاتنا... طيب ..هي يوم تكتب الكلمة هذه وتجرأت ما تخاف إنها بيوم من الأيام تعايشها مع أختها أو بنتها .. اللهم ارزق أخيتي في الله زوجا صالحا تقيا نقيا يراها أجمل مافي الوجود...آمين |
يا حبيبتي انسي كلامها واحتسبي الاجر
اسأتها لك ذنب في ميزان سيئاتها واجر في ميزان حسناتك اتاك من حيث لاتعلمين وبعدين لاانت عانس ولا هم يحزنون ياحبيبتي ترى مو بس انت يحصل معك كذا حتى انا في عملي اقابل هالنوعية ويحرجوني بأسئلة هم يعرفون اجابتها لازم من قبيلتكم؟ لازم ملتزم ؟ وش رايك بمطلق ؟ وهي لاعندها لاعريس ولا شي بس فضول بس انا لا اتضايق ولا شي اطنش واحتسب الاجر عند ربي واحسن لهم |
برافو عليكي .. أصلا اذا رديتي عليها بتقللي من قيمتك .. لا تنزلي لمستواها
هيه عندها عقدة نفسية اتركيها الله يكون بعونها .. مسكينة |
الناس اجناس وعقلياتهم تختلف <واذا خاطبك الجاهليون فقل سلاما>
والموقف هذا دليل على صغر عقليتها والاجابة عليها بالصمت وعدم الاحتكاك بها ماعدا السلام والشئ الضروري وفقك الله ورزقك ماتتمنين |
ما عليكي افرحي وفرفشي ولاتحزني إنت مازلت صغيرة وربما تعتبري قد بنات احدى المعلمات هناك ولكني انا حبيتك وعندي بنت زيك وربما أنها تعاني نفس المعاناة ولكن حسبكم الله ونعم الوكيل
|
السلام عليكم مساء الخير في ناس ماعندهم أسلوب أبدا في الكلام وتطنيشهم أفضل وانا قد صار علي موقف مقارب بعض الشي لموقفك واحدة من المعلمات زميلتي عمرها 26 سنة وماجاء نصيبها الى الآن فمرة واحد خطبني مطلق لكن عمره كبير وعنده أولاد فكنا نسولف فقلت بأخذ رأيها في هالرجل قامت قالت لي تتشرطين وأنتي مطلقة اذا إحنا البنات ماتزوجن أنتي هالمطلقة بتتزوجين واحد شاب وصغير حتى لو كان عمرك 24 ترى مايفرق لأنك مطلقة بالعكس أحمدي ربك وخذيه .. والله أخذت بخاطري كثير عليها لكن ماناقشتها لأني مأبغى أجرحها وأسوي مثلها يعني مافي أسلوب أفضل من كذا ؟! وأخير ا الرزق عند رب البشر يرزق من يشاء بغير حساب ماهو عند البشر وأكيد انهم بيقابلون ناس تتعامل مثل اسلوبهم معانا وقتها بيعرفون خطأهم .. تحياتي لك .. وإلهـــــــــــي يفرح قلوبنا انا وجميع المطلقات والعوانس والأرامل بالأزواج الصالحين اللي يعوضنا ويسعدونا نحن وأهلينا ..يارب ياكريم.. |
سبحان الله
يا بعض البنات عسل و سكر بس إذا جاء طاري العرس أو العمر قلبوا حنظل .. ماعليك يا قلبي يكفي سكوتك عنها دليل على أخلاقك الرفيعـــة ... أنا مدري ليه فسرت كلامك هالتفسير ... عالم غريب بجد وسعي صدرك ولا تاكلــي هم نفرح فيك قريب يا قمر |
| الساعة الآن 04:13 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©