![]() |
مشاكلي الزوجية و خجلي الاجتماعي
:18:السلام عليكم ورحمة الله وبركاته صراااحه تصفحت المنتدى وحسيت انه اول منتدى اشووف ردووود كثير من
الاعضاء فاااهمين وماشاء الله مافي مشكلة الا لقيتو لها حل عموما جعلها يارب في موازيين حسناتكم خصوصا الي يردووون باخلاص 000وحبيت اطرح مشكلتي لاني حسيت باذن الله اني بلقى لها حل منك يالغاليين :o وباختصر عليكم مشكلتي 000بقد مااقدر انا متزوجه وزوجي يكبرني بعشر سنوات زواج تقليدي عااادي المهم ان اول زواجنا " وشهر العسل" كااان اغلبة مشااكل ماابغى اقول كلها عشان مااصير اباالغ انا بصراحة كنت منصدمة من جفاء زوجي معي زوجي غاامض معي وقااسي زي مثلا في شهر العسل كنا طالعين لمكان عام زي الملاهي وتعبت وانا امشي وامشي قلت بجلس على الكرسي خلاص تعبت ويوم جلست جلس يناافخ علي انا ليه جايين عشان نجلس اقوله والله تعبت روح بلحالك انا بنتظرك هنا وقام ينافخ وبصوت عالي تعبااااانه ؟؟؟اوديك المستشفى" انا قصدي رجولي تعبت كل يوم مشي بمشي اسلوبه كرهني فيه وغير نظراته وحركات ايديه وكانت اغلب مشاكلنا زي كذا يعني باختصار مايرحم اني عروسة واتعب بسرعة غير اهله عكس اهلي مرررررة من ناحية كل شئ مافي تكافؤ ابدا يعني ماتكفي صدمتي بزوجي عن صدمتي بااهلة :( لانهم صارو هم البلا بقسوووته معي بيئه جدا جااافه الام ماتبين محبتها لعيالها من زود الحيااء وابو راعي سفريات ومتزوج على امه وطبعا هم اهل قريه 00000:( وهذي الاشيااء حاولت اتجاوزها بقد ماقدرت وكنت اتجاهلها بس كانت غصب تاثر فيني ووجودي معهم زي عدمي يعني ماحسسوني بااي اهتمام او يمكن انا غلطانه يمكن هذا كله عاادي ويمكن بسبة عيشتي بيت هلي اتكيت ومدلعه وسواالف ورربي غيررررررررررررر موب على الاتيكيت على اسلوبهم بتعاامل معي غررريب كني شئ جدا عاادي مو زوجة ولدهم الكبير ودايم ساكتيييين نادر يسولوفون وانا مو من طبعي ابدا الجرأه بالحديث واجتماعية بس لازم يجراوني استحي ابدا انا وانا الجديدة يعني باختصار عايلتي غير عنهم بكل شئ هم سلبييييين ولما اروح هناااك امرض من الي اشووفه واتعب لافي تقدير ولا حشمه وجودي زي عدمي والا الات مابينت لهلي اي شئ بالعكس امدح فيهم لان مهما كان هذولي يصيرون عايلتي والي يمسهم بمس عيالي بكرة وكنت اكتم ولاحتى بينت لزوجي اني متفااجئه من هالعالم يمكن تقولون عادي هالاشيااء بس انا اثرررررررررررررررررررررررررررت فيني غصب وهدمت فيني اشيااء كثيرة توني احس بها بعد 4 سنوات عدت على المرة والحلوه وزوجي تغير للافضل بس مستحيل يتغير كثيييير يعني تقدرون تقولون اثرررو فيني او ساعات اقول من عاشر قومن 40 يومن صار مثلهم زوجي حبيته والله مع العشره وهو يحبني ويموت فيني وحملت كم مرة بس ربي مايتم حملي واجهض والتهيت بدرااستي ودخلت قسم انجلينززي ويمكن زااااد الطيب بله المهم انا اللحين اعاااني من مشاكل وتحز بخاطري اكتشفت اني لما اصير بمجلس حريم ويسولفون وكذا مع بعض ماعندي ابدن الجرأه بالمشاركة اخاف اتكلم واشارك مدررري ليش ويمكن اطلع من المجلس ماسولفت ولا كلمه الا اذا بس وحدة بجنبي اسولف معها وعاادي جدا ومو اي وحده مثلا خالتي اختي امي يعني اقرباي بس وربي اتفشل انا خلاص زوجة احس اني مرة استحي لما اروح لاقرباء زوجي واطلع من مجلسهم ولا تكلمت ولا كلمة ليششششش كذا مابغى ياخذون فكرة اني مو اجتمااعية بالعكس احب اكون اجتماعية واحب اسولف بس اخااف ولما احاول اسولف بين جمعة خالاتي او خواتي يوووووه احسب لكلامي الف حساب من كثر مااحسب وش بقول اغلط وانسى انا وش بقول اقول سااالفة ثم احوس فيه واسكت وافكر ياربيه وين وصلت انا ؟؟؟؟؟واقول لاختي وين وصلت ذكريني وتذكرني واكمل بس باااخطاااااء لغوووويه خيالية :30: والله ماكنت كذا قبل الزوووووواج ياربي وش صار بحالي بس ساعات اقول انا قبل الزواج كنت بنت مو من كثر العلاقات صديقتي اختي يعني مدري وشلون بس حتى ماكنت بهالاخطاااء اللغوية ابدن حتى خواتي لاحظو يضحكون علي يقولون لي عليك اخطا لغوية :22: مو بس مع هالعالم حتى مع زوجي اخااااف اتناقش ويااااااااااااااااة اشيل هم كبير وشلون بفهمه مااحب انسى وش بقول واحس"ماراح اعرف اقول الي بخاااااطري ولا رااااح يفهمني "وذا تكلمت احس كلامي خرررررابيط ولاقد تناقشنا وطلعنا راضيين وكل واحد فاهم الثاني نطلع بدووون حل اخااف المواجهه لما يجي بخاطري شئ خصوصا مع زوجي اكتبلة رساله بالجوال بس هذا مايرضيني نفسي كذا اصير قويه واتكلم بكل ثقة واقول كلل شي .... وحتى مع ابوي اشيل هم لما اجي اتكلم وياه واخلي اختي تتكلم عني ؟؟؟؟انا طبيعيه وبوضحلكم حاجة انا الحمدلله جميله وملكة جمال بعيون زوجي يعني اقصد مو اني ماعندي ثقة بنفسي بس عند الكلام مدري وش يجييني وانا والله فاهمه وبالعكس عقلي اكبر من عمري الي يفهمني يقولي كذا بس مدرررري ليش انا كذاا ؟؟ ومرت مشكلة كبيرة بين جماعتي وجمااعته بغت توصل لطلاقي ويااااه وابوي يقولي وانا ابوك وش تين بهالشجرة ماتنبغى بس انا اخااف لان زوجي كان بوقتها مظلوم وابوي فهم زوجي غلط وقلت لا يبه انا احب زوجي وابغااااااه وزوجي مايقصر معي ابدا يكفيني انه يصلي ويخاف ربه ساعات يجيني الشيطان يقولي هذي فرصتك يمكن ماخلاك كذا الا عاااالم زوجك الي يجيب ضيقة الصدر والنكد ويمكن هذا خيرة لي اني ماحملت الا الان يمكن ربي يبي يفكني ساعات اقول حرررام زوجي من اخليه له ارررحمه وحبييييته والله وواخاف ربي يعاااقبني فيه ودايم انا مااحس بسعااده مع زوجي لما نروح لمطعم او كوفي مااحس اني سعيدة مدري ليش هالاحسااااس ذابحني ومااذكر اني قد انبسطت معه واستااانست وضحكنا لان زوجي عصبي ولايحب الضحك كثير ومهموووووم من وضع هله ومن مستقبلنا لان علية التزززامات مادية كثيرة ساعات اقول الله وكبر اغلب الازووواج كذا مثلنا!!! مافي احد سعيد وساعات اقول يمكن انا مريضة ويبغالي علاج نفسي لان زوجي يقولي دايم وشفيها حياتنا وشفيه شهر عسلنا بالعكس الحمدلله انبسطنا انتي تبااالغين وتحبين تكبرين المشكلة يعني مايحس بالي انا احسبه :11: وبقولكم حاجه بنت لي ان زوجي يعرف اني انا لما اتحاور مع احوس والخبط الامور مره كلمته اختي الكبيره بموضوع هو يفهم فيه وتفااااجأ من اختي يقول اختك لبقة بكلامهااا؟؟؟؟ماشاءالله واعيه وتفهم بالامور موب سهله بس انا واختي فرق بينا 7 سنوات انا قلتلكم كم مشكلة في بعض سامحووني والله يعينكم على بربرتي بس والله ابي ارتاااح ابغى حل وانا الحين في بيت هلي متهاوشه ويا زوجي كالعاده عند اسلوبه وقلة ادبة في تعاامله معي لاني قلتله جايب كيستين باذنجان قالي الفقيه:15: شطحه قويه سامحوني عليها ولا وش جاب الباذنجان ومرة جيت من الجامعة ونمت وجا وانا ناايمه قومي صلحي الغدا وكنت تعبااااااانه قلا يانجسك خلني ابي ارتااح اذا مستعجل جب من برا ززعل علي وماخلا ولا كلمه الا وقالها ياخاااامل وش سويتي ماااسويتي شئ ياز..... مع اني مفطرته متااخر مو كله جووع ايه وبعد داايم لما اتعبله في تجهيز اي شئ كاان ماايحس بتعبي فيه ولما اقوله واالله الانجلينزي خذا وقتي يقولي الله وكبر مرررره يالمشغوله انتي مع العلم ان درراستي هو الي مشجعني فيها من شاان بكرة اصررف على عمري على قولته وانا اللحين لما تصير مشكله بيني وبينه دااايم يطررري الطلاق علي ويرن براااسي كلام ابوي فهمتــــــــــــــــــــــــــــــــــــــوني تكفون لاتجااملوووني قولو الصررراحه وخذوو راحتكم بالتجرررررررررررررريح ماعندي مشكله اتقبلها بصدر رحب تعووود عليها واعذروني وسامحوني على كتابتي "يخونني التعبير " والله ياربي يسعدلي اياااااااااااااااااااااااااااااااامكم كلها ويوفقكم يارب ويحقق لكم كل مااتتمنونه بالدنيا والاخرة |
اختي والله وانا اقرء رسالتك وانا احس ان عندي نفففففففففس المشاكل
بس الفرق ان فارق السن بيني وبين زوجي يمكن ثمانيه وعشرين سنه وانا زوجه الرابعه طلق وحده من زوجاته وتزوج علي من شهرين والفرق الثاني اني غريبه ما عندي لا امي ولا اختي والفرق الثالث ان اهل زوجي ما يستقبلوني وامه حتى سلام ما تسلم علي ولا مره فتت بيتها والزوجه الجديده جالسه عندها الحين تخيلي والفرق الرابع صارلي سبع سنين متزوجه والا مررررررره صار حمل وانا عند اهلي الحين بعيده عن زوجي صارلي خمس شهور والحين من شهر ما كلمني صح تعبانه لكني صابره قولة المثل من شاف مصيبة غيره هانت عليه مصيبته اصبري والجئي الى الله دائما وحولي ترسلي في المنتدى راح ترتاحي والله يصبرك ويصبرني انا قلت مشكلتي عشان اهون عليكي خذي الامور ببساطه ولا تفكري ابدا في الطلاق وحاولي تتكيفي مع زوجك ومش عند اي مشكله تروحي عند اهلك طولة عليكي صبرن جميل والله المستعان |
مشكوره ياخت بردانه على ردك والله انا عاارفه ان مشكلتي بسيطه ويمكن تافهه
بس الواحد اذا ماحس بالسعادة واحنا بداية حياتنا و بشهر العسل هذا وانا الاولى بحياته وهو اول زواج له متى بنحس بالوناسة وبالسعادة وبراحة البال قالو لي كثير اول سنتين زواج مشاكل بس انا دخلت الرابعة ولا زلت 000حسافه والله ترروح احلى واجمل ايام عمر الواحد كذا وخصوصا لسا ماعندي اطفال ؟؟؟؟؟ انتي الرابعه طبيعي يصير كذا 000 وهو مو اول زواج له بس مااقول الا الله يكون بعونك وبعوني وبعون كل مسلم ومسلمه يارب الله يفرج لك همك اسعدني مرورك |
اول شي خلي عندك ثقه في نفسك
ترى الثقه في النفس اهم شي بعدهاحاولي تتكلمين مع الكل بكل ثقه حتى لو غلطتي لخبطتي عادي جدا استمري اقضي على الخوف الي في نفسك لاتحطين في بالك اناكذا ماراح اتغير لانك اذا اقنعتي نفسك بانك ماراح تتغيرين عمرك ماراح تتغيرين حل المشكله بيدك كوني اجتماعيه تكلمي تناقشي حتى لو انحرجتي من الداخل استمري لاتخلين اي شي ياثر عليك ابداي بزوجك تناقشي معه بكل حريه دون خوووف اهله تكلمي معهم ادخلي معهم اذا شافوك جريئه ووتتكلمين وتناقشين راح يناقشوك ويتكلموا معك حببي زوجك واهله فيك بشخصيتك وجرئتك وطريقه كلامك وثقة نفسك بيني لهم انك انتي من عالم اخر مو متعوده على الي اهم متعودين عليه وخليهم يحسووون هذا الشي من تصرفاتك الله يرزقك بالعيال ان شاء الله وييسر امورك اتمنى تكونين استفدتي شي من كلامي |
اختي خافقي موجوع .. اسم الله عليك و على قلبك يا قلبي ..
شوفي يا اختي .. انت تقولي انك من بيت راقي و اتيكيت و مدلعه ليش تزوجتي من شخص يختلف عنك في البيئه و العادات والتقاليد ؟؟ ما كنت بينكم فترة خطوبه ؟؟ بعدين يا اختي من وصفك لحالتك وانت ما تقدري تتكلمي و انك تخافي انك تغلطي وان انك تخجلي وانك تتلعثمي و تحوسي في الكلام سواء مع الناس او مع زوجك او مع ابوك هذه يا اختي واضح انها اعراض لشي اسمه (الرهاب الاجتماعي ) وهذا مو خجل هذا خوف من مواجهة الناس.. بعدين انت قلتي انك تحسي انك غير سعيده حتى لو خرجتي مع زوجك لمطعم او غيره اعتقد انك تعاني من شوية اكتئاب .. مدري كيف هو نومك هل هو ملخبط و كيف هو اكلك هل تاكلي كثير او اكلك قليل ؟؟ اختي بعدين زوجك يريد ان يرجع من البيت و يلاقي الغدا جاهز سواء فطر متأخر او لا .. اختي لازم تنظمي وقتك بين الدراسه و امور البيت .. اختي دام انك بيت اهلك انصحك انك تزوري طبيب نفسي ضروري فعلاج جدا سهل .. و لا تنسي يا قلبي طمنينا عن اخر اخبارك .. |
اقتباس:
و آخر شي أريد التعليق على نقطة تفكيرك المتردد بالطلاق لا تفكري بالطلاق يا أختي طالما لا يوجد مشاكل حقيقية و اسباب شرعية تستدعي ذلك الطلاق آخر الحلول و ليس أولها زوجك يحبك و يحبك كثيراً و لو لم يكن يحبك لكان قد تخلى عنك بسبب الاجهاض المتكرر الذي حصل... او تزوج بأخرى و قال أريد الذرية التي تحمل اسمي ... استشعري النقاط الايجابية بزوجك و تذكريها دائما و اقرئي في المشاكل الزوجية و طرق حلها من مصادر اسلامية و شرعية و لا تتركي الشيطان يحل لكم أموركم قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " أَيُّمَا امْرَأَةٍ سَأَلَتْ زَوْجَهَا الطَّلاقَ فِي غَيْرِ مَا بَأْسٍ ، فَحَرَامٌ عَلَيْهَا رَائِحَةُ الْجَنَّةِ " بالتوفيق |
لا تقولي ان مشكلتك تافهه بالعكس انا حاسه فيكي
لان ما يحس بالوجع الا صاحبه والله يعينك وحولي تتاقلمي على طبع زوجك وخليكي واثقه من نفسك وفي البدايه خلي كلامك قليل لا تقولي شي مو واثقه منه وشوي اشوي بتتغيري خليكي واثقه بنفسك وانتي عزي نفسك وما في احد م اعنده مشاكل ولا تغرك المظاهر بس دائما كوني مع الله واصبري وتذكري والعاقبة للمتقين خلي همك ان الله يرضى عليكي لان ارضاء الناس غايه لا تدرك ودائما قولي ليش ما اتكلم انا حرمه واثقه من نفسي واقدر اتاقلم اشوي اشوي ولا تضغطي على نفسك كثير والله يفرج عنك يا حياتي نفسي افيدك اكثر خليكي واثه بالله وبنفسك د وطمنيني عنك يا قلبي والله يعين ويفرج همك وهم كل متظايق |
قلبي طفل مغرور مشكورة يالغاليه على ردك وبحاااول اسوي الي قلتي لي
الله يجزاك خير ياربي ويوفقك وانا والله مو كله عدم ثقه بالنفس لا احيااانا مااحس عندي شئ اقوله ادور ياربي وش اقول وش اعللللق مافي بالي شئ اقوله اقصد مو كله خجل او ثقه بالنفس اعجز القى مدخل اني اقول كذا 000او كذا يصير مافي بالي شئ يعني دايم بالمجالس الي حولي يسولفون ويضحكون ويعلقون وانا ماااعندي شئ اقوله او اضيفه وانا ماابغى يحسوون اني نطويه او غير اجتمااعيه وانا على العكس وودي اقول اي شئ وابينلهم اني اجتمااعيه بس مااقدر يروح يومي كله وانا افكر وش اقووول ؟؟؟؟ |
اختي اميررات تسلمين ياقلبي على الرد الله يجزاك خير
انا كنت مخوطبه كان بوقتها عمري 17-16 كنت صغيرة ولاعرف مصلحتي(ووكلت امي وابوي بهالموضوع )قلت انتم ادرى بمصلحتي والله يسامح الي يعرفونهم ماقالو لي انهم كذا بخصوص عايلة زوجي بس اللحين مايفيد هالكلام خلاااص ويمكن انتي صاادقه عندي رهاب اجتماعي 000بس مدري وبالنسبه لطبيب النفسي اتمنى اروح له بدوون مااحد يدري بس انا زوجي جدا محااافظ مايخليني اركب مع اي احدد ولا عندي اخووان كبار وانا يومي منظم كل شئ عاااااادي ونومي تقريبا كل ساعه ساعتين اصحى مستحيل انوم نومه مااقوم فيها 5 مرات 6 مرات |
مشكوره اختي ماريا على ردك الله يوفقك يارب
حسن العشرة بينك و بين زوجك + القيام بكل واجباتك تجاهه و واجباته تجاهك يؤدي للسعادة و شعور ذلك بكل لحظة وانا معاك بهالشئ والله وانا اقوم بواجباتي تجاهه وماقصر علي شئ بس ظرروف دراستي الصعبه غصب تتعبني ولابد اني بقصر مفروض ماتصير الانانيه مثل ماهو يشتغل انا طالبه وادرس واتعب من شاان حياتنا وتتحسن ظروف معيشتنا لاززم يضحي باشياء عشااان بكره نرتااح من هالظرروف الصعبه وهو عااارف ان راتبه ماايغطي وهو سبب اني ادرس من شاان اسااعده بعدين |
الساعة الآن 03:15 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©