|
أنا على وشك الانهيار.من أبنائي و زوجي
اقسم بالله ضايقه فيني الدنيا وبس ابكي وضايق صدري احس راسي بينفجر والله اني قبل شوي حسيت بشي لف راسي وما اشوف الا سواد مع دوخه مده لاتتجاوز ثواني كل هذا بسبب الضغط النفسي اللي اتعرض له زوجي مهملني وجاف معي مايتكلم معي ابد الا اذا بغى شي ورامي المسئوليه كلها علي عيالي اثنين مراهقين تعبوني مره مشاكلهم زادت وولدي الكبير بس يضرب خواته البنات الصغار ومسيطر عليهم وماهو ضارب حساب لي وابوه اذا شكيت له سكت وطنشني والحين بناتي صار بهم خوف مو طبيعي اللي بثاني ابتدائي تتبول على نفسها بالليل واللي عمرها اربع سنوات تبكي زي المجنونه تركض للشغاله اذا ضربها اخوها حتى انا ماتبغاني تصوروا ان عيالي المراهقين صار لهم سنه ونص مايكلمون بعض عشان مشكله تافهه وكم مره اترجاهم واحاول اتحايل عليهم عشان يتصالحوا ولافيه فايده اخاف يكبرون وقلوبهم تجفا على بعضهم وعلينا ودائما اقول لابوهم صالحهم لاتتركهم كذا يقول اتركيهم بعدين يتصالحوا واوقات يقول احسن عشان الولد الكبير مايتضارب مع اللي اصغر منه وربي تعبوني نفسيتي تعبت وعندي مولود عمره شهرين واسبوع مسئوليته كبيره وقلق وسهر وتصوروا طلعت من النفاس كم لي عمر ولدي شهرين واسبوع وزوجي ما قربني ولا حتى جاب لي هديه رغم ان حملي كله منومه بالمستشفى والله العظيم صرت ودي بس انام عشان ما اتذكر شي والنوم مفارقني قلق وسهر وارق وتفكير وبيبي بس يصيح حتى صرت بس اتهاوش مع الشغاله بشكل يومي لدرجة اني ضربتها لانها تستفزني وتجادلني كثير وانا اللي فيني يكفيني يعني ضغوط نفسيه من كل جهه واهلي بعيدين عني وانا بمدينه بعيده الله يوفقكم وش اسوي ابي ارتاح تعبت والله اني على وشك الانهيار ادعوا لي |
ربنا يفرج همك ويهدي زوجك ويقرعينك بصلاح اولادك
|
الله يعينك ويصبرك ويهدي زوجك واولادك
توضي وسمي بالرحمن وصلي ركعتيت وطلبي من الله انه يصلح امورك ومن توكل على الله ما خاب ومن ساعه لساعه فرج الله المستعان يا رب ترحمنا يا رب ترحمنا |
والله ياغالية الله يعينك ويصبرك بصراحة ضغط رهيب بس ماعليكي الا بالهدوء معلش علشان الاطفال مع زوجك حاولي معاه انك تتكلمي وتفهميه ان ممكن يخسر اولاده بهذي الطريقة وان البنات بيخافوا ونفسيتهم تعبانة من اخوانهم وانتي حاولي انك تبعدي البانت الصغار عن اخوانهم علشان لايصير مشاكل بينهم والاولاد معلش اتقربي ليهم بالكلمة الحلوة والنقاش سن المراهقة متعب ولازم يكون حزم من جهة الاب ولاتنسي حرام المولود الجديد محتاجك ايش ذنبه حبيبتي بعد صلاة الفجر وصلاة المغرب قولي حسبي الله الذي لااله الاهو عليه توكلت وهو رب العرش العظيم 7 مرات بنية ان الله يهدي الاولاد ولازمي على فتح القران في البيت القران يهدي النفوس ان شاء الله والله يعينك
|
جزاكم الله خيرا
|
وربي حاسه فيك
طيب خلي احد من اهلك او اخوانك يتدخلون صعبه كذا وهو الله يهديه ماخذ الحياه ببساطه ومطنش حلوه هاذينجيب عيال ونرميهم ومن ناحيه اولادك حاولي تتفاهمين معهم بالسلوب التاديب يعني ادبيهم ولو انهم كبار وكبرو على هالشي بس ماعليه تصبري والله يفرج همك ان شالله ولاتنسين سهام الليل |
الله يعينك ويصبرك فعلا دخلى احد من اهلك يكون ثقه يتكلم مع زوجك لازم يتحمل مسئوليه معاكى
الله يهدي يارب |
صدقينى يا اختى والله والله ثم والله مافى مثل الاستغفار والدعاء فى قيام الليل وراح تشوفين اثرهم على نفسك وعياالك
ونصيحتى ليه تتركين الخالق وتشتكين للخلق؟ استعينى بالله وادعى له وراح تشوفين الثمرات |
كيف علاقتك بربك
|
يا عيوني يا ام مودي
حبيبتي تعب الحمل وبقاءك في المشفى السبب حبيبتي ان شاء الله شهر وتستعيدي عافيتك وان شاء الله يرجع كلو مثل الاول واحسن لازم وقفه صارمه مع الاولاد ووقت يلاقوكي رجعتي مثل الاول رح يعملو لك حسااااااب صدقيني كلمه حلوه مع شوية شده لي رجعه للموضوع |
| الساعة الآن 07:02 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©