|
تعرفت على فتاة عن طريق احد قريباتي ..نصائحكم
السلام عليكم ورحمة الله وبركاته ..
ابغا اقولكم مشكلتي مع اني مادري هل هو القسم الصحيح ولا لا بس ان شاء الله هو لانه له رابط بالخطبة .. واثق في انكم حتساعدوني باذن الله المهم .. انا انسان اعيش في مدينة بعيدة عن اهلي لكن في نفس الدولة .. عمري 19 أدرس في الجامعة .. تعرفت على فتاة عن طريق احد قريباتي عمرها 20حبيتهاا وهي حبتني ولنا مع بعض 4 سنوات تقريبا .. تكلمني واكلمها عن اللي يصير معايا وهي كمان ونعرف ايش يسير مع بعض ونضحك مع بعض وكدا .. انا عارف ايش اخذتو فكرة عني .. بس والله ما سويت شي معاها كل اللي بيننا اني كلام ووالله ما اكلمها الا ونيتي صافية وهيا عارفة كدا واتفقت معاها اول ما اتخرج علطول حاطلبها من اهلها بس انا يبغالي 4 سنين عالتخرج وهي الخطاب من دحين بيجوها .. يعني انا عارف انو اللي بيننا حرام وما يجوز بس خايف تروح مني وما الاقي زيها .. وخايف من عقاب ربنا برضو .. انا نفسي اخلي اللي بيننا حلال بس ماقدر اسوي شي الا بعد ما اتخرج مستحيل دحين لا اهلي ولا اهلها بيرضو .. انا خايف ربنا يعاقبني عشان باعصيه ويحرمني منها :( حاولت مرة المحلها انو لازم نسيب بعض شوية بس لا انا ولا هيا استحملنا .. علاقتنا قوية جدا ببعض وماني عارف كيف اتصرف .. ابغا ارضي ربنا ومابغا اسيبها انا ابغاها بالحلال وربي نيتي صافية وكل يوم ادعي ربي يجمعني بيها ويخليني اسعدها كيف اقدر اسوي كدا ساعدوني :( |
اقتباس:
4 سنين مدة طويلة خاصة اني فهمت منك انها اكبر منك بسنة يعني العمر مو بصالحها في الانتظار الا لو كانت تحبك بجد بس تخاف ترتبط معاك وتضيع عمرها وبالاخر اهلك يرفضو كلم اهلك وتكلم اهلها ولو كانوا اهلك مقتدرين يقدروا يخلو الخطوبة عام وتتزوجوا بعدها وتكملوا المدة اللي تفضلكم من الدراسة وممكن يساعدوك او تشتغل مع الدراسة الى ان تتخرج وتشتغل بشهادتك بس انا شايفة يبغالك تضحي وتتحمل كتير ولفة ودورة طويلللللللة اخي حاول تجرب تبتعد عنها شهر كامل بدون حتى ماتسمع صوتها بتتعب في الاول وبتضعف بس بعدين بتضحك على نفسك وكيف كنت واهم حالك بالحب صدقني لو حسيت انك تقدر تعيش بلاها فهتتأكد انه حب مراهقة ومسألة تعود لاغير وسيبها تشوف نصيبها وانت تشوف مستقبلك لسة المستقبل بحله امامك والاختيارات بتكون اكبر وربنا يوفقك |
ليش انت بأي كلية ؟ 4 راحت و4 لسة ؟هل تدرس بكلية الطب مثلا؟
انا في كلية الهندسة وعديت السنة التحضيرية وباقي لي 4 سنوات التخصص وهي شو موقفها من هؤلاء الخطاب ؟ يعني حاسس لو جاها المناسب بتوافق وتخليك ؟ وكيف عرفت ان الخطاب يجوها ؟ هل هي اللي تقول؟ مش ممكن تكون بتختبر ردة فعلك وتبيك تقلها بتقدملك رسمي هيا قالتلي انه في كلام بين امها وبين ناس تانين بس هيا قايلة لامها انها ما تبغا دحن يعني الموضوع اتأجل لكم سنة .. بس ممكن ينفتح تاني .. وهي قالتلي اني حارفض وحتستنى لين ما اجي انا كيف عرفت ان اهلها رافضين؟ ممكن لو كلمتهم عنك يقتنعوا هوا اول شي اهلي انا مو موافقين يزوجوني دحين اصلا .. يعني ماقدر اخطبها واسوي اشياء رسمية الا لو اتخرجت وماعتقد اهلها بيقبلو فواحد لسا يدرس يعني مادري بس ماتوقع .. طالما انها قوية وانتم من 4 سنين مع بعض تقدر تشوف رأيها لو تقدمتلها بتوافق هي واهلها والا لا انا عارف رأيها وهيا موافقة وما تبغى احد غيري .. بس المشكلة اهلي مو موافقين الا بعد التخرج 4 سنين مدة طويلة خاصة اني فهمت منك انها اكبر منك بسنة يعني العمر مو بصالحها في الانتظار الا لو كانت تحبك بجد بس تخاف ترتبط معاك وتضيع عمرها وبالاخر اهلك يرفضو .. كلم اهلك وتكلم اهلها ولو كانوا اهلك مقتدرين يقدروا يخلو الخطوبة عام وتتزوجوا بعدها وتكملوا المدة اللي تفضلكم من الدراسة وممكن يساعدوك او تشتغل مع الدراسة الى ان تتخرج وتشتغل بشهادتك اهلي حيوافقو اكيد بس بعد التخرج .. هم رافضين فكرة الزواج دحين لاني لسا ادرس وما كونت نفسي ولا شي بس انا شايفة يبغالك تضحي وتتحمل كتير ولفة ودورة طويلللللللة ما فهمت النقطة .. حاول تجرب تبتعد عنها شهر كامل بدون حتى ماتسمع صوتها بتتعب في الاول وبتضعف بس بعدين بتضحك على نفسك وكيف كنت واهم حالك بالحب صدقني لو حسيت انك تقدر تعيش بلاها فهتتأكد انه حب مراهقة ومسألة تعود لاغير وسيبها تشوف نصيبها وانت تشوف مستقبلك لسة المستقبل بحله امامك والاختيارات بتكون اكبر حاولت وسويت بس ما في امل .. انا مو موهم نفسي باشياء خيالية ولا شي لا انا من جد حاس اني ما حالاقي وحدة زيها .. فيها حاجات زيي بالزبط وماعتقد حالاقي انسان يكملني بدي الطريقة .. احنا الاتنين والله نبغا بعض بالحلال ونيتنا صافية .. بس اللي بنسويه ما يرضي ربنا .. ونبغا نصلح الشي دا بس عشان ربنا ما يحرمنا من بعض .. وربنا يوفقك امين يا رب ويسعدك كمان بجد مرة انبسطت لما شفت اسمك بتشوفي الموضوع لاني من اول اتابع المنتدى ودايما اشوف ردودك الي تبين انك انسانة رائعة وحكيمة .. شكرا ليكي على مشاركتك |
السلام عليكم
أسأل الله أن يرزقك الزوجة الصالحة والسعادة في الدنيا والآخرة وأسأل الله لك التوفيق في الدراسة حبيت أعلق على كلامك اقتباس:
يا أخي الكريم تأكد إن ما في أحد أكرم من الله إنت إذا سويت شي أو تركت شي حتى ترضي الله فتأكد إن الله بيكون أكرم منك وبيعطيك ما تتمنى وأعظم منه إنت حاليا يا أخي الكريم اخطبها حتى ما تروح لواحد ثاني غيرك وإنت خلك رجل وقول لأهلك لو سمحتوا أنا أبغى أخطب بنت فلان ولا يوهمك الشيطان إنهم ماراح يوافقوا لأن الشيطان ما يبغاك تمشي بالحلال وإذا ما وافقوا حاول معاهم باللين خصوصا مع أمك لأنها تحب السعادة لولدها بس خطوبة وبعد سنتين ملكة ثم بعد التخرج زواج (اللي يناسبك) وشرط يا أخي الكريم إنك توقف المكالمات حاليا حتى ترضي ربنا سبحانه وصدقني إذا هي مكتوبة لك فلن يأخذها إلا أنت فمكالماتك لن تمنعها من الزواج إذا هي مكتوبة لأحد ثاني أو مكتوبة لك فهدف الشيطان من المكالمات أن يعلق قلبك بها حتى لا تستطيع أن تعيش بدونها لأنها إذا تركتك فلن تستطيع أن تنساها والرجل الفطن لا يجعل حياته معلقة بشخص فيقطع الطريق على الشيطان من البداية فيأتي من الطريق الحلال لأنه يعلم أن الله سوف يرضيه لأنه يريد ارضاء الله والله أعلم منك بنفسك وبما يرضيك أيها الإنسان (وعسى أن تكرهوا شيئا وهو خير لكم وعسى أن تحبوا شيئا وهو شر لكم والله يعلم وأنتم لا تعلمون) أسأل الله لك السعادة في الدنيا والآخرة |
انا من راي انك تخبر اهلك بالموضوع وتقنعهم بدلك بعدين تخطبها وتطمان لانك هتكون فعلت شئ كويس اما عن الزواج اجله بعد ما تتخرج وربنا يساعدك لو كنت ناوي فعلا الخير معها ربنا ماراح يسيبك ابدا وهيرزقك من فضله
|
المتهندم ..
ماقدر اخطيها دحين كلمت اهلي قالولي انت لسا ما عندك شي كيف تبغا تخطب ! طبعا ما جبتلهم سيرة عنها .. بس فتحت الموضوع بشكل جدي يعني .. قالولي انت ما عندك بيت ولا وظيفة ولا شي يعني لو اتقدمنا لاحد ما في شي بيقنعهم يقبلو ! وحاولت يا متهندم اني اسيبها والله بس ما قدرت .. حاولت اقولها انا خايف ربنا يعاقبنا احنا الاتنين .. تقولي انت شكلك ما تبغاني وتبغا تسيبني باي طريقة ومو عارف .. حاولت والله حاولت .. بس ماهي راضية تقتنع يعني تحسب اني مابغاها .. ولو سبتها كدا خايف ترفضني بعدين او ماقدر اوصلها حاس اني باسوي شي غلط بس نفسي اصححو ومو عارف كل ما احاول اروح من طريق ينسد عليا .. كل يوم ادعي ربي يختارلي الطريق الصح .. وفالنهاية يجمعني بيها =( بس ماني عارف =( الله يسعدك يا رب دنيا واخرة على مشاركتك .. شروق الضلام .. شوفي ردي فوق .. وشكرا ليكي على ردك .. يسعدك يا رب واشكر الاشراف على نقله الموضوع للمكان الصحيح .. يعطيكم العافية |
[QUOTEبس انا شايفة يبغالك تضحي وتتحمل كتير ولفة ودورة طويلللللللة
][/quote] قصدت لو تزوجتو وانت طالب هتحتاج تضحي بوقتك لانك هتدرس وتشتغل واهلك بيساعدوك.............يعني السطر اللي قبلها هذا اللي قصدته من اللفة الطويلة شوف اخوي باين فعلا انك تحب الشي الصح الحلال لان معظم الشباب نقوللهم حرام يكابر لكنك انت تسعى للحلال بنفسك وتبي توقف العلاقة اللي مو رسمية الحل الوحيد بنظري طالما انكم متفاهمين وبيناتكم اشياء عديدة مشتركة تكلم البنت اهلها بصراحة عليك وتقوللهم انها بتستناك لما تتخرج وتطلب منهم يقابلوك عشان يحكموا على اخلاقك بنفسهم يمكن ساعتها يطلبوا يقابلوك و لما يجدوك جاد مو بتتسلى ببنتهم ومهذب ولك مستقبل يوافقو على ان يستنوك وساعتها تقدر تكلم اهلك وانت مطمن ان في بنت وممكن يقبلوك في وضعك بما انك مازلت طالب والحمدلله تخصصك مرموق ممكن تجد عمل بسهولة حتى اني اعرف في شركات تعطي بيوت للي يشتغل عندها طول فترة عمله عندهم( لا اعلم موجود هالشي عندكم ) والله مافي شي مستحيل تمسك بالدعاء وخليها تكلم امها عليك وشوف ايش بيصير |
بصراحه أخوي مو حلو انك تبني حياتك على أساس غلط فكر بعقلانيه شوي
بدايتكم غلط وانا من رأي تقولها انك قررت تتركها وماتكلمها الين تبذل جهدك وتتخرج وانت الحين ولك أربع سنوات تعبت كيف لو كانت أكثر بتتعب اكثر صح والا لاوحاول تتدخل دورات بحيث انك توضف لو وظيفه بسيطه وهنا تظرب عصفورين بحجر تنساها وتزيد رصيدك المهني وتقدر تـامن مستقبلك واذ كتب الله انك تاخذها بعد ماتتزوج راح تاخذها ولو كل الناس عارضت أخوي مادام غنك وصلت هالمرحله فاحمد ربك ضميرك مانبهك على هالشي الا لانو شي غلط وانت فيك الخير إن شالله فتدارك الامر مادام ربي راحمك ومسهل لك الامور بس يبي لها شويه إراده وصدقني شهر وبتنسى وبتحس ان ربي راضي عليك أخوي لاتنسى إن اللي تسويه....... معصيه ....... والا نسان مايضمن كم بيعش من عمر فريح ضميرك وإشغل نفسك بدراستك والله يوفقك وإدع إن الله يكتب لك الخير |
مافي حل الا انك تقنع اهلك يخطبوها رسمي
واذا رفضوا لازم تقنعها تتركون بعض وانك ماراح تعملون هالشي الا لرضا الله واطلب منها اذا تحبك تنتظرك واذا تزوجت غيرك وماستنتك يعني مو من نصيبك صدقني حتى لو استمريت تكلمها وربي كاتب انها مومن نصيبك راح تتزوج غيرك يعني انت توكل على الله وابذل الاسباب واذا ماقدرت تسوي شي لاتسوي شي يغضب ربك عشان يوفقك وييسر لك امورك واكثر من الدعاء والاستغفار |
اقتباس:
اقتباس:
وتخرجت الحين وصار لي تقريبا سنتين خاطب وإلى الحين ما ملكت ولا شفتها ولا كلمتها لأني أنتظرها تخلص دراستها إنت أصلا في الخطوبة ما راح تدفع شي مجرد بس كلام إنو نبغا نخطب فلانة لفلان وبعد سنتين سووا ملكة وتصير زوجتك شرعا وبالنسبة للمهر إنت حتى لو اشتغلت بعد التخرج ما يمديك تجمع المهر بسرعة تحتاج مساعدة من والديك أما بالنسبة للبنت فهي يا أخوي شايفتك مع احترامي ضعيف واستغلت حبك لها وضعفك في إنها تربطك بها والمرأة فطريا ونفسيا تعجب بالرجل اللي له كلمته واللي ما يتابعها على الغلط لو هي تحبك فعلا ما راح تنتظر غيرك خلك جاد معاها وقل لها كلمة جادة ونهائية أنا ما أبغى هذا الطريق أبغى الطريق الحلال وأنا بجيك من الطريق الصح حتى ربنا يبارك لنا في هذه العلاقة وأنا كرجل أخاف ربي سأوقف المكالمات حاليا إلى وقت الملكة لا تعلق يا أخوي قلبك إلا بربك لأن هو اللي يدري بالأصلح لك وإن شفت هذا الشي بيحرمك من لذتك يا أخوي الدنيا قصيرة واحنا أعمارنا أقصر فما يسوى نضيع أعمارنا فيما يضرنا والمواقف هذه امتحان من الله لنا حتى يعرف هل نطيعه ونؤثر ما يرضيه أم العكس وعلى أساس تصرفنا في هذه المواقف نرى النتيجة يوم القيامة وغمسة واحدة في الجنة تنسيك الدنيا وما فيها فإن كنت حازما فطنا فاختر ما يسعدك وإن آلمك في البداية فالألم لن يستمر |
| الساعة الآن 04:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©